زوجي طيب لكن صعب

[ام بهاء]

زوجي طيب لكن صعب

مرحبا انا اليوم بدي اطرح مشكلتي وبدي تساعدوني
انا متزوجه اللي 4 سنوات وعندي طفلين والحمدلله وطبعا انا وزوجي مش اقارب بس تعرفنا بالشغل يعني بنشتغل بنفس المكان مشكلتي هيه زوجي طبعا تزوجنا فيكم تحكوا عن حب من طرف واحد يعني من طرفه هوه بس والله من اول ما انكتب كتابنا صار حبيبي وروحي والنفس اللي اتنفسه اول سنه زواج كان يشعرني بحبه اللي وكان ونحنا بالبيت مايرضى يجلس الا بجنبي وكان ما يناديني الا حبيبتي وياعمري وغير هيك كان يساعدني بشغل البيت والطبخ حتى ما اتعب واخلص شغل بسرعه واجلس معه وبعد السنه الاولى وبعد ما اجى اول طفل بداء كل شي يتغير بس للاسواء يعني كلمة بحبك بشحدها شحده منه وكمان الاهتمام والرومانسيه حتى بطل يجلس بجنبي وانا من طبعي بحب الاهتمام فيه وبحب اسمع منه كلام الحب وما بنكر اني انا عصبيه بس والله بهدا بسرعه وبعترف بغلطي وبرضى كمان بسرعه اما زوجي استفزازي درجه اولى بس يعرف انو هاد الشي بيضايقني او بينرفزني بيعملو ولما احكيله مانته بتعرف انه بضايق من هاد الشي بيحكي نسيت انه بيضايقك يا اخواتي والله اني ماكنت مقصره معه من كل النواحي لما بدو يطلع مشوار حتى لو كان على السوبر ماركت بطلع على لبسه وعلى شكله اذا كان مناسب ولا لا ولما يصير مناسبه من طرف اهله صدقوني بكون على اخر طراز عشانه وبالبيت كمان بحاول اكون دائما بالشكل اللي يرضيه بس ما بسمع اي تعليق منه ولا كلمه تبل الريق او تجبر الخاطر والاكل بطبخ الاكل اللي بيحبه هوه وانا مابحبه بس بطبخه وكله عشانه والدبله اول اسبوع زواج بطل يلبسها لما سالته ليش حكى انها واسعه على اصبعه رحت اشتريت هديه اله خاتم فضه كل من شافه حكاله انه روعه ملفت للانتباه عشان يلبسه مع الدبله رغم هيك بطل يلبس الخاتم والدبله قال ليش عنده حساسين من الفضه بس عشان يرضيني حكالي بلبسهم بالمناسبات وطبعا لبسهم اول مناسبتين وبعدين طنش ولما اساله بيحكيلي هو اللي بيربطني بيكي خاتم وطبعا عيد ميلادي تذكره اول سنه وبعدين سلامتكم ولا عيد ميلاد اللي اتذكر وحتى عيد زواجنا بينساه بيحكي هاي الاعياد شغلات مالها داعي وانا مابنسى ولا عيد النا وبجيب هدايا ولما بيفتحهم بيحكي ليش جبتيهم وكم ثمن هاي القطعه والخ ... وبينسى انه يحكي شكرا او يسلمو ايديكي وطبعا بعد اول سنه زواج بطلنا نطلع مشاوير وكل ما احكيله ليش ما بتطلعني اشم هوا بيحكي ليش مابتحكيلي عشان اطلعك يالله حتى هاي لازم احكي طيب ليش هوه مايبادر ويطلعني من دون ما احكي والله يا خواتي ما بضلمه بالحكي اللي بحكيه وهاد الحكي خلاني عصبيه زياده عن اللزوم وطبعا بما انه مافي دافع او اي حافز مادي او معنوي لكل ها الشي اتاثرت نفسيتي وكثرت مشاكلي معه وطبعا بطلت اهتم بحالي زي زمان وزاد وزني وزادت عصبيتي وكثر استفزازه اللي لحد ما الله رزقني بطفلي الثاني ما انس احكيلكم اني طبعا بالحمل ولا كاني حامل يعني لا وحام ولا حتى اي اوجاع كل شوي اروح على الدكتور يعني حملي خفيف لطيف قررت اني ارجع زي زمان اهتم بنفسي حتى لو ماسمعت اي اطراء منه ونحفت والكل انبهروا بشكلي الجديد وصرت اهتم بمكياجي وبلبسي اكثر من اي وقت ورغم هيك لا حياة لمن تنادي حتى لما اخواته يحكو اني كثير نحفت ما بيجامل بصير يحكي لا لسه بدها كمان تنحف رغم اني كان وزني 84 وصار 72 كل ماجلس انا وهو نتناقش بساله ايش اللي تغير على حيانتا وايش الفرق بين اول سنه زواج وحياتنا الحاليه بيحكي انه عصبيتي هيه السبب طبعا هوه ما بيحط بحاله اي عله وبطلع انا السبب بحكي طيب انا رح اتغير وانته كمان اتغير بنتفق وبعد يومين بيرجع لطبعه انا تعبت من الحياه والصراحه ما بقدر احدد اذا كنت بحبه ولا لا بس اللي بعرفه اني ما بدي اتركه وكل اللي بدي اياه منه شوية اهتمام وحب لاني تعبت وانا اشحد كلام الحب منه والحنيه ساعدوني بدي نصيحتكم كيف ارجع اخليه يعترف بحبه اللي ويهتم فيه بدون ماطلب منه والله مو طالبه شي كثير



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة