ارجوكم افيدوني :(

[ام بهاء]

ارجوكم افيدوني :(

يسعد مسآئكم جميعآ ، حليت عليكمم ضيفه جديده راغبه بالافاده والاستفاده

اولا بطرح لكم مشكلتي وابي منكم الحل !! http://www.dzbatna.com/vb/images/smilies/ANSmile05.gif
لي سنه الان متزوجه ومن تزوجت مشاكل مع زوجي لاتنتهي بل في زياده
واحاول ابلعها واعدي كل شيء يصير زوجي غريب الاطباع ومتقلب لدرجه الى الان
مااعرف هو شو يأكل وشو يحب ويكره بسبب غموضه وتصرفاته
معاملته معي اتعبتني تجاهل وبرود وعدم اهتمام
كل مااشكي لااهلي محد يصدقني لاني اجي اسب من حرتي وبعدها بكم ساعه
ابتسم معه ولا كأن شيء صار لكن والله مو لعب وهبال مني لاا بس مو متصوره
اني اعيش بدونه او ابتعد عنه
حملت ومن عرف بحملي انصدم وصدمني بكلامه قال كان ناوي يفاتحني بموضوع الانفصال لو ماحملت
وقال انا ماارتحت معك من يوم مااخذتك كسرني وحطمني حتى فرحتي بحملي كسرها
ومع ذلك ذليت نفسي ورضخت له ومستعده اسوي اي شيء بس ماننفصل
خبرت امي بالموضوع وقالت احتمال يكون عين لكن اكتشفت مافيه شيء
وقال انها كانت نزوه وتأسف بس والله ومتأكده ماكانت نزوه
معاملته الان معي تطورت في تجاهل كبير وجفاف وعدم اهتمام
انا اللي اركض وراه وادور رضاه واشحذه يتصل فيني ويطمني
لي كم يوم عند اهلي وفاتحتهم بنفس الموضوع لاني ماارتحت
احس اني في دوامه وممكن يطلقني بأي لحظهه لكن صابر علي لاني حامل
اهلي خلاص ماراح ادخلهم لان رافضين يتدخل اي رجل معناته ليش اتعب نفسي واشكي
لي يومين ماارد ع اتصالاته ولا شيء ولااول مرا اشوف اتصالات بالشكل هذا
جعلكم في الجنه ابيكم تساعدوني وتفيدوني ابي ارتاح واعرف موقعي وين
هل هو يبيني ولالا ! مرتاح معاي ولالا ؟

سألته سابقا ورد علي بتسليك انا تعبت ونفسيتي دمار وابي ارتاح

الحمدلله الكل يثني بااخلاقي وبجمالي يعني ماله حجه ومهتمه حيل بنفسي


الموضوع الان بين اياديكم وراجيه الاجابه والحل منكم . . http://www.dzbatna.com/vb/images/smilies/get-2-2008-vzp7onvp.gif



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة