سهرة لزوجي بمساعدة حماتي

[ام بهاء]

سهرة لزوجي بمساعدة حماتي


السلام عليكم
كيفكم يا حلوين
انا غبت عن المنتدى الرائع لفترة لاني تزوجت http://www.dzbatna.com/vb/images/smilies/get-2-2008-9ndhrgbt.gif وكان عرسي ب5 مايو
باركولي وادعولي بالذرية الصالحه http://www.dzbatna.com/vb/images/smilies/get-2-2008-dbttwedi.gif

المهم بعد ما تزوجت بشهر و شوي حبيت اعمل سهرة بسيطة بالبيت لزوجي كنوع من التغيير
وطلبت المساعده من حماتي وهي شخص كتييير رائع وبحسها متل امي وهي بتحبني كتيير (طبعا طلبت مساعدتها لاني متزوجه ببلد تاني فمابعرف اشي هون)

فهي اخدتني على صالون و عملت شعري(حماتي معها سيارة وبتسوق) وبعدين رحنا اشترينا شمع و ورد مجفف واخر شي اشترينا اكل جاهز وروحنا ع البيت(انا بيتي تحت بيتها)
ولما وصلت البيت رحت لبست و جهزت السفرة وطفيت الضو و ولعت الشموع ولما اجا زوجي العزيز كتيير انبسط واتعشينا ورقصنا سلو وكانت سهرة بتجنن
ولولا حماتي حبيبتي ما كنا انبسطنا هيك

في جمله حلوة حكتلي اياها وكتييير عجبتني برهنتلي انها انسان فهمان..
لما وصلنا البيت بعد ما اشترينا كل شي.. بحكيلها يسلمو اديكي عنجد ما في منك
فهي حكتلي (على ايش ما عملت اشي.. هي الحياة صعبه احنا كمان بدنا نصعبها اكتر!؟.. خلينا ننبسط)
وهاي هي قصتي ان شاء الله ما اكون طولت عليكم
تحياتي http://www.dzbatna.com/vb/images/smilies/get-2-2008-yds6b3uo.gif





https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة