منصات العمل في الphp

[admin]

http://www.dzbatna.com/images/icons/iconrote.gif ظ…ظ†طµط§طھ ط§ظ„ط¹ظ…ظ„ ظپظٹ ط§ظ„php (http://www.dzbatna.com/t850802/)



بسم الله الرحمن الرحيم






حاجة غريبة ان مافيش مبرمجين عرب كتير بيستخدموا الframeworks في الphp بالرغم من ان المساعدة الكبيرة اللي بتقدمها ...

و لذلك قررت ان اشرح طريقة افضل 3frameworks للphp و هما :

1- الzend php framework

هابتدي بيها عشان هيا تعتبر أسوأهم طبعا هيا من شركة زيند و ده كان سبب كافي عشان الناس تبدأ تجربها ... طيب خلينا نحكي عنها شوية

هانتكلم الأول هيا مبنية ازاي

لو في هنا مبرمجين لغة الjava هايعرفوا الzpf مبنية بطريقة الcore الخاص بالjava مع فرق ان الجافا اوسع و ده بسبب ان الphp مش بتوفر دوال الautoUpload بنفس الدعم اللي بتقدمه الجافا , بالنسبة للzpf كمنصة للعمل فهي بتقدم نفس الأساسيات اللي بتقدمها باقي الframeworks زي الurl rewriting و معظم الأساسيات زي الCache , Sessions , httpRequest , httpResponse , Cookies , Mail و الValidate ...

طيب ايه سبب سوء الzpf طبعاً دي وجهة نظر شخصية و في ناس كتير تقدر تخالفني في ده

من رأيي المتواضع ان الzpf لسه زي الطفل و عشان نقدر نعتمد عليها مش قبل سنتين كمان .





خلينا بقي نحكي شوية عن الcakePhp شوفوا بقي الكيك دي حته السكر بالنسبة لمنصات العمل في الphp

انا بحبها جدا للعلم مع اني مش شغال عليها دلوقتي لكني بعشقها و سبب ده انك لو عندك مشروع و مستعجل عليه تقدر تعمل لها ال configurations في 5 دقايق و تشتغل علي طول و بالنسبة للcore الخاص بيها فهو مبني بنفس طريقة الrubyOnRails و يمكن ده سبب بساطتها و بالنسبة بقي لعيوبها فأول و اكبر عيوبها بهو عدم وجود templateEngine ليها كنت جربت أسأل في المنتدي الخاص بالكيك و كان الرد انهم عملوا كده عشان انت تقدر تشتغل علي اي templateEngine انت عايزه انا نسيت اني اقول ان من أفضل مميزاتها انها بتتعامل مع الأجاكس بطريقة بسيطة للمطور



نيجي بقي لأفضل منصة عمل في الphp و هي الSymfony Framework خلينا نحكي الأول عن الcore الخاص بيها ....

بصراحة انا مش شفت محرك مبني بالطريقة دي قبل كده و عشان كده هيا كانت غريبة عليا شوية

و كمان انا بنصح بيها اي حد اول مرة يشتغل علي منصة عمل و من الأسباب انها بتتكتب بطريقة بسيطة يعني كود codeها ممكن اي حد مش عنده اي خبرة بالphp يقرا كود codeها ..... غير كده مع السيمفوني انت تقدر تغير تعاملك مع قاعد البيانات بتغيير سطر واحد بس يعني لو شغال علي الجهاز علي الmysql تقدر ترفعها علي الموقع Oracle او postGre او اي نوع تاني

نيجي بقي لل Generators في السيمفوني اه ...

انا نسيت اقول ان السيمفوني بتتعامل معاها من الcli يعني من الدوس و دي ميزة انا مش شفتها في اي Framework تانية نرجع تاني لل Generators في السيمفوني انت تقدر تبني الBackEnd او ال administrationArea بسطرين بتكتبهم في الcli و هيا بتبنيهم لوحدها بالله عليك شفت حاجة بتساعد بالطريقة دي ؟؟؟

و من المميزات الجميلة اللي فيها ال validation في السيمفوني انت بتعمل ال validation من خلال ملف yml و خلونا نخرج شوية عن السيمفوني و نحكي عن الyml او اليامل هيا إختصار لyet another markup language

و هي لغة لحمل البيانات زيها زي الxml مع ملاحظة انها بتتكتب من غير تاجات و هاوريكوا مثال :

رمز Code:
dev: .settings: E_ALL | E_STRICT = 4095 error_reporting: 4095 web_debug: on cache: off stats: off no_script_name: off etag: off
و المثال ده من اخر مشروع انا شغال فيه بالسيمفوني

و نيجي بقي لعيوبها بصراحة السيمفوني لغاية دلوقتي مش لقيت فيها غير عيب واحد بس ...و هوه ال configuration الخاص بيها انا أقعدت اعمل ال configuration ده في اكتر من ساعة يمكن الحكاية دي سهلت عليا حاجات كتير قدام لكن ال configuration في السيمفوني معقد فعلاً

اها صح انا نسيت اقول ان في السيمفوني بيكون في نظام خاص للقوالب و لكن تقدر تستخدم الSmarty و ده عن طريق إضافة للسيمفوني

و أخيراً نصيحة :

قبل ما تشتغل علي اي Framework في الphp لازم يكون عندك خبرة في البرمجة بالكلاسات و لازم تكون عملت اكتر من سكربت قبل ما تقرر العمل و ده عشان مصلحتك يعني من الأخر الframeworks مش للهواه و لكن للمبرمجين اللي بيسعوا لتقليل عدد ساعات العمل الخاصة بيهم و إن شاء الله هحاول انزل هنا دروس للتعامل مع الSymfony Framework

و السلام عليكم و رحمة الله و بركاته





ألعاب الأندرويد مجانا و حصريا (http://www.apotox.info/forum)




https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com)©