ساعدوني بالاختيار يا متزوجات

[ام بهاء]

ساعدوني بالاختيار يا متزوجات

السلام عليكم ورحمة الله وبركاته

كيفكم يا فراشات http://www.dzbatna.com/vb/images/smilies/rose.gif









اتمنى يا اخواتي المتزوجات تفيدوني ممكن يكون موضوعي مو في القسم المناسب بس انا شايفه ان انتو افضل ناس ممكن تعطوني رائيكم لان عندكم خبره

انا ماعندي مشكله كبيره الحمد لله http://www.dzbatna.com/vb/images/smilies/get-2-2008-ehrx1i9o.gif

بس حيره في الاختيار http://www.dzbatna.com/vb/images/smilies/get-2-2008-7gwplast.gif مو قادره احدد مصيري عشان كده ابي استشيركم في موضوعي


انا طبعا مو متزوجه ومتقدم لي عريسين http://www.dzbatna.com/vb/images/smilies/punch[1].gif في نفس الوقت تقريبا

في البدايه اتقدم لي شخص يكبرني بثمانيه سنوات وهو منفصل يعني سبق له الزواج قبل كده

هي مش خطبه بس احنا في بدايه الموضوع طبعا بابا طلب مني افكر


وبعد كم يوم صديقة ماما كلمتها تبغى تخطبني لولد اختها وهو شاب اكبر مني بعشره اشهر بس

وهنا انا احترت اخواتي يقولو لي اختاري الولد افضل ايش تبغي بمطلق واكبر منك
كل اهلي شايفين ان الشاب افضل وانه اختيار مناسب لي

انا محتاره وجالسه افكر والي جاء ببالي
الشاب افضل كمنظر بالنسبه لي قدام الناس واقاربي اكيد شئ حلو اني اتزوج شاب ما سبق له الزواج وكمان هو وسيم ووظيفته طيبه

افضل من اني اتزوج رجل مطلق واكبر مني وحتى انا اجمل منه مليوم مره يعني لو اتزوجته الناس راح تقول عني اتزوجته عشان فلوسه الصراحه هو غني بالمررررره وشئ اكيد الناس راح تقول عني كده


بس تبغون الصراحه يا بنات انا استخرت وسبحان الله احس براحه نفسيه كبيره للمطلق مع ان عقلي يقولي لا الناس راح يتكلمو عليكي بس في شئ داخلي يقولي خلاص هنا انتي احس براحه كل ما استخرت تجاهه


والشاب الثاني والله ما ادري الصراحه انا شخصيتي قويه وانسانه عمليه واشتغل بمجال مختلط وخلال عملي لاحظت اني بالمره ما اتفق مع الشباب الصغير الي اضغر من 32 احس عقولهم بالمره صغيره
وانا خايفه من هذه الناحيه اخاف ابتلش ويطلع واحد الكل يقول عنه انه لقطه http://www.dzbatna.com/vb/images/smilies/get-2-2008-vzp7onvp.gif وانا ما اكون سعيده معاه

والله بجد انا بقمة الحيره كيف اقدر اختار الاختيار المناسب لي اهلي كلهم جالسين يضغطون عليا ويبغوني اختار الشاب ويبغوني اتزوج

وانا مو عارفه ايش هذي الحيره ياربي كيف اقدر اقرر

اعرف ان كل شئ قسمة ونصيب والمكتوب راح اخده بس اتمنى اختار صح

مو مثل اختي الي اكبر مني الكل يمدح بزوجها صحيح هو طيب لكنه مهمل فيها وباطفاله كل همه اصحابه مه انه طيب معاها لكن هي الي شايله مسؤوليه البيت والاطفال وهما مافي فرق بينهم الا كم شهر بالعمر

اخاف اصير زيها واتزوج واحد طايش http://www.dzbatna.com/vb/images/smilies/get-2-2008-n0gfapyo.gif


ها يا بنات من خلال خبرتكم وانكم متزوجات بايش تنصحوني
http://www.dzbatna.com/vb/images/smilies/lac[1].gifhttp://www.dzbatna.com/vb/images/smilies/lac[1].gifhttp://www.dzbatna.com/vb/images/smilies/lac[1].gif



اتمنى القى ردود تساعدني وشاكره لكم



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة