أنتِ مميزه باستقلاليتكـِ♥,بجاذبيتكـِ♥,بذكائكـِ♥ أمام الكل وبالأخص ♥♥ زوجكـِ

[ام بهاء]

أنتِ مميزه باستقلاليتكـِ♥,بجاذبيتكـِ♥,بذكائكـِ♥ أمام الكل وبالأخص ♥♥ زوجكـِ

السلام عليكم ورحمتة الله وبركاتة

موضوعي يطرح المشكلات الي نواجهها احنا البنات وخاصه المتزوجات وتصير كثير واحنا أحيانا مانحس ولاندري فيها وكيف نقدر على تغلبها



الاستقلال العاطفي
مشكلتنا كمجتمع للاسف الى الان تنقصنا ثقافه زوجيه صحيحه يمكن الحمدلله الحين احسن بكثير من قبل لكن تضل المشكله موجوده ..
نشوف البنت اذا تملكت خلاص تكون محتاسه تتجهز لزواجها
اليوم راحت السوق ,,
وين الفستان ماخلصه الخياط..
يالله مافي وقت الايام تروح وانا لسى مابعد خلصت ..
يابنات ابي احسن مشغل تدورن اني عروس.
وووووووو
صحيح انا ماالومها تتجهز وتفرح لزواجها
لكن المفروض كل بنت شي اساسي وخليه تتعبره من جهازها
انها تاخذ دورات,دورس, تاخذ خلفيه ع الحياه الي راح تعيشها بالمستقبل..
وبعد مشكله بعض الامهات فكره الزاوج ماخذينها غلط الله يهديهم خلاص
انتي بتتزوجين انسي كل شي
لاصديقات ,لا طلعات
واذا قلنا ليش قالو خلاص انتي زوجه
وكثير مانسمع من البنات "خليني انبسط الحين قبل ماااتزوج "
ليييييييييييييييييييه
ليه نبدا حياتنا غلط بمفاهيم وأمور من راسها لساسها غلط بغلط
وبعدين اذا جينا نغيرها او نعدلها تعبنا كثييييييييير

ليه ماننغير هالمفهوم الغلط الحياه الزوجيه حياه رائعه
اهي بكل بساطه نفس حياتك بس تضيفين لها زوج ..
اذا خلينا هالمفهوم في بالنا اغلب الهموم والمشاكل باذن الله تروح
حياتك خليها مثل ماهي
صديقاتك,هواياتك, اهتماماتك, كل حياتك نفس ماهي بس اضيفي لها زوج..
احبيه ,,اعطيه الحنان,,دلعيه ,,, عيشي معه ولكن لاتعيشي له ,,,
اشلون تعيشي معه بس ماتعيشي له؟؟؟
رومانسيتك كبيره ودلعك طاغي
ولكن كوني حكيمه مو كل عاطفتك له
لانه زوجك ماراح يتحمل كل هالحنان والرومانسيه
راح مع الايام يطفش وبيحاول يتهرب منك
ويمكن ماراح تلاحظين بالبدايه ولاراح تحسين
بالعكس انتي راح تقولين وش يبي اكثر من كذا اعطيه دلع وحب وحنان

اقولكم مثال تقريبي للشي:

رجع الزوج من العمل وعلى الغداء قال لزوجته انه بيروح
في رحله مع اصحابه وانه بيكون اليوم كله معهم ..

الزوجه ((المتعلقه عاطفيا ))..تزعل وتضيق ..ويني انا من جدولك ..؟؟
ليه كل طلعاتك مع اصحابك تجلس بالايام وانا ياحظي ساعه والا ساعتين وبسرعه
؟؟..ليه لهاالدرجه انا ممله ؟؟.
.انا انتظر نهايه هالاسبوع عشان تعوضني عن انشغالك عني
..ولكن للاسف انا اخر اهتماماتك
وانت لا تفكر الا في نفسك ...ووووو الى اخره من هالحكي

وتجلس طول اليوم وهي نفسيتها تعبانه ومتضايقه

اما الزوجه ((المستقله عاطفيا )) ..فترد عليه ...
والله زين قلت لي عشان اخصص لبكره يوم الدلع الخاص بي
يرد عليها : يعني وشو يوم الدلع؟؟

ترد عليه : ...هذي سوالف حريم .. وتقوم من مكانها
وهي تفكر بروح المشغل وبتصل عليهم احجز عندهم بسوي بودي كير ومني كير ....
وتنظيف بشره..وحمام زيت للشعر ..امممم وبعد بسوي حمام مغربي
لنفسي ..يووه من زمان ودي اتفضى لنفسي عشان اهتم فيها..


وبكل الحالتين ماراح يغير رايه وبيروح للرحله ..
ولكن في الحاله الاولى ..بيروح وهو مكشر ..ولما يقولوله
اصحابه يرد ويقول (( المره لازم اتنكد علي قبل لااطلع ))

اما في الحاله الثانيه ...بيروح وهو مرتااح ..وباله مشغول بزوجته
ويفكر وش تقصد بيوم الدلع ...ولابيرجع بدري عشان يشوف
نتيجه الدلع بنفسه >>>


انا مو اقولك لاتحرميه اعطيه جزء من الحب والحنان له
وتحكمي بعواطفك واستقلي بشخصيتك
بالبدايه راح تكون صعبه لكن مع الايام بتتعودي وبالعكس راح تحسين بمتعه جدا رائعه
اذا طلع اشغلي نفسك باي شي استمتعي بيومك ,العبي مع عيالك,
تفرجي تلفزيون ,أي شي اشغلي نفسك فيه, هوايات , قراءات
لاتشغلين نفسك وين راح؟ ليه تاخر؟ متى بيجي ؟
واذا جاء هلي ورحبي فيه
بكذا راح تكونين مرتاحه نفسيا وعاطفيا لانك ماتنتظرين شي منه

يالله شي حلوووو



مو انتي كنتي قبل الزوج كذا ؟؟؟طيب ايش الي تغير...
مشكلتنا اننا بحاجه لتقدير لذواتنا ؟؟؟مو قادرين احنا ع اسعادها ؟؟؟
ليه الزوج صار كل حياتنا ؟؟وصار المصدر الوحيد لسعادتنا...
ليه مافي احد بحياتي غيره ؟؟؟
ليه مانكون مستقلات بعاطفتنا ؟؟؟


قاعده مهمه "
"عيشي حياتك ...وخليه يعيش حياته ..
واذا التقيتوا استمتعوا باللحظات التي جمعتكم"

اذا طبقنا هذي القاعده راح نرتاح كثير حتى الزوج راح يرتاح
لانه خلاص انتي تكونين استقليتي بعاطفتك واهو بيطلع وبيروح براحته
بالبدايه راح ينبسط لانه انتي كنتي من الضغوطات الي ناشبه له
بيقول وش صاير لها ؟؟؟ مو من عادتها ؟؟
لكن مع الايام راح تتفاجاين انه يجي يقول ايش رايك نطلع سوا
فبتشوفين انه بدا يهتم فيك يبادلك نفس الشعور صار يشتاقلك واشياء تصير مره حلوه
وبالعكس راح يستمتع بالوقت الي تكونين وياه
لانه الضغوطات الي الي كانت قبل عليه "لاتروح عني , لاتتاخر" راحت عنه..

حتى المستقلات عاطفيا يكونون اقوى من الضعيفات بتقولون كيف؟
بعض البنات ازواجهم يظلمونهم باي شي كان ومع ذالك ماتتكلم ولاتقول شي لييييه ؟
او حتى اذا زعلها ماتقدر تواجهه
تقول انا احبه واموت فيه ومو قادره اموت بدونه..
تموتين بدونه!!
هذا نتيجه التصاقها به وتفريغ كل عاطفتها له
حتى اذا زعل او طلع وهو زعلان
خلاص ماتقدر تنام ولاتاكل
ليييييييييييييه كل هالشي
ليه تتعذب لانها ماتعودت تهتم بنفسها وتوجه عاطفتها لها
انا ماانكر الزعل يالم ويعذب بس مايموت !!

تقول الدكتوره والاستشاريه :ناعمه الهاشمي
تلك هي المشكلة،
أن نعتقد أننا وجدنا في هذه الحياة من أجل الأخرين،
أو من أجل أن نسعد بصحبة شخص ما على وجه التحديد،
أن نعتقد أن من خلق فلان لم يخلق غيره،
وأنه قد قدر علينا أن نعيش في محراب حبه،
وأنه توأم الروح الذي لا بديل له،
في نظري فإن هذا نوع من انواع الشرك،
هذا في اعتقادي الشخصي،
لأننا لم نأتي إلى هذا العالم من أجل ايا كان،
بل جئنا لنخلص الحب لله فقط،
وما الأخرون من حولنا إلا متاع الدنيا،
يعينوننا لنصل إلى بر الأمان،
ما الزوج للزوجة، إلا متاع إما ان يعينها
على عف حاجاتها النفسية والعاطفية والبدنية،
فيقيم لها حياتها، فيسهل عليها عباداتها،
فيقودها للجنة،
وإما فلا حاجة لوجوده أصلا،
وما الزوجة للزوج إلا متاع ايضا،
تعينه على اشباع حاجاته النفسية والبدية والعاطفية،
ليصفوا عقله بعد اشباع حاجاته لقضاء عباداته،
لا يوجد في هذه الحياة، حب وحيد،
وما الحديث في مثل هذه المشاعر الوهمية،
سوى خزعبلات صاغها فاسدون،
الروح حرة يملكها الله،
والقلب مضغة يسبح لله،
والعقل ناصية تقود لله،
وما أنت إلا قيد مشاعرك،
وما مشاعرك إلا قيد فكرك،
وما فكرك إلا قيد قناعاتك،
فإن اقتنعت أن الحب لله،
وأن لا حب عظيم لسواه،
فإنك فورا ستجدين نفسك حرة طليقة
إن شاء الله ...




Stop
اسالي نفسك هل حياتي متوقفه ع هالشخص؟
اذا دلعني واهتم فيني استانست .
واذا مااهتم فيني مت وانتهت حياتي.
لازم تكونين مستقله بعاطفتك
طيب بتقولون كيف وشلون؟؟

أنا اقولكم
وجهي عاطفتك لنفسك, دلليها , احضنيها ,اهتمي فيها
شوفي الي حوليك امك خواتك احضنيهم فرغي عاطفتك فيهم
اطفالك ضميهم اشبعيهم حنان العبي معاهم
كرري بين نفسك دائما" انا قادره على نفسي والاهتمام فيها "
كافئي نفسك
مثلا اذا حسيتي انك تتعبين بالشغل
او مع عيالك لاتنتظرين زوجك يمدحك او يشكرك او يضمك لالالالالا
كافئي انتي نفسك
خذي يوم راحه من الطبخ مثلا,,اشتري كيكه واستمتعي فيها
اطلعي لمكان غيري فيه جوك
وبكذا بتشبعين عاطفتك ولاراح تحسين باحباط ولااي مشاعر سلبيه من زوجك
الاستقلال العاطفي هو انك تحبين زوجك ونفسك واطفالك بنفس القدر
مو انك تحببين زوجك والباقي تهملينها .
غيري تخطيط حياتك من جديد
كوني لك صديقات اذا كان ماعندك
واذا عندك وين شله صديقاتك
اهلك ,خواتك
خططي لحياتك وارسميها مضبوط وانطلقي
خلي حياتك مختلفه لك ولزوجك ولكل الي حولك
حاولي ولاتستلمين خليك مستقله عاطفيا وماديا وروحيا من زوجك
ولو ع الاقل بشكل جزئي
اعطي لنفسك جزء ولزوجك جزء
استحاله انك تعتمدين بزوجك طول الوقت لاسعادك
فمهما كان هو شخص له حياتك الشخصيه المستقله عنكِ.
لااحد يفهمني غلط ا واني احرضكم على ازواجكم لالالالا
لكن كل الي ابيه اننا نكون قويات ومستقلات بعاطفتنا
لانه لو لو لو قدر الله وصارت مشكله مثل ماقلت قبل
مو تنتهي حياتي وبس ابكي ومااقدر اعيش بدونه
ونجلس نبكي وحالات انهيار
لالالالالالالا
خلاص انا اكون مستقله بعاطفتي حتى اذا جات مشكله قدرت احلها واحكم عقلي فيها
واقدر اني اعيش حياتك من جهه ثانيه
مو خلاص اذا جت مشكله اتنكد الى ان تنحل والا بضل ع هالحاله ...

ربي يسعدكم ويجعل حياتكم كلها هنا وسعاده

مشكلات نعاني منها


حقوقك اين هي؟؟
مشكله بعض النساء للاسف لاتطالب بحقوقها
وهي بتصرفاتها احيانا تهضم حقوقها بيدها
وهي طول حياتها تضحي وتتعب وتصبر لاجل اسعاد من حولها
وهي من يضحي لها ؟؟
من يتعب لها ؟؟؟
من يبادلها نفس المشاعر بالتضحيه والتعب؟؟؟
لا احد للاسف غالبا
كل او غالبيه النساء تعطي وتعطي وتعطي
بالمقابل لاتجد من يبادلها او يعطيها مثل ماتعطيه
او حتى لو انتظرت العطاء الذي ياتيها ليس كماتوقعته..
بعكس الرجل ياخذ وياخذ وياخذ ونادرا مايعطي..
يمكن البعض مايلاحظ الشي لكن لو تفكرنا بحولينا
ومانمر فيه بايامنا لرأينا صدق ذالك

اعجبني مقال للاستاذه نوال المطلق حبيت اذكر اسمها لانه جدا رائع سمته باسم البورصه خسرانه يامدام تقول:

البورصه خسرانه يامدام ...
كم تساوي أسهمك في البورصه ياسيدتي ؟؟
كم عام هي حياتك ؟ ... ماهي إنجازاتك ؟
ستقولين ضحيت من أجلهم ..أفنيت شبابي ... تعبت من أجلهم ...
حرمت نفسي من أشياء كثيره من أجل إسعادهم والتوفير عليهم ولهم ...
أنفقت راتبي ..ولم أدخر منه شيئ ....
كل هذا من أجل الأخوه أو الزوج والأبناء ....
من طلب منك أن تضحي ؟
من طلب منك أن تحرمي نفسك لأجلهم ؟
لماذا تلومين الأخرين على نكران ماتسمينه تضحية وجميل ومعروف
وكل التسميات التي تدل على ضعفك وتهاونك في حق نفسك ...
تجتهدين وتتفانين وتنفقين مالك وشبابك وأنتِ تنتظرين مردود لهذا العمل ...
لن يلتفت لك أحد طالما أنك تفعلين خير وتنتظرين ردة الفعل من الأخرين ...
(حتى من ولد بطنك )..
(لاتسمى الضعف والخنوع عمل لوجه الله فالله أعلم بالسرائر )
هناك مثل يقول ( مبدي على نفسه في النار )
أي أنك تفعل من أجل الأخرين وليس من أجل أن تعز نفسك بالعمل لوجه الله ....
(ولله العزة جميعاً )
هل طلب منك أقرب الناس لك المساعده بالمال ؟
أم أنك تقمصتي دور عنتر بن شداد
في الحمية لقبيلته وحمله لسيفه وأقتحامه المعركه ...
ونصرة قبيلة والده الذي يتبرأ منه دائماً ..
المال تلك العملة المزيفه في مصرف الرجال ياسيدتي ..
عنتره سيفه حديد شديد وسيفك ورق ...
تبلل وتفتت مع أول قطرة عرق لك في المعركه ...
سلاحك جرح الزوج بالذات فهو يرى أنه هو عنترة العبسي المحارب
فربما سلبُكِ هذا الدور منه هو السبب في خسارة أسهمك في بورصة الحياة الزوجيه ..
كفكفي دموعك فالشكوى لغير الله مذله ......ربما أنتهى وقت المعركه ...
والبورصه أغلقت أبوابها ...
حاولي وأجتهدي أن تجدي نفسك وأبحثي عن السعاده بداخلك أنت ..
أصنعي معروفاً لنفسك ولاتنسيها ...
بدعوى أنك إمرأة شجاعة كريمة مضحية
وأنت تشحذين السعاده والمحبة بالمال والدموع والنحيب
على مالك وشبابك الذي ضاع من أجله ...
الشحاذ يتباكى ليأخذ مالاً وأنت تبكين لأنك فرطتي بمالك ووشبابك حسب زعمك ...
ترفعي عن الشحاذه وأرحمي نفسك ..
.واتركيه لما خلقه الله له ...( الرجال قوامون على النساء )
... تعرفي على حقك , يعرفك الرجل أكثر ...
نوال المطلق


وهذا جزء من مقال للدكتوره والاستشاريه : ناعمه الهاشمي:
الأخرون لايحبوننا كفاية ......
......
الكثير من النساء يحرصن على العناية
بالآخرين والاهتمام لأمورهم
ويتوقعن ان يقوم الآخرون ايضا بالعناية بهن،
لكنهن ينتظرن طويلا قبل ان يحدث ذلك،
وإن حدث فعلا
فإنه لا يكون بالشكل المطلوب أو المتوقع.
أنت فقط أنت لا غيرك يعرف حاجتك جيدا،
أنت فقط تستطيعين قضاءها بالشكل المطلوب،
فاهتمي بنفسك جيدا غاليتي، فغالبا لا أحد سيهتم بك،
الشكل المطلوب.
عندما تفني المرأة جل وقتها وحياتها وشبابها
في الاهتمام والعناية بمن حولها،
فإنها تتوقع غالبا ان يبادرلونها العطاء
لكن لماذا لا يحدث الأمر كما نتوقع....؟
لان كل انسان في حقيقة امره
مجبول على الاهتمام بنفسه والعناية بها اولا
والحرص على تلبية مصالحة الذاتية قبل كل شيء.
التضحية أمر جيد، لكن بمقدار، وفي مكانه الصحيح،
بحيث لا تجور عليك، وعلى حقوقك يا أختي؟
قال تعالى: (( وابتغ فيما آتاك الله الدار الآخرة
ولا تنس نصيبك من الدنيا))
قال رسول الله صلى الله عليه وسلم :
{ إن لربك عليك حقاً، ولنفسك عليك حقاً،
ولأهلك عليك حقاً، ولولدك عليك حقاً، فأعط كل ذي حق حقه }
[رواه مسلم].
فهل لاحظتم الترتيب الوارد في الحديث الشريف،
فلكل ما يرد في قوله صلوات الله عليه وسلامه عبرة،
فقد ذكر حق الله قبل حقك لنفسك،
ثم بعده مباشره حقك لنفسك،
ثم لأهلك الزوج والأب والام
ثم لولدك،
يمكنك الان أن تضعي أولوياتك الآن بسهولة ويسر
ببساطة، فقط نظم عليه الصلاة والسلام حياتك عبر هذه الاولويات،
أدي حق الله عليك أولا، ثم خصصي ما تبقى من وقت للعناية بنفسك،
ثم بعد ذلك اهتمي بأهلك، ثم ولدك..



لحظااااات وراجعه لكم بمشكله اخرى نعاني منها بعد

الرومانسيه الخاطئه
للاسف الرومانسيه مفهومه غلط عندبعض المتزوجات؟؟

وللاسف الاقي بعض البنات ....... نفس التفكير ......
بليز يامتزوجات ..... بليز يابنات .......
افهموا الرومانسيه والحب صــــــــــــــــــــح
ابي ليله رومانسيه وتكون مفاجئه لزوجي
وهات ياورد
وياشموووووووووع
ابي لبس تنكري يغري زوجي؟؟؟
وتعالوا شوفوا الافكااااااااار قسم بالله تقولون مهرجات مو بنات
ولا التاليف والمسرحيااات والتمثيل على الزوج ؟؟؟؟؟؟؟؟
كله شكليات في شكليات
يابنات صحصحوا معي شوي
انتي تبين زوجك يحبك؟ تبينه يموت فيك؟ تبينه مايدور غيرك؟

عزيزتي انتي لازم تحبين نفسك اول ......... بعدين زوجك بيحبك
لازم تكونين واثقه من نفسك ............ بعدين زوجك بيموت فيكي
لازم ترضين رضى كامل عن شخصيتك .... وصدقيني زوجك ماراح يفكر بغيرك
اثقلوا ياعالم ......... ترى الثقل صنعه
انتي يالمتزوجه ياللي تعفسين عمرك عفيسه
عشان زوجك يعجب بك وبافكارك المبدعه
وبالنهايه يتاثر ذيك الليله ويبسطك شوي ويعطيك شوي مدح وبكره ترجعين مثل اول
وبعضهم للاسف مايعبرها حتى ولاينتبه هي الضعيفه وش سوت له اساسا
الكثير بل معظم ازواجنا ماعندهم احسااااااااااااااااااااااااس
الرجل السعودي تربى على الدلال من اهله وامه واخواته
يامر وينهى وكل طلباته مجابه فورا
تربى على الاخذ فقط ............... بس ياخذ ومايعطي
ادري الشباب يزعلون اذا قلنالهم كذابس خلنا واقعيين
الزوجه هي اللي تسعى دايم لارضاء الرجل باي طريقه حتى لو على حساب نفسها مو صح؟؟
وهو ؟؟؟؟؟؟؟؟ ولاحتى يحاول ولو بشكل بسيط انه يغير من جوها
انا مااقول الكل بس الغالب
يمشيها شوي ولا يوديها مطعم وخلاص انتهينا؟
ياعالم فاهمين الرومانسيه والحب غلط
بجامات وقمصان بعبارت مضيئه
الان حصريا عند ........."واعتذر من خواتي التاجرات"
احجزي الان)))ليه سلامات الكهربا خربان وحنا ماندري او بس توفير
الان تمتعي باقوى عبارات في الجهاز المضئ حصري عند ام فلان
بسرعه يابنات لايفوتكم المفرش المضئ
بعباره انت عمري))) يؤؤؤؤؤ سلامات من جد ياحليلي وانا تحت هالمفرش المضئ خير ان شاء الله؟؟؟؟
ترى الحياة مو كذا والزواج مو كذا ابدا
وربي انكم تعطون البنات افكار غلط للاسف
تحسبين نفسك بهالحركات بتاخذين قلب زوجك وعقله؟؟؟
لااااااااااااااا وربي
نعم التغيير شوي مطلوب وحلو انك تتفنين للزوج
بس لايصير هوس ؟ وخلاص اذا ماتسوينه انتي مو رومانسيه؟ او ماتحبين زوجك؟
يعني الحين
نشوف البنات كلهم...
تجي وحده تقول زوجي يبيني انحف ويعايرني الدبه
زوجي يحب......... وانا وش اسوي؟؟؟
زوجي يقولي .......... وانا ماابي؟؟
عزيزتي المتزوجه
اثقلي .. ترى والله الثقل زين
بعدين ترا فيه الف طريقه للرومانسيه
وشوفي كم بلوى صارت نتيجه للرومانسيه اللي مال امهااا سنع وكلها عبط
يابنات
للحب مليون والف تعريف ونوع وشكل والكل يعرف وش اقصد
لاتطلعين وتصدقين كل شي
اذا انتي رضيتي فيه بكل عيووبه
خليه يرضا بكل عيوبك
اذا انتي تبين تغيرين شي في شكلك او جسمك عشانه؟؟
لازم انتي تسوين التغيير عشانك اول
ياعزيزتي ساعه وحده من وقتك كل يوم خليها لك انتي
صلحي فيها من نفسك ومن هيئتك وتعتنين بنظافتك ..
. النظافه والرائحه العطره .. هي المفتاح الاول لرغبة الرجل..
لازم لما تشوفين حالك بالمرايه تحسين انك مبسوطه وراضيه
عشان اذا شافك زوجك تسر عينه بما يراه
لازم تحسسينه بشخصيتك وانك تحبين ذاتك وماترضين انه يجرحك فيها
خلك كاتمة سره ولاترضين في زوجك ابدا
لاتذمينه عند اهله لانهم ماراح يرضون فيه وراح تنزلين من عيونهم
ولاتذمينه عند اهلك بعدين تروح هيبته ويقل قدره عندهم
لاترفعين صوتك عليه وخل كلامك معه بكل انوثه وغنج
امدحيه دايم واشكريه ترى الرجال يحب كذا
احترمي شخصيته وعاملي اهله زين وقدري امه وخلها مثل امك
يابنات ترى والله العظيم ان ام الزوج نعمه ونعمه كبيره
واحمدي ربك ان اهله احياء لازم تساعدينه يبر فيهم ويعاملهم بكل عطف
صدقيني وربي ان اللي مافيه خير لاهله ماراح يكون فيه خير لزوجته
خلك لهم مثل بنتهم وانتي شوفي وشلون يعاملونك

اذا كان فيه عيب لازم تتقبلينه وممكن مع الوقت تجذبينه
وتغيرينه مو بالقوه الرجال يتغير ابدا
عشان كذا هو راح يتقبل عيوبك كلها
الحب بين الزوجين مو حركات جنس بس او حركات مهرجين
الحب والرومانسيه
هو
التفاااااااااااهم اولا واخيرا والتضحيات والصبر على الحياه سوا بحلوها والابمرها
والاحترام المتبادل مويكفي انك تحترمينه ؟ لازم هو يحترمك بعد
صدقيني هو بيحبك وبتصيرين كل شي بحياته اذا انتي ركزتي على الاساس وليس الشكليات
اتمنى انكم فهمتو علي وش اقصد انا..

منقووووووووووووول من الاخت "الحلم الاخير"

دعواتكم http://www.dzbatna.com/vb/images/smilies/rose.gif



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة