سنة اولى زواج

[ام بهاء]

سنة اولى زواج

خلونا نبدأ موضوعنا على بركة الله ..



[[ سنة أولى زواج ]]



- الله ! شنو هالريحة الطيبة -

تخيلي أختي ان أختك دخلت مرة الغرفة عندك من بعد ماعطرتيها و بخرتيها .. أول تعليق راح تقوله

( الله ! شهالريحة الحلوة !! ) سبحان الله هذا يدلنا على ان حاسة الشم مهمة بالتالي الأنف مهم جدا جدا ..

انتبهي لأنفك .. هو وين مكانه ؟ متربع على عرش الوجه صح .. يعني له مكانة عظيمة .. و بعد هو سلاح ذو حدين ..

يا يودينا للخير و الحب و الأجر .. أو المهالك و الله يجيرنا ..

و سبحان الله كان في إهتمام من زمااان بالأنف و تحديدا حاسة الشم .. خلونا نسترجع حديث الرسول عليه الصلاة و

السلام يوم قال (حبب إلي من دنياكم النساء والطيب) ..

و لما تقرأي سيرته عليه الصلاة و السلام بتعرفي انه ما كان يرد الطيب .. بعد ورد في السيرة بهالخصوص .. !!!

السواك .. الإغتسال يوم الجمعة و سنن الفطرة .. و غيرها .. طيب هذا كله ليش ؟ عشان نحافظ على روايحنا طيبة

و محبوبة يتقبلها كل شخص نتعامل معاه و نعيش معاه ..

و العكس نلقى انه نهى اللي ياكل البصل أو الثوم من انه يصلي في جماعة ..

و لا تنسون ان دم الشهيد تكون ريحته يوم القيامة مسك بإذن الله ..

طيب إحنا يا حريم .. معروف عندنا نستخدم المسك عشان نتطهر من الحيض ..

شفتوا كيف ..

الأنف هذا خطير .. في ضحايا من وراه ..

الرجال لما تمر عليه المرأة .. يقدر يغض بصره و يلتفت عنها .. لكن للأسف مايقدر يسد أنفه عشان ما يشم عطرها ..

و الرسول حذرنا احنا معشر النساء من التعطر و الخروج من المنزل (أيما امرأة استعطرت فمرت بقوم ليجدوا ريحها

فهي زانية) رواه أحمد ..

طيب خلونا ننتقل للجانب الإيجابي ..

قلنا ان الأنف خطير و عرفنا متى يكون خطير .. لكن قلنا في البداية ممكن يودينا لطريق الأجر .. كيف ؟

سهلة .. أنا لما أستخدم الطيب لكل شي حولي : بيتي / غرفتي / شعري / جسمي ... الخ و حسبته من حسن التبعل

للزوج .. كان لي الأجر بإذن الله ..

لذلك المرأة الذكية .. راح تعرف كيف تستخدم الطيب و وين و كيف .. و أهم شي التغيير بين الأطياب ..

جربي أختي الغالية .. و شوفي كيف الفعل البسيط راح يقرب قلوب .. و ينعش أرواح



[[ سنة أولى زواج ]]



- يا ربي .. كيف أوصل اللي أبي أقوله لزوجي !! -

يقولو إحنا نستحي من أزواجنا هم يقصدو نستحي نتكلم معاهم نستحي نفتح موضوع ...الخ ..

الحين لقينا لكم طريقة .. إن شاء الله تفيدكم ..

طريقتنا تقول : اكتبي له رسالة خاصة عبري فيها عن اللي ماتقدرين تقولينه له مباشرة ..

- متضايقة منه ؟ اكتبي له رسالة عتاب رقيقة برري فيها لج و له ..

- طيب غلطتي في حقه و تبين تتأسفين ؟ اكتبي له رسالة إعتذار عن تقصيرك بيني فيها انك ندمانة على اللي صار

و اطلبي انه يسامحك ويقبل اعتذارك ..

- تبين تنصحينه ؟ يمكن شفتيه مقصر في صلاته .. أو عبادته .. اكتبي له رسالة انصحيه فيها نصيحة حب و خوف و أمل

انه يكمل هالجانب ..

- ودك تشكريه ؟ اكتبي له رسالة شكر على أي شي فعله لك .. معروف سواه لك .. حاجة بسيطة قدمها لك ..

قدريه و قدري له هالفعل .. بتلاقيه يتشجع يعطيك أكثر و أكثر ..

- على فكرة ممكن ما يكون في سبب صح ؟ طيب ليش ماترسلي له رسالة فيها كلام في داخلك .. مشاعرك عبري عنها

حبك له لا تكتمينه ..

طبعا ما راح تنسي تزيين هالرسالة .. ما راح تنسي تحطينها له على التسريحة

مثلا .. او في جيب الثوب .. أو في شنطة السفر .. أو على المخدة ... او أو أو ..

و مو شرط تكون رسالتج مكتوبة بخط اليد و على ورقة .. عندك الإيميل .. عندك رسايل الجوال



[[ سنة أولى زواج ]]



- لا تحاولين تغيرين زوجك -

في البداية حبي زوجك مثل ما هو .. و بتلاقي الحاجة اللي ماحبيتيها فيه تغيرت و صارت

أحسن .. مو معناته انك ما حبيتي شغلة فيه يعني ان الحب ما راح ينوجد .. لا بالعكس الحب ينوجد حتى لو كان ما في

توافق 100% .. حبيه و في نفس الوقت حاولي تغيريه إذا كان التغيير للأفضل ..

و عشان ماتركزي كثير على هالنقطة و الشي الي تبي تغيريه .. استقبلي زوجك بإبتسامة صادقة .. و بتشوفي

كيف بيكون مفعولها و كيف راح تمتص هموم الحياة ..


منقول



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة