~"" الـ ــــملل والـــــروتين في الحيــــاه الزوجيــــه""~

[ام بهاء]

~"" الـ ــــملل والـــــروتين في الحيــــاه الزوجيــــه""~



http://uploads.sedty.com/imagehosting/279942_1338634013.gif (http://www.dzbatna.com/)



http://uploads.sedty.com/imagehosting/279942_1338631118.jpg (http://www.dzbatna.com/)




كيفكم؟ ان شاء الله الجميع بخير؟

امم من غير مقدمات جات ع بالي فكره الملل في حياتنا الزوجيه وقلت اكتبـ ـهــا في القسم


صراحه الموضوع دا مسوي ازمه عند كثيير من المتزوجين و اولهم انا بس باحاول قد ما اقدر انو اقضي عليه....



http://uploads.sedty.com/imagehosting/279942_1338631344.jpg (http://www.dzbatna.com/)



طبعا من الطبيعي انو بعد ثلاث او خمس سنوات بعد الزواج تمر مرحله من الملل بين الزوجين ويبدا الروتين

الممل وما ادراك ما الروتين تصحي الصبح تنظفي وترتبي البيت بعدين تبدي تطبخي وبعد كدا تجهزي السفره

وتروحي تاخدي شاور وتتجهزي عبال المحروس ما يوصل then تجهزي الغدا تتغدو ومحروسك يقوم يجلس ع

الTVاو ع الاب توب وانتي كملي حوستك في المطبخ بعد كدا روحي ارتاحي شويه وع المغرب سوي القهوه

واجلسي شويه طبعا بدا الوقت المحروس طلع مع اصحابو ل الساعه 11 يرجع تعبان يحط راسه ع المخده

وينام وانتي اسهري مع صحباتك ع الماسنجر وبعدين نامي وارجعي عيدي من الاول>>>حكيت قصه حياتي

وطبعا اللي عندهم اطفال بيكون غير في شويه اكشن صراخ ومذاكره وهروج و تستمر الحيااااه...
بس انا لسه ولدي صغيير


اولا نتكلم عن انواع الملل:


**الملل العام:**


الا هوا الملل من روتين الحياه الطبيعي>>>اغلب الناس بيعانو منه



**الملل العاطفي:**

وهوا غياب الحب والموده والدلع بين الزوجين


**الملل الجنسي:**

انو خلاص تصير شي واجب ينعمل وخلاص



**طيب كيف تعرفو انكم تعانو من الملل في حياتكم الزوجيه؟؟**


-كثره كلام الزوج/ه عن عدم اهتمام من الطرف الاخر ونقصان الحب والاهتمام بينهم وكثره الخروج والسهر

والانشغال عن بعض, وعدم اهتمامهم بمظهرهم الخارجي, عدم الاهتمام بالابناء


-الفتور والروتين في كل العلاقه الزوجيه,كــ الحياه اليوميه,العلاقه العاطفيه والجنسيه


-يحس الزوجين انو سار كل شي رسمي بينهم الزوجه على طول تزعل والزوج على طول يمد بوزه والعكس

برضو ممكن يسير فيه تبلد خلاص محد يزعل ولا احد يدور ع الثاني..


-تكثر المضارباات بينهم والخلافات زي ما قلنا قبل كدا ويصير محد يتحمل الثاني


-اهم سبب بالنسبه ليا اعاني منه بصراحه الصمت وانعدام الحواار


- انا احس انه معانات المرأه اكثر مسكينه مع الملل خلاص تصير معاها حاله نفسيه بعضهم يتعالج عن اطباء

نفسيين,وناس يصير فيهم قولون,صداع,الام معده,فقدان البهجه والاستمتاع بعكس الرجال اللي في اي وقت

يقدر ينفس عن نفسه مو زي المراه الا ما يكون عندها مقيدات او انه زوجها مقيدها بالطلعاات...


-هروب بعض الازواج الى اساليب تانيه (اعوذ بالله) منها انه الزوج يدور على حرمه ثانيه او نه الزوجه تطيح في

العلاقات المحرمه (اعوذ بالله) المهم انو يدورو على شي يعوضهم الشي اللي فاقدينه احس الحرمه تحط حرها

في الشوبينج لنفسها وبيتها واطفالها لانها مملكتها بالاخر

(ما يدرو انه الحل بيدهم)


-تعييش كل الاسره في جووو من الملل والفتوووووور والمشاعر السلبيه


-تحصل الخيانات الزوجيه واحيانا الطلاق(اعوذ بالله كش بره وبعييد)



http://uploads.sedty.com/imagehosting/279942_1338631403.jpg (http://www.dzbatna.com/)



**أســبــابــه:**


-تكون نتيجه لعدد من المشكلات او المشاكل المتراكمه او انه كل واحد فيهم عايش الوضع وما

يهتم ما يحاول انه يغير في حياته ولا يتكلم في الوضع مع الطرف الاخر واكبر مشكله تخلي المشاكل تسوي

فتور انو كل واحد يمسك برايه وكل واحد فيهم يصير مهو غلطان كل مين يرمي غلطه ع التاني اخر شي ح

يحسو انه خلاص علاقتهم فشلت


-التكراار والروتين اليومي ولا احد يسوي تغيير حتى بايام الاجازه نفس الشي كل مين لاهي بحاله وراضيين

بالوضع والاولاد مع اصحابهم والبنات مع امهم او بنات عمهم يغيرو مساكين...


-كثر شكاوي سواء من الامراض او من صعوبه المعيشه او من ملل العمل تعمل ملل في الحياه خلاص يصير

اي واحد لمن يتكلم ما عنده حكايه غير الطفش والمرض وتعب العمل والاولاد ومشاكلهم


-طبعا غياب الموده والرحمه بينهم كل واحد يقول مدام دا كدا انا اعامله زي ما يعاملني يمكن تـ/يحس

لكن كل الاطراف ح تجف اكثر في مشاعرها لازم واحد يتنازل بالنهايه تكون المراه غالبا من تتنازل...


اخر شي كيف نتعامل مع الوضع دا؟


اول شي*

لاازم نقوي صلتنا بالله تعالى ونحث ازواجنا وابنائنا والله ما راح نلاقي وقت فاضي ولا راح يدخل

الملل والروتين زي اييش؟؟ نعمل جدول حفظ القران لو كل يوم ع الاقل خمس ايات او صفحه كامله..

ونخصص وقت في اي يوم في الاسبوع نتعرف فيه على سيره الرسول صلى الله عليه وسلم طبعا بيكون كل

العائله موجوده.....................(ماما الله يخليها لنا كانت كل جمعه العصر تسويلنا حلقه وتقرالنا جزء من

كتاب رياض الصالحين وغيرو كثير .. وبعد كدا ندعي في الوقت اللي قبل المغرب)


ثانيا*

لازم كل واحد فيهم يحس بدي المشكله ويتنازل ويحاول انه يحلها عشان لا تكبر وتوصل لمواصيل اكبر من
كدا


ثالثا *

يخصصو يوم في الاسبوع يطلعو يتمشوو او يتغدو بررا او يروحو كافيه كل العيله ويوم تاني بس الزوجين

يروحو يجلسو جلسه رايقه ويتكلمو ممكن يحاولو انهم يتكلمو في نفس المشكله ممكن تنحل في خارج جو

البيت او انهم يحاولو ينمو مواهب اولادهم يناقشوهم و يشجعوهم ............


رابعا*

يحاولو كلهم انه يكون في اكشن في البيت ضحك ,لعب .حفلات, مفاجئات


خامسا*

يحاول الزوج انه في الاجاززات يسافر مع العائله كـ ــتغيير جوو والخروج من الملل والروتين


سادسا*

لا زم يكون فيه تفاهم مشترك بين الزوجين كل واحد يعرف الطرف الاخر ايش يحب وايش يكره وكل

واحد فيهم يلبي للاخر احتياجاتو النفسيه والجسديه


سابعا*

يبعدوو عن الروتين قد ما يقدرو( ممكن المراه تسوي لزوجها حفله بسيطه وعشا رومنسي وحركات

والزوج برضو نفس الشي)


ثامنا*

كل واحد يحاول يمسك نفسه ويكون هادي في اوقات المشاكل وتجنب الانفعاال ولازم انو محد يشيل

في قلبه شي ع الثاني كل شي يكون واضح وصريح



**واخيرا اتمنى السعاده لكل الناس في حياتهم **



http://uploads.sedty.com/imagehosting/279942_1338631530.gif (http://www.dzbatna.com/)




ارحب بالنقاش في الموضوع اللي عنده اعتراض اتقبل بكل صدر رحب والا عنده مناقشه نناقش الموضوع لاني احسه موضوع مهم بصراحه

http://uploads.sedty.com/imagehosting/279942_1338634082.gif (http://www.dzbatna.com/)



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة