تجربتي بعد الزواج

[ام بهاء]

تجربتي بعد الزواج

►♥نصائح خفيفة♥◄ (http://www.dzbatna.com/t590893)


اهلين بنات ،،،

بكرا اكمل عشر شهور ان شاءالله
ياسرع الوقت ... مرررت ماحسيت فيها

انا دخلت اليوم وبعد هالفتره اعطيكم اللي اعرفه وخلاصه هالمده ..

الزواج مو وناسه وفله زي ما اغلبنا ظنه .. ممكن بدايته تكون كذا بس
مجرد ما يروح الحلو ويبدا الجد بتبدين تشوفين فروقات بينك وبينه ... بين حياتك عند اهلك وبين حياتك معاه
وبتبدا تتغير امور كثيره داخلك ، ولا تتفاجئين لو حسيتي انك تبين تهربين لبيت اهلك او تبين تتركين الزواج بكبره او تندمين او حتى تحسين انك كارهته

كله طبيعي بس انتي خليك حليمه و صبوره ولا تستعجلين ،، بالعكس خليك دايم ايجابيه
انا تسرعت كثير وندمت على كلام كثير قلته وصدقوني الزوج ماينسى ويجلس يذكرك بكل اللي سويتيه وقلتيه ..

-اهتمي فيه بس مو اكثر من نفسك ، لانك اذا اهتميتي بنفسك علشان نفسك هو بيهتم فيه ( بس مو عاد تهملينه )
-لا عمرك تتكلمين عن اهله بسوء قدامه حتى لو هم سيئين ، خلي الرداة تجي منهم مو منك
- بيتك ولبسك ونفسك دايم مرتب ونظيف لايشوف منك لاريحه شينه ولا بيت وصخ ولا اكل مو مرتب، ترا العين تشبع اذكر وحده اعرفها تقول زوجها له 15 سنه مو راضي ينسى مره صحوا من النوم وربحه فمها خايسه في بدايه زواجهم
جته رده فعل صار كل مايذكر بدايه زواجهم يذكر الريحه
- شعرك ابد لايزيت استغرب بنات معاي بالغربه شنبهم خاط وحواجبهم طالعه وهم متزوجات ،، مو عذر ماتلقين احد يشيل وجهك فيه شي اسمه شمع او حلاوه بكل مكان تلاقينه
-لاتخلين زوجك يحتاج احد وانتي موجوده ، ملابسه اكله كل شي مرتب ،، والحين الشباب يساعدون ممكن انتي تطبخين هو يغسل انتي تغسلين ملابس هو يكوي
زي ماتتفاهمين انتي وزوجك وترتبون وضعكم
- بيجيكم كلام من فلان ، وفلانه ،، امه امك اهله اخته اخوه زوجه اخوه ،،،،،،،،،،، طنشي خليك عاقله اسمعي من هنا وطلعي من هناك خلي دايم العيبه من غيرك مو منك مايمنع تقوليله ان هالشي ضايقك بس انتي لاتردين وخليه هو يشوفهم كيف يسوون فيك

بالنهايه بيتك اسرارك شي بينك وبينه ،،
انا غلطتني كنت اسولف لصديقاتي عن اللي يضايقني واسمع من هنا وهناك وهذاااااا اكبر غلط يابنات والله حيل ندمانه انا


هذي خلاصه تجربتي المتواضعه


ولا تنسوني من الردود والدعاء مع مواضيع قادمه يارب



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة