=&&&.. ليست للجنس ..&&&=

[ام بهاء]

=&&&.. ليست للجنس ..&&&=

انا غاضبة....

عندما اقرأ هنا بعض المواضيع عن <<<<<<<<<<
معاملة الزوجات لازواجهم
واصول التعامل واساليب الانوثة
وغيره من الليالى الساخنة وليالى الف ليلة وليلة
ودروس الدلع والمياصة
وجمال الزوجة وانوثتها
والحركات والاصوات اثناء العلاقة الحميمة

بحس اني بجد مستغربة اوى ..
بس يعني ليه كل ده؟؟؟

والاقى بعض التعليقات زى مثلا :

- لازم الزوجة تاخد بالها من زوجها علشان لا ينظر خارج البيت !!!

-و الزوجة لازم تعمل زى الفاتنات اصحاب الجمال الصناعى الي بيشوفهم الزوج فى التلفزيون كى لا يفضلهم الزوج عليها..يبقى اعملي زييهم!!!

- ولو شاف رقص اغرائي على التلفزيون وبحلق عينيه مش لازم تزعلي انتى السبب لازم تتعلمى الرقص و ترقصيله زيهم!!!!

-اه ولو شاف فيلم اباحي يبقى انتي المخطئة علشان انتى باردة.. باردة..ما بتعمليش ليه زيهم..الجرأة...لازم الجرأة ..

يعني بجد ...............بجد.................بجد............ ..

حاجة غريبة

يعني الزوجة اصبح كل المطلوب منها انها تكون متعة فقط ....

طبعا هو زوجى وحلالى... لا اعترض.....لكن مش للدرجة دي يبقى كل اهتمامي مركز على الحاجات دي ....
وكأن دى الطريقة الوحيدة اللى تجعل الزوج راضي بزوجته ولا ينظر خارج البيت.
الزوج هينظر خارج البيت لو عنده النية لذلك ولو كنتي في البيت اجمل ملكة جمال في العالم

ولن يحب غيرك ولا يهوى غيرك مادام بيحبك .....
المهم انك تهتمى بشؤؤن زوجك جدا جدا.....
وتكونى مهتمية بجسمك وبشكلك....
وتسيبي الرغبة بينكم هي الي تحرك مشاعركم....

لانه مش معقولة يا اخواتى ان الزوجة تحبس نفسها بس عشان الحاجات دي وتشغل طول الوقت نفسها بيهم....

اعتقد ان الزوج لابد ان يمل لما يشوف الزوجة بس منصب اهتماممها على الاغراء....

لانه ايضا بيحب يشوف الزوجة المثقفة....
اللي تعرف تتتكلم ...
اللي تربي ولادها بطريقة صحيحة...
.اللي تنسق بيتها بطريقة حلوة....
اللي تعمله الاكل الي بيحبه دايما....
اللي تهتم بشؤؤنه واغراضه...
الي دايما ريحة بيتها حلوة...
والي تستقبله بابتسامة وتتكلم معاه برقة....

مش لازم اكون بطلة فيلم اباحي ولا رقص اغرائي ولا اكون بس امرأة للمتعة عشان اعجبه ...
واكون فى الاخر انا المخطئة لو بص لغيرى...

...عفوا بالتعبير ...
الزوج اللي ما عنده اخلاق مهما عملتي حيبص حيبص..

احنا كزوجات مش جسم وبس...
اه مش جسم وبس...
ولازم الزوج يعرف انى
انا زوجته وحبيبيته واخته وامه..مش عشيقة وبس!!!!!!!!!!!!

ولو اضطريت اكون عشيقة يبقى بعض الاحيان ومش دايما ...

انتي مش جسم وبس....انتي عقل ايضا...
اهتمي بالاتنين.....
اوعي تفكرى انك لما يكون كل اهتمامك بجسمك وانوثتك وحركاتك انك كدة بتكسبي زوجك...
لا .. لا
جسمك سوف يجي يوم ويمل الزوج منه
انما عقلك هو الي هيجعله متمسك بيكي طول العمررررر

كونى امراه و زوجه وصديقه وحبيبه فتملأ حياة زوجها كلها
فتكون السرور لقلبه
والاعجاب لعقله
والمتعه لسمعه والانصات لحديثه فتكونى له كل نساء العالم.
-اجعلي زوجك يحبك فان احبك زوجك كنتي له ملكة جمال العالم ولو كنت في العين عاديه...
- لاتخلعي برقع الحياء من زوجك لان زواجك قد طال به، ولاتسترجلي وكوني انثى من الرأس حتى القدم واجعلي الحياء يصبغ خديك بالحمره، وأنظري إلى زوجك كغريب احيانا.
،، ليس جمال المراه هوفقط اناقتها بل هناك جمال الشخصيه وبالاضافة الى خفة الروح والمرح اللذان تضفيان بهما على منزلك، فسوف يستمتع زوجك بحديثك ولو تعيدينه الف مره من حلاوته
واخيرا ..........

فالزواج ليس جنس فقط
ولا اغراء فقط
ولا مجرد ان يقضي الرجل وطره وينتهي الامر
بل نحن اسمى من ذلك بكثير لأن الله سبحانه وتعالى كرمنا عن الحيوانات التي لاهم لها الا الجنس فقط
فالحياه الزوجيه تناغم وانسجام في الارواح قبل الاجسام
وكل منا مكمل للاخر

بعتذر مسبقا من اللي ممكن تعترض بس هو مجرد رأي يحتمل الصواب والخطأ .......

ودمتم فى سعادة روحية .....



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة