زووووج مقرررود

[ام بهاء]

زووووج مقرررود

بناااات شوفوا خطيبي وش رسلي ع الايميل

وقااال ايااااكي تسوووين مثل هالحرمة

هههههههههههههههاي

----------------

يوميات متزوج "مقرود"..!

السلام عليكم جميعا.. ؟؟عساكم بخير..

يوم من الايام >> .. وانا كنت باقرا في مجلة شفت هذا الموضوع وفطست عليه من الضحك.. وحبيت انكم تفطسون معي من الضحك

يوميات متزوج مقرود.. فيها من المعاناة الشيء الكثير.. فحياكمـ اللـــــه..

السالفة تقول:.

يا عااااااااالم... قسما بالله راحت حياتي أوراق صغيرة...

جيوبي مليانة قراطيس..!

الظهر تعطيني زوجتي ورقة وبعد صلاة العشا تعطيني ورقة!

طيب يا زوجتي العزيزة فيه شي اسمه دمج!..

رئاسة تعليم البنات بكبرها دمجوها..

ما تدمجين انتي ورقة مقاضي الظهر مع ورقة مقاضي الليل ونفتك من هالقلق اليومي..

المشكلة وشي؟.. المشكلة اني اقرا طلبات مالها داعي بس مجبور اجيبها ... دراق/ طماط/ بقسماط/ برغل..

وآخرتها ما نلقى على السفرة إلا كبسة.. وان سوينا نفوسنا كنديين حطينا فجل..!

طيب هالبقسماط والصولجان وبقية الأسامي الصعبة من هي له؟؟

طبعا لخواتك إذا جوا يوم الربوع.. وانا يا غافل لك الله طقني الجوع مع راشد وابو صالح..

واذا كنا بالاستراحة وان سوينا فيها "فسقة" وكاااااش.. ارسلنا الهندي يجيب بروستد وتهاوشنا على الثوم كل واحد ياخذ علبة الثاني.. والمدام مع خواتها يتنعمون من خيري ومن تعبي ومطامري في البقالات مع ورقة المقاضي..!

مرة من المرارير سويت فيها ذكي.. وبعد ما قضيت يوم الربوع قلت بروح للشباب.. واطب على المدام بدري واحصل خواتها عندها..

يلللعن ابو اللي كذا..!

حاطين سفرة فيها كل اللي طامرت عشان اجيبه..

بدايتها عند المقلط ونهايتها عند ساكو اللي ورا حلبان إلى درجة انهن حاطين سيكل جنب السفرة علشان اذا وحدة بغت صحن من طرف السفرة وما يمديها تجيبه.. والقا لوحة مكتوب عليها (السلطة 60 كلم)..

قسم بالله مافيه شي ماهوب على السفرة ما ناقص الا بطل مويه (برييه)..!

المشكلة زوجتي تعاملني على اني معلمة تدبير منزلي وعندي خبرة وانا والله ما افرق بين الكزبرة والملوخية..!

تقوم تكتب لي مرة في الورقة "كيلو كنافة كذابة" قسم تروعت وش ذا الكنافة الكذابة؟؟ انا اعرف الصدقية عشان اعرف الكذابة؟؟

واروح لبقالة ما لقيتها حاولت بقالة ثانية ماعرف الباكستاني وش اقول..!

قلت ما فيها واتصلت بصديق متزوج يعاني مثلي بس انه متزوج من 12 سنة قال رح لمحل الحلويات وتلقاها عندهم..

واورح لمخابز المملكة في المروج وانسى اسمها!.. واقول لراعي المحل عطني كنافة نصابة!!! ناظرني باحتقار واعطاني اشكل بدل ما يعطيني كنافة..

أصلا اللي بالمحل كلهم حريم الله يخلف تذكرت ايام زمان يوم كانوا الرجاجيل يروحون للمخابز ومعهم فوط يلفون فيها الخبز علشان ما يبرد..!

في الاخير رحت عند البياع وقلت ياااخي معليش اذا نسيت اسمها بس انها كنافة مهيب مضبوطة يعني كنافة كافرة وبتروح النار..!!!!! ضحك وقال قصدك كانفة كذابة.. قلت ايييييييه هذي المخادعة ابي منها كيلو..

زحمة وكنافة كذابة مدري وش اسمها وآخرتها قطعة خبز وحاطين عليها شيرة..!

الله يحفظ الوالدة..,

ورقة المقاضي حقتها ما تتغير.. علشان كذا ما نرميها لدرجة اني انا حاطها في المفضلة لأنها هي نفس الطلبات كل يوم.. بصل/ طماط/ رز/ دجاج/ خبز.. واذا بغت تسوي نفسها كيوت حطت الثوم بدل البصل..! واذا ملينا ونبي نغير حطت الدجاج قبل البصل والرز بعد الخبز..!!!

والله نفسي اكل شي جديد وخاصة ذا اللي يسمونه (اومليت) إلى درجة اني سكنت في فندق مرة علشاني لقيته بالقائمة ما دريت انه بيض الله ياخذ عمارهم..

المشكلة هالحريم ما عندهم رحمة.. درجة الحرارة في عز الصيف الف وانت تطامر من محل الى محل ومع سموك ورقة المقاضي ..!

لو تجيب العثيم كله وتنسى شي بسيط قامت القيامة..!

لازم ترجع تجيبه وانت أصلا شرير ولا عمرنا شفنا منك شي يا بخيييييييييييل..!!

وياعيني على استخدام التقنية والجيل الثالث..

ورقة المقاضي صارت من العصر الحجري هالحين تجيك المقاضي مسج على الجوال..

والـــلـــه اني ابغا اصيح اذا قريت رسايل جوالي ورسايل جوال اخوياي العزوبية.. كل رسايلهم حنان وحب وشوق ولهفة..
(عندما تشرق شمس يوم جديد اذكرك.. )

( كفاني ان جنح الليل يغشاني ويغشاك )..

( الله على الجمس لولا وراد الستين )>> "رسالة داخلة بالغلط"..

وانا تعال شف مسجاتي..

( حليب سريلاك.. )

( ارجع بدري ما عندنا مويه )

( الشغالة ما تعشت!! احط لها من عشانا ولا وش اسوي بها؟؟ )

( وانت جاي جب اعواد اسنان )!!

اعواد اسنان في نص الليل الله من زين الاعذار..

المسألة تخريب في تخريب..

وما قطع قلبي ونكد علي حياتي الا اذا طلبوا تسالي..

تجيب برنقلز قالوا نبي جحا.. تجيب بنهكة الكاتشب قالوا نبي بالخل والليمون..

تجيب رقاق سمبوسة الوردة قالوا مهوب زين نبي رقاق غورا.. تجيب صلصة قالو نبي ماجي..

بس خل عنك والله صار عندي خبرة ولا خبرة رابحة..!!

مناسبة هالموضوع اني رحت اليوم بعد صلاة الجمعة ومعي كالعادة رفيقة دربي ورقة المقاضي طولها حوالي 7.2 متر (وين موبايلي كنكت عني؟؟)..

ويوم دخلت العثيم والقا زحمة..!!

وانا اللي تصعب علي نفسي واتمرد واشق ورقة المقاضي وارسل للمدام رسالة اقولها اني تمردت وقطعت الورقة...!!!

جزاها الله خير تفهمت الموضوع بشكل حضاري جــــــــدا..!

وهذا أنا أكتب من استراحة ابونواف عادمها فخفخينه ولااااا هامني وش بالقا اذا رجعت للبيت..

أكــــيد أكيــــــد..

رز ودجـــــــــــــــــــــــــاج..!



خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خ والله انه حزني هالمتزوج الله يعينه..




الله لا يصبحكم الا بالخير http://www.dzbatna.com/vb/images/smilies/get-2-2008-yds6b3uo.gif



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة