يوم شكيت في زوجي (لاعاده الله من شك)

[ام بهاء]

يوم شكيت في زوجي (لاعاده الله من شك)

السلام عليكم
يامرحبا باللي لفى
واللي مالفى بالضعفهhttp://www.dzbatna.com/vb/images/smilies/get-2-2008-7gwplast.gifhttp://www.dzbatna.com/vb/images/smilies/get-2-2008-7gwplast.gif
ههههههههههههه
المهم بقولك قصتي شخصيا انا مع زوجي ويوم ظلمته وفي اول ايام العيد
وربي انه مسكينhttp://www.dzbatna.com/vb/images/smilies/get-2-2008-9ndhrgbt.gif
المهم كان مسافر ولما اخذني من عند اهلي
ووصلنا البيت وكان في ليلة العيد
المهم كان حاط جواله على الهزاز
ولما نمنا كان يهز حوالي1000مره اختكم في الله
ركبها الشك من اللي يدق هالحزه
ودي اقوم واشوف بس قلت اكيد بيشوفني
ويوم اذن الفجر قام قبلي وانا واعيه ماجاني النوم
شفته نصا الجوال وجلس دقيقه وانا اوايق من تحت الفراش
واعاين حركات اصابعه كانت تروح للمسح
انا قلت اكيد انها وحده ويمسح مكالماتها
بس رجعت لعقلي وقلت لا مستحيل وشليت الفكره من بالي
لما راح زوجي لصلاه
وطيران على الجوال شوي وانكسر وافتح السجل ونسمتي طايره
من زود الركض
ههههههههههههههه
والقى مكالمات رفقاه ورقم متكرر كم مره
ومن دون مايسجله واركض للورقه والقلم
والسجل الرقم وارجع الجوال مكانه كني ماسويت شيhttp://www.dzbatna.com/vb/images/smilies/get-2-2008-9ndhrgbt.gifhttp://www.dzbatna.com/vb/images/smilies/get-2-2008-9ndhrgbt.gif

ولما جاء اليل الثاني وحكمت الساعه 10 وجينا نام
دق الجوال وكلمه ثم قال لي
فلانه انا بروح واحد من الربع داق علي وبروح اسهر معه
قلت بصرك ساعه طلع طارت شياطيني
قلت فيه احد يطلع هالحزه ويقول بتاخر
عاد اهو يطلع انشاء الله 12 بس هالمره الشك ذبحني
اكيد انه طالع مع الخايسه ولا جاني النوم واحس ان قلبي ياكلني
من داخل
هههههههههههههههههههه
من الغيره يوم حكمت 2 جاء الاخ
ونام مايدري وش صاير
ولما جاء العصر وهو نايم وجيت اقومه للصلاه اهتز الجوال
معلنا عن قدوم رساله والقطه بسرعه وافتحها
وليتني مافتحتها لقيت الرساله الي قلبت كياني
وخلتني ماتهنى بيومي
7
7
7
7
7
كان الرقم الي يكلمه دائم في السجل
مرسل رساله مكتوب فيها رقم جوال وجنبه مكتوب هذا رقم امي
جن جنوني وبدت الافكار تهاجمني

قلت اكيد مرسله له تبيه يكلمها على جوال امها
لان جوالها فيه بلا
او متفق يخطبها يوم شافني طولت عند اهلي
واسجل رقم الاوالده وامسح الرساله من الغيره
واقومه من دون نفس ويوم طلع
طيران على الابتوب واكتب في قوقل انا اشك في زوجي
وتجيني الحلول وهي ان اذكر له قصه عن الخيانه
ولما اذن المغرب قال انا بروح اسهر مع الربع
ويمكن اجي متاخر وراح ابو الشباب
وانا كاني بموت اهلي مو عندي ولا احد
قلت اكيد انه طالع هو وياها
وكان عنده سيارتين وحده خرندعه
والثانيه كشخه ان كان راح بالكشخه فهو معها
وان كان بالخرندعه فلا ولما تفقدت مفاتيح السياره
لقيته رايح بالكشخه
تقدرون تقولون انها صدمه لي
فجلس الشيطان الله يخزيه يوسوس لي
والي زاد الطين بله ان الدوره الشهريه علي والنفسيه زفت
قلت اكيد انه راح مع اهله يخطبونها
ومرسله رقم امها لان ابوه متوفي وانواع الوساويس
وربي اني بموت من القهر احس شي جواتي يحترق
واجلس في الغرفه اصايح وابكي
واخذ الجوال من القهر واتصل عليه ويوم رد سمعت صوت ازعاج
قلت لعه تعال بسرعه قال اهو شوي انا في الطريق جاي
واجلس ازيد في البكاء وارفع ايديه لسماء وادعي الله واقول
اني وحيده ويارب ساعدني وادعي بعض الاحيان عليه
وازين شي قلته اللهم اجعل كل شي كذب
كنت منهاره وفي حاله مايعلمها الى الله
ولما دخل المسكين وهو وايدري وش صاير
وانا متقطعه من البكاء http://www.dzbatna.com/vb/images/smilies/get-2-2008-vzp7onvp.gifhttp://www.dzbatna.com/vb/images/smilies/get-2-2008-vzp7onvp.gif
وانفجر بالبكاء اهو ارتاع وركض لي وهو يقول مات احد
مسيكين http://www.dzbatna.com/vb/images/smilies/get-2-2008-9ndhrgbt.gifhttp://www.dzbatna.com/vb/images/smilies/get-2-2008-9ndhrgbt.gif
قلت لا قال اجل وش فيك قلت في نفسي بقوله اللحين قصه عن الخيانه
قلت صديقتي تطلقت قال ليش قلت خانها مع بنت وتطلقت
قال بلى انا انقهرت من رده فقلت خلني ازود في القصه حبتين
قلت موب كذا اهي كانت تشك فيه وتبعته مره اهي وزميلتها ولقوه داخل
استراحه مختلطه وهي دخلت عليه تبي تعلمه انها درت عنه قام اهو من
زود المفاجاءه خذا المسدس وقتلها قال حيه ولا ميته قلتله وانا شوي وبموت من البكاء مدري عنها


لاتسالوني وشلون قلت ذا القصه اللي ماتدخل العقل اهم شي ان قلتها وبس
جلس يناظرني وقال شكلك تكذبين
مادري شلون شك اني كذابه
قلت مابه الى المصارحه واصارحه من طق طق لسلام عليكم

قالي وين الرقم


واخذ الجوال بشجاعه وانا بموت من البكاء

واطلع الرقم واوريه كم هو متكرر عنده

واخبره بالرساله وانها ارسلت رقم امه ومسحته



جلس يتمعن في الرقم دقايق وقال بكل بساطه



كلمه












هزتني هز مصري
ههههههه

قالي هذا رقم عمتي قلت ابو التصريفه قالي شوفيه بجوالك
واروح واشوفه والقاه نفس الرقم
واناضره مو مصدقه الاخت


قلت والرقم المرسل

قال مرسله لي رقم جدتي عشان اعيد عليها بالعيد


واشوف رقم جدتي لينه نفسه

بس لحضه انا لسه ماستوبعت اني
يومين كامله شوي واحترق والامر بذا البساطه


واصيح ذيك الصيحه الي خلت المذن يوذن ومن الروعه

واركض له واطيح عليه وابكي واقول ليه ماعلمتني

واضحك وابكي بنفس الوقت


زوجي للحين يضحك علي وماخذها طنازه


اما انا الله قد ايش مبسوطه


اللهم لك الحمد لما اتذكر دعائي احمد الله على نعمة العقل

قصتي صايره قبل اربع ايام يعني مع العيد
الناس فرحانين وانا حالتي حاله

ابي اقولكم شي نصيحه مني ياخوات لتشكون في رجولكم
ولاتتعبثو بالجوال مثلي يالملاقيف والله مادري من الملقوفه

ولا تقولو شي قبل ماتتاكدو مو مثلي مافي تفاهم على طول

الله يسعدكم ويارب جعل ازواجنا مايخوننا ولا يتزوجو علينا ابدا ابدا ابدا

امين
امين
ويله ابغى ردود ياحلوين http://www.dzbatna.com/vb/images/smilies/vertag[1].gif

انتم كريمين وانا استاهل طبعا (ياحلو الثقهhttp://www.dzbatna.com/vb/images/smilies/icon18.gif)
اسفه لاني طولت عليكم مع السلامهhttp://www.dzbatna.com/vb/images/smilies/get-2-2008-yds6b3uo.gifhttp://www.dzbatna.com/vb/images/smilies/get-2-2008-yds6b3uo.gif



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة