ماذا تفعل ولا تفعل العروس.. لنستفيد من الخبرات

[ام بهاء]

ماذا تفعل ولا تفعل العروس.. لنستفيد من الخبرات

السلام عليكم ورحمة الله وبركاته..

خواتي بما اني والكثير من العضوات على وشك الزواج ان شاء الله... حبينا ناخذ من تجارب خواتنا المتزوجات..

1. شو الشي الي سويتيه في مرحلة الاستعداد وندمتي عليه؟..
2. وشو الشي الي ما سويتيه وتمنيتي انك سويتيه؟
3. وشو الشي الي سويتيه ومستانسه انك سويتيه وتنصحينا به؟

أدري لخبطتكم بس بعطيكم مثال على الاجوبه على لسان صديقتي:

1. ندمت لأني فصلت 6 فساتين فخمه للزهبه.. وعقب العرس بشهر حملت ومتنت واااايد وما قدرت اتهنا بفساتيني وعقب الولاده ما قدرت أرد أضعف لأن طبيعة جسمي خلاص تغيرت.

2. الشي اللي ندمت اني ما سويته قبل العرس هو اني ما تعلمت كيف يكوون الغتر وهذا من أهم الأشياء عند الريال.. وكنت احاول أراقب خوات ريلي وحريم اخوانه كيف يكوون الغتر عشان اتعلم وتلعوزت وايد..

3. أنا مستانسه لأني ما شلت شعر وجهي وشعر الجسم الخفيف مثل البطن والظهر مع انهم نصحوني اشيله بس انا ما رضيت لانه خفيف وخفت يزيد... واللي نصحوني قالولي زين سويتي لأن شعرهم وايد زاد ولعوزهم يوم شالوه..

يلا يا بنات همتكم .... ونصايحكم

وسلامتكم



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة