سمو باسم الله وادخلوا برجلكم اليمين€،،،،،،،

[ام بهاء]

سمو باسم الله وادخلوا برجلكم اليمين€،،،،،،،

السلام عليكم
تعرفون جو الشتا كلة رومنسية تبي الدفا والحب عندي الشتا تتأجج العواطف عندي

حتى مااتابع مسلسلات وافلام اتفرج ماغير ابكي على حظي المنيل بستين نيلة
والله يخليلي ميمتي قولو امين اتسدح عندها وتدفا بحضنهامحد يجاكرني عليها هع

ورحمة من الله اعتبرها انة كرهني بالمسلسلات التركية ماحبها اجلس على قناة الساحة ورديح البدو
ولا اني اتابع تركي
واجلس افكر برومنسية كيف عند كل شخص فينا مختلفة ولا الرومنسية هي الرومنسية
بحبك ياياحمدي بحبك ياألفت <<متأثرة بالافلام
هل كل الرجال طبيعة وحدة من ناحية رومنسية ورضاة عن زوجتة
من ناحية تفكيري المخيخي اجد انة فية انواع من رجال
النوع الاول
زوج زمن جدي
يحب المرة السنعة تزين لة الاكل والبيت والعيال وكل شي حاضر وعلى امرك
يحس انة ملك الدنيا كلها وسعيد معها
النوع الثاني
زوج المدقق على غير سنع
الله يعين حرمتة علية يحب التجدد ولبس القصير ودلع
يعني هي بس تمتعة وهو علية يستمتع ويتفرج مايسوي شي لنفسة
من نوع يدقق صرتي دبة انحفي وش فيك مكرشة
تقولة يابن الحلال من البزران مخلفتهم وش اسوي يقول لا نحفي
وعينة عالتلفزيون غنوة ومولدي والبنات الفصعات
زوج فاهم الرومنسية <<ادعولي ربي يرزقني فية هع
ياحلوة من رجال يقولو انقرضو بس فية كم واحد بالعالم
يعرفو واجباتة واجبات زوجتة مثل ماهي تسعدة يسعدها
يعطيها وجهة مو تتكلم وهو بقلبة ليتها تسكت
يخااااااف الله فيها يتفهم طبيعة زوجتة
اذا تكرنت زوجتة عليها مايعصب يتركها تهدا ويناقش
عندة اسلوب بالحوار والكلام الحلووو
يخقق الحرمة يتغزل فيها حتى لو كشتها طايرة يقولها
يازينها من كشة ولا كشة ميريم فارس هع
يمشيها بالويكند يحس فيها يقول حرام زوجتي ضعيفة ماتخرج
اخرجها تشم هوا
زوج المكس
اللى يحب ياخذ من كل الصفات شي خخخخخ
من اهل اول والمدقق والرومنسي وكل حاقة
شكل كل رجال مكسات هع

اما الزوجات بعضهم تقول والله اني مو مقصرة بزوجي اسويلة الغدى ويجي ويلقى البيت نظيف
ومااقولة غير حاضر وعلى امرك مدري وش فية علي ماغير عيونة تزوغ ومو مالية عينة
بوجهة نظري مايكفي
مع القناوات الفضائية والانفتااح والتطور
الدلع والغنج وتزين للرجل وليالي رومنسية من اولويات صارت مع ان كانت ثانوية قبل
شفت كركاتير زحكني زحك قلت معقولة فية ناس مثل كذا
واحد من الاعضاء حطة بقسم الفرفشة وعجبني

بشوف ميميتي مفهية مثل المرة بالكاركتير تفهم رومنسية او لا
بعد ماشفت الكاركتير رحت لميميتي وسويت ذاك الشاي بالنعناع وجيت عندها قالت وراك شي
مو لله <<<دايم ظالمتني
بما ان ميمتي صديقتي الصدقوة بعض الاحيان تدس علي تقول لاكبرتي تعرفي هع
اسولف معها دايم وقلت لها وش تعرفي برومنسية قالت والله يابنيتي الرومنسية اختلفت
عن زماااان اول كان فقر وجلووف حكم العيشة يجي الرجال تعبان من شغلة يبي لقمة ياكلها ومافي وسائل الراحة مثل الحين
0قلت وش اسوي يعني وش بنظرك الرومنسية الحين
قالت تدلع وتتغنج وتعرف واجبات الزوجية <<ميمتي مهي بسهلة خخخخخ
لما يجي تاخذ اغراض وتقولي يعطيك العافية لاخلا ولا عدم تقلل من الشكوى وتأفف
اللى فهمت من كلام ميمتي رومنسية المراءة اللى يحبها الرجل بأشياء عامة
بسيطة لكن تترك بنفس شي جميل والعشرة الطيبة
ومالي تجربة لاني انسة فديتنيممكن كلامي صح وممكن خطأ وطبعا بردودكم افهم
تتمحور حول ذالك
1- يبيها فصعة عندة ههههههه<<قوية يالحن
يعني تكون جررريئة مررة علية اما استحي مايوكل عيش وماعلية يحب رجل الحيا
بس بدلع وتغنج <وافهم يافاهم
<< هذي المعلومة خبرة من حريم مخضرمات
2الشكر وثناااء يحبها الرجل
مثل الله يعطيك العافية -لاخلا ولا عدم منك ومن الكلام الزين
الرجل يحب الشكر وثناء
<هذي المعلومة خبرة من علماء النفس
3 - التجدد وكسر الروتين عارفين كيف
>>مالها خلق تشرح خخخخخ
4 خلك منال العالم تفنني بالطبخ بس لاتكثري زبدة مثلها
<<طبخ منال كلة زبدة
5 لاتعطو الرجال اكبر من حجمهم
<خبرة من عند لحن الحياة ههههههههه
ياكثر المحاور عندي بس اهم شي فهم الزوج طبيعة زوجتة وايضا الزوجة فهم الزوج من اي نوع هو
واهم شي التقدير واحترام مابينهم
اذا فقد التقدير والاحترام تفقد كل مقومات الاسرة الناجحة
اسفة طوولت عليكم <<ماتسكت اذا مسكت الخط
الزوج وش مفهومك للرومنسية وكيف تبي زوجتك تكون
الزوجة هل فعلا فية ازواج رومنسين ولا ماعندك ماعند جدتي
ودمتم سالمين



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة