إمبراطورية غين

[romaissa]

موضوع مقدم من منتديات ديزاد
منتديات ديزاد باتنة (http://www.dzbatna.com/vb)
السلام عليكم ورحمة الله وبركاته
حبيت اشاركم في اول رواياتي..تعتبر قصيرة من خمسة أجزاء
واتقبل أي نقد هادف


إمبـــــــراطورية غيــــــــن
حبيت اناقش في روايتي عدة مواضيع بعضها جديد والاخر مكرر والبعض الاخر مقتبس
كتابتي لهدف واتمنى بروايتي اني اكون وصلت sms رسالة مفيدة تفيد مجتمعي
اترككم مع اول جزء



الجـــــــــــزء الــ((1))

تحركت بسكينة وهدوء مثل داخلها....ووقفت عند نهاية الدرج وهي تنادي
......:يابنات...يابنات الفطور جاهز انزلوا
سمعت صوت باب غرفة خلفها يتفتح
التفتت بستغراب
....:غادة يمه ايش مقومك من سريرك
غادة:يمه تعبت من جلسة السرير بتحرك شوي...لاتخافي علي انا بخير
ام غادة:على راحتك يمه
وقربت منها وسندتها لحد ماوصلوا عند طاولة الطعام
غادة:بناتي نايمين يمه
ام غادة:ايه يمه...امس غلا اخذتهم عندها الغرفة نومتهم
غادة ابتسمت بتعب:ماينفع لهم غير غلا
ابتسمت :ـــــــــــــــــــــــــــــــــــــــــــــــــ ـــ
سمعوا اصوت خطواتها على الدرج بهدوء واتزان ..قربت منهم
غدي بجمود:صباح الخير
غادة وامها:صباح النور
جلست بهدوء كعادتها
ارتفعت اصواتهم وهم يتخانقوا
ام غادة :اصبحنا واصبح الملك لله
نزلوا وصواتهم كل مالها تقرب
غرام بدلع:ماما شوفي بنتك ...اخذت جاكتي
غلا بأنكار:جاكتك ..هيييييييه اصحي هذا حقي
غرام:لا..مو حقك انا اشتريته الاسبوع الي فات من تــ
ام غادة بعصبية:غرام وغلا بتروقوا ولا امسك هالجكت واقطعه الحين قدامكم
اخذت غلا الجاكت وقعدت مكانها
غرام بقهر:حمارة
غلا مدت لها لسانها
طلعت غرام مرايتها الي ماتفارقها تتاكد من شكلها
غرام بغنجها الدايم:يالله عيوني مررررره مررررره دبلانه اوووف كله من بناتك ياغادة راح بيطلعون لي هالات سودا طول الليل هم يبكون ماخلوني انام
غادة بسرحان:ـــــــــــــــــــــــــــــــــــــــــــ ــــــــــــــــــــــــــــ
غرام:غادة,,غادة غدوووووش ياماما وين وصلتي
غادة انتبهت:هلا غرام ..قلتي شيىء
غرام:صباح الليل من اول اكلمك وين وصلتي
غلا وفمها مليان اكل:عند الحبيب الغالي
غرام بقرف:يعععع ويش رايك تقفلين هذا الماوث مو احسن
غلا:انقلعي
غدي:الحمدلله.....يمه لاتنتظريني على الغداء اليوم بتأخر
ام غادة:على راحتك يمه
غدي:غرام يالله
غرام:لسى مافطرت
غدي:موب مشكلتي ...لك ساعة تهذرين ...عندك دقيقة لو ماجيتي بمشي
وبعدت عنهم تلبس عبايتها
غرام:اووووووف يارب متى افتك من التعب هذا
وقامت وهي مقهورة
ام غادة:يالله ياغلا لاتتاخري عن مدرس مفصلتك
غلا:طيب يمه
وقامت تلبس عبايتها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
في مكان ثاني تكسوه البرودة والوحشة لاتسمع سوى أصوات أجهزة تحسب دقات القلب
غدير
فتحت عيني...الصور 2014ة موب واضحة...غمضت عيوني مره ثانية واخذت نفس...وفتحت عيني بهدوء الصور 2014ة صارت اوضح... انا وين....آآآآآآآآه احس جسمي كله مكسر ....ويش صار
رجعت سندت راسها على المخدة تحاول تتذكر ويش صار
شافت وجوه كثير
يبه بسرعة بسرعة...هدي يابنتي لاتستعجلي...شاحنة ...سيارات كثيير....شرطة..ابوي وراسه ينزف
نزلت دمعة حارة من عيونها ....وغطت في سبات
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ

دخل الجريدة....وهو معصب حده: هالمرة ماينسكت عنها
وقف عند الرسبشن
:لوسمحت قول للمدير ابي اقشركة ابله
الاستقبال بفرحة:استاذ عدنان ....هلا والله نورت الجريدة
حولت اكبت عصبيتي:هلا فيك لوسمحت قول للمدير اني ابي اقشركة ابله
الاستقبال:ثواني بس اخبره
:تفضل
الاستقبال:استاذ عبد المحسن ينتظرك
:شكرا
وتوجهت لغرفة المدير
عدنان:السلام عليكم
وقف وهو مبتسم:هلا والله اسفرت وانورت الاعلامي عدنان ال خالد زايرنا
عدنان:هلا فيك
عبدالمحسن:شلونك..عساك طيب
عدنان:ماني طيب
عبدالمحسن:آفااا ليش
عدنان:ماقريت المقال الي كاتبينه ضدي في جريدتكم
عبدالمحسن:ايه..ويش فيه
عدنان:الحين انا بتاريخي..تجي صحفية ولادة يومين تهزئني بمقالها..انا هذا الشيىء مااسمح فيه ..ولو غلاتك عندي كان عرفت اتصرف
عبدالمحسن:انت اهدا الحين..ومايصير غير الي بخاطرك
اخذ السماعة وكلم السكرتير
عبدالمحسن:محمد ..بلغ الاستاذة غدي تتفضل عندي بسرعة
بعد الدقايق
اندق الباب ودخلت بكل برود وجمود
غدي:نعم استاذ طلبتني
عبدالمحسن:إيه نعم تفضلي
قعدت قبال عدنان على الكرسي بدون ولا رمشة
عبدالمحسن:أستاذة غدي انتي صحفية وكاتبة ممتازة لكن اظن انك مدينة للاستاذ عدنان بعتذار
غدي:انا ماغلطت عشان اعتذر
عدنان:هذا كله وماغلطتي تهزيئك لي وللتحميل برنامج مو غلط
غدي ببرود: هذا راي وانا قلته بكل صراحة
عدنان:للاسف ياانسة انتي ماقلتي رايك في تحميل برنامجي انتي تجهتي لاشياء ماتعنيلك عن حياتي الخاصة وتاريخي وكان اقل مايعتبر تهزيى لي وتقليل من قيمتي وتاريخي الطويل وانا هذا الشي مااسمح فيه ابد
غدي:على راحتك لاتقبل فيه
عدنان:هذا ردك تحملي مايجيك مني
غدي:ويش بتسوي بتروح تبلغ بابا عبدالله منصور 2014
عبدالمحسن:غدي ماله داعي نطرق في مواضيع ثانية..استاذ عدنان خلنا نتفاهم
عدنان:لحد هنا وقف التفاهم بيننا ومحدب يلموني على أي تصرف اتصرفه
وخرجت من المكتب وهو معصب

عبدالمحسن:انتي لمتى بظلين كذا...مالك دخل في عبدالله منصور 2014 كم مره اقولك
غدي:لو انا سكت وانت سكت هالبلد بيخرب
عبدالمحسن:انتي موب قد هالناس لاتلعبي معاهم
غدي:لا قدهم ودام معي الحق مايهمني أي شيىء
عبدالمحسن:الله يهديك يا بنتي...بس مافهمت ويش دخل عدنان في عبدالله
غدي:عدنان وامثاله هم الصغار الي يغطي فيهم عيون الناس عشان هو يعمل مثل مايابي
عبدالمحسن:ويش الي يخليك شاكة ان عبدالله منصور 2014 عنده طرق غير مشروعه
غدي:انا موب شاكة انا متاكدة انه له طرق غير مشروعة وبيجي يوم وتقولون معاك حق
هز راسه باسف وسكت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
نظراتها المتفحصة له كانت مخوفته حاس انها راح تكشفه....كان يحاول يشغل نفسه باي شيىء
غادة:خالد ويش فيك
خالد:مافيني شيىء ...وسن تعالي حبيب بابا
جات وسن ..وانشغل فيها عن نظرات غادة

خالد:اقول غادة
غادة:هلا
خالد:وين الين وبتول
غادة:الين نايمة وبتول مع الشغالة تتروش بروح اشوفها
خالد:اوكي
وسن:بابا انت زعلان من ماما
خالد:لا,لية تقولي كذا
وسن:امس دخلت غرفة ماما وشفتها تبكي ومعها جدة
خالد بستغراب:ليه
وسن رفعت يدها:مادري ..بس كانت تقول اسمك
خالد:لاتخافي بابا ..ماما تعبانة عشان جابت بيبي جديد فعشان كذا تبكي فهمتي
هزت راسها
خالد:الله يهديك ياغادة
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ
.....:صحيت يافهد صحيت
فهد بستغراب:مين
احمد:غدير
فهد:مين غدير
احمد:ويش فيك الي في غرفة 354
فهد:آآهااا..مو هي الي في غيبوبة
احمد:ايه سنتين في غيبوبة والحمدلله فاقت
فهد:ويش بتسوي
احمد:اكيد..بكلم اهلها...بس لازم اطمن عليها قبل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ
في الباص
غلا:انا تحذفيني يابنت### والله لااوريك
اسراء:مين
غلا:هذي وحدة في القروب مسحت فيها البلاط من قهرها حذفتني
اسراء:ليه تضاربتي معها؟؟
غلا:تخيلي تتكلم عن الاتحاد وتسبه
اسرء بقهر:احسن تستاهل ياليتك قلتيلي دخلت معك في الهوشة
غلا:ههههههههههه ابشري المره الجاية
اسراء:شلووون البيبي الجديد
غلا:تمام...بس فعصتها بيدي شوووي
اسراء:ههه وكمان بس..وكيف غادة سكتت لك
غلا:ماتقدر تقول شيىء خالة على الفاضي
اسراء:هههههههه
غلا:اقووول ويش رايك تجي اليوم عندي
اسراء:لامابي بروح اليوم اقص شعري
غلا:ياخاينة ولاتتكلمين
اسراء:ادري امك مابتوافق
غلا:اووف من جد شيىء يقهر نفسي يصير راي براسي
اسراء:عمتي ماينفع معها غير الامر الواقع
غلا:كيف
اسراء:يعني تعالي عندي اليوم .....ونروح نقص وبس
غلا:لالالالا امي راح تعصب
اسراء:بتزعل يومين وترضى
تنهدت وهي افكر
غلا:اوكي خلاص...خلني اكلمها
دقيت عليها من جوالي ...وقلت لها اني بروح بيت خالي ابي اسراء تفهمني درس مفصل رياضيات وهي وافقت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
في نصف الثاني من الارض
غمضت عينها بتعب من المذاكرة الاختبارات قربت وهي حاطة كل جهدها فيها
........:شكلك واصلة حدك
غيداء:حدي مره تعبانة
ليلى:الله يعطيك العافية
غيداء:الله يعافيك
ليلى:هاانت كلها كم اسبوع ونرد لي ارض الوطن
غيداء:ايه..والله اهلي وحشوني مره
ليلى:الله يقر عينهم بشوفتك
غيداء:امين يارب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
شهقت بستنكار:غلالالالالالالالالالالالالالالالالالالالال ا
غمضت عيونها غلا مستعدة للتهزيىء
غادة:يمه هدي حالك لايرتفع الظغط
ام غادة:اختك بتجيب لي السكر بعد...انا ناقصة ليه سويتي كذا تضحكي علي ياغلا تقولين لي بروح اذاكر عند بيت خالي وتروحين تقصين شعرك
غلا:يمه انا من زمان ودي اقصه
ام غادة:انتي ماقصتيه انتي حلقتيه
غلا قصت قصة فكتوريا
قربت منها وباستها
ام غادة:ابعدعني..ولا وحدة من خواتك عصت لي آمر تجي انتي وتعصيني
غلا:يمه آسفة والله اخر مرة اسويها ...لاتزعلي مني تكفين
ام غلا:ــــــــــــــــــــــــــــــــــــــــــــــ ـــــــــــــــــــــــــــــــــــــــ
دخلت غدي البيت
غدي:السلام عليكم
الكل:وعليكم السلام
ام غادة:بدري كان قعدتي بعد
غدي:يمه انا قلت لك بتاخر
ام غادة:ساعة ساعتين..موللحين بياذن العشا...وين كنتي هذا كله في الجريدة
غدي:كنت في الزهراء(هو مكان مثل الكوفي شوب بس فيه كتب تقري وممكن تطلبي مشروبات واكلات خفيفة...بس طبعا الاسم مزيف بس فكرة المحل موجودة)
ام غادة:كل وحدة فيكم تسوي مثل ماتبي...الله يرحمك ياسلمان رحت وتركت لي هم البنات
الكل:ـــــــــــــــــــــــــــــــــــــــــــــ ـــــــــــــــــــــــــــــ
حبت غرام تغير الجو
غرام:اقول غدي ويش هالحركات
غدي بستغراب:أي حركات
غرام:المقال الي كتبيته اليوم مرررررررررره قوي
غدي بدون اهتمام:عادي..موب حاجة مهمة
غلا:االبنات عندنا بيطقوا من القهر....ويتكلموا عنك
غدي:ليه
غلا:انتي تكلمتي عن فارس احلامهم عدنان الخالد
غادة:إيه والله احسك ظلمتيه ياغدي يعني هو مره موسيىء
غدي:انتي شفتي أحدث برامجه التافهة ويش بتسوي في شبابنا...الفلوس الي تندفع في تحميل برنامج مثل كذا لواندفعت في تحميل برنامج يوعي الناس ويخلينا نتقدم بدل ها لتخلف والرجعية الي احنا فيه
ام غادة:والله معك حق يابنتي
دق التلفون
ردت غرام:الوو
.....:السلام عليكم
غرام:وعليكم السلام
.....:هذا بيت سليمان عمر
غرام:ايه نعم...مين حضرتك
أحمد:انا الدكتورأحمد المسؤول عن حالة غدير
غرام بخوف:غدير فيها شيىء
د.احمد:لاتخافي مافيها غير الخير ان شاء الله...ممكن الولدة لو سمحتي
غرام:دقيقة(التفتت لي امها)يمه د.احمد يبيك
حاولت تدور في عيون بنتها عن اجابة تطمنها وتريح قلبها مالقت غير القلق والخوف
اخذت السماعة بيد ترتجف وهي تدعي قلبها مايكون خبر سيىء قلبها موب حمل شيىء
ام غادة:الوو
د.احمد:السلام عليكم
ام غادة: وعليكم السلام ورحمة الله وبركاته.... خير يادكتور غدير فيها شيىء
د.احمد:غدير بالف خير...غدير فاقت
نزلت دموع الفرحة وهي موب حاسة
ام غادة:صدق يادكتور
د.احمد:الحمدلله واخير
ام غادة:الحمدلله
د.احمد:ياليت تتفظلين عندنا بكرة عشان تتطمني عليها
ام غادة:لالالا...أنا بجيك الحين ماني منتظرة لين بكرة
د.احمد:الوقت الحين متأخر...وغدير الحين نايمة...أنا افضل بكرة حيكون احسن
ام غادة:ان شاء الله بكره من النجمة وانا عندكم
د.احمد:إن شاء الله..انا استاذن
ام غادة:مع السلامة
د.احمد:مع السلامة
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
قفل من امها وهو حاسس الفرحة موب سايعتنه موب قادر يبعد عنها كل شوي يروح يطمن عليها...اتوقع اني اسعد انسان في الكون اليوم
توجه لغرفتها يطمن عليها للمرة الخامسة اليوم
دق الباب وانتظر لحد ماسمع صوتها يسمح له بالدخول...دخل وكانت هي تتاكد بأن الحجاب مغطي شعرها كامل حول نظره على الممرضة الي كانت عندها تعلق لها محلول جديد
د.احمد ببتسامة:ها شلون مريضتنا
ردت علي بهدوء:الحمدلله
سألته و الحيرة والقلق بعيونها:دكتور كلمت اهلي
د.احمد:إيه...وان شاء الله بكره من بدري بيكون عندك
غدير:ليه مابيجو الحين
د.احمد:الوقت تأخر..وغير كذا انتي لازم ترتاحي وتنامي كويس بكره بيكون ورانا يوم طويل من الفحوصات والكشف
هزت راسها بالموافقة
د.احمد:في شيىء ثاني ودك تستفسري عنه آنسة غدير
غدير:إيه
د.احمد:ايش
غدير:اليوم كنت بقوم اصلي المغرب بس حسيت رجلي اليمين حركتها ثقيلة مو مثل اليسار
قرب منها وفحص رجلها اليسار..وناظر في ريبورت
د.احمد:وقت الحادث شظية دخلت في رجلك واثرت على عصب مهم في رجل احنا خارجنها وعالجنا العصب..بس كان للشظية تاثير على العصب وهذا الشيىء ماقدرنا نكتشفه غير لما تفوقي
غدير امتلاءت عيونها دموع:يعني انشليت يادكتور
د.احمد بانكار شديد:طبعا لا..انتي مافيك غير العافية ورجلك بتحركينها ان شاء الله بس يبي لها وقت وعلاج طبيعي و صحي و صحي للغاية وان شاء الله ترجعي احسن من اول
مسحت عيونها وابتسمت ابتسامة ناعمة حركت في قلبه حاجة غريبة
د.احمد وماوده يتركها ولا لحظة:اتركك ترتاحين الحين
هزت راسها بالموافقة
د.احمد:تصبحين على خير
غدير والابتسامة على وجها:وانت من اهل الخير
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ





......:وشو كمااان بنت هالمرة بعد
خالد:يمه هذا نصيب يمه
ام خالد:مالت على حظي وحظ ولدي شوف خالتك توي راجعه من عندها من الشرقيه عيالها حريمهم كل واحده جايبة درزن عيال وانا كل سنه بنت ودها تذبحني مرتك ناقصة عمر
خالد:بعيد الشر عنك يمه والله يمة لوشفتي الصغنونة انها شبهك
ام خالد:وين تشبهني وامها هالشينة وخواتها
خالد:ـــــــــــــــــــــــــــــــــــــــــــــ ــــــــــــــــــــــــــــــــــ(ماحب يجادل)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ

......:غدير يمه غدير..سمعاني ...غدير يمه اصحي
هالصوت الحنون الدافي موب غريب عليها...فتحت عينها بهدوء..وفاقت من غيبوبة النوم
وشافت اجمل...اجمل واطهر واحن انسانة في الحياة..هذي امي انا مااحلم
غدير:يمه..يمه
ام غادة والدموع في عينها:ياعيون امك ياحياتها وروحها..انتي
حضنتها وهم يعبروا لبعض عن شوقهم بالدموع
قطع عليهم صوت غلا وهي تحاول تخبي دموعها:يمه خلالالالالالالاص اتركي لنا مجال
ابتسمت وهي تحاول تمسح دموعها
فتحت يدينها وجرت وارتمت في حظنها
تحس انها بنتها مع ان الفرق بينهم مو كثير بس دوووم تحس انها بنتها
غدير:غلاي حبيبتي كبرتي
غلا:هههههههااااي واخيرا احد قال اني كبرت
غرام:لاتفرحين جسمك بس الي كبر..عقلك مزال مثل ماهو عقل بزر
غلا:بزر في عينك
ضحكت عليهم:وانته لحد الحين تتضاربون
قربت منها غرام وحضنتها:الف الف الحمدلله على سلامتك
غدير:الله يسلمك
قربت غدي وعلامات البرود تكتسيها غدي مثل ماهي غدي ماتحب تبين مشاعرها سواء حزن او فرح
غدي وهي تسلم عليها:لابأس طهور ان شاء الله
غدير:جزاك الله خير
استغربت غادة وغيداء موب موجودين
غدير:يمه غادة وغيداء وينهم
ام غادة:غادة توها والدة وتعبانة ومافي احد يجلس مع بناتها..وغيداء يوووووووه تصدقين نسينا نبلغها انك فقتي
غلا:والله ياويلنا لاتاكلنا بقشورها
غرام: خلني اتصل عليها
ردت عليها بعد كذا رنة
غيداء بصوت كله نوم:الوووووو
غرام:ههههه انتي نايمة لها الوقت
غيداء:ياحمارة شوفي فرق التوقيت
غرام حكت راسها:ايه صح نسيت
غيداء وهي تقلدها:ايه صح نسيت..يالله فارقي
غرام:غيدااااء عندي لك خبر بمليون دينار جزائري
غيداء بطفش:ايش
غرام:غدير صحيت من الغيبوبة
فزت بنشاط وهي مومصدقة
غيداء بعدم تصديق:غرام اتركي حركاتك هالكلام ماينمزح فيه
غرام:والله العظيم والحين احنا عندها في المستشفى..خذي كلميها
بضحكة:الووووووووووووووو
غيداء:يازين الالو وصاحبتها...هلا وغلا
غدير:هههههه هلا فيك
غيداء:غدورة حبيبتي وحشتيني
غدير:وانتي كمان غيداء مره وحشتيني
غيداء:لالالا انا كذا مااستحمل ...بجيكم الحين على اول طيارة
غدير:ههههه وين تجينا اقول اجلسي مكانك احسن ...كملي دراستك انا موب طايرة في مكاني
غيداء:كلها اسبوعين الله يصبرني واجيكم
غدير:ان شاء الله..يالله اتركك حبيبتي تنامين
غيداء:وين النام بعد الفرحة طار النوم ...يالله باي ادري غرام تاكلك بعيونها تبيك تقفلين خايفة على رصيدها
غدير:ههه كانك معانا من اول تقولي خلاص قفلي
غيداء:ههههههههه اوكي يالله عسل مع السلامة
غدير:في امان الله
قفلت منها وهي اتذكرت اهم انسان تسأل عنه بس مع رجتهم نسيت... ارتفعت دقات قلبها وهي تذكر المنظر الي شافته فيه
غدير:يمه
ام غادة:نعم يمه
ام غادة:يمه وين ابوي
شافت البسمة انمسحت من وجيههم كلهم ويتهربون من نظراتها
غدير:ويش فيكم سكتوا..يمه غدي غرام غلا وين ابوي..ليه ماجاء يطمن علي وينه
ام غادة وعيونها امتلات دموع حطت يدها على كتفها:غدير يمه انتي عارفة ان كل شيىء في الدنيا قدر ومكتوب وان عمر الانسان محدد وهو في بطن امه يعني احنا لازم نصبر ونحتسب الاجر عند الله
كانت خايفة حدها من كلام امها وتدعي في داخلها انه مااصاب ابوها مكروه
غدير:يمه انتي ليه تقولين هالكلام ويش صاير
ام غادة:غدير يمه ابوك راح للي ارحم مني ومنك راح للخالق البارىء ...هو اكيد هناك مرتاح اكثر من وهو عندنا
مصدومة من كلامي ويش تقول مستحيل
غدير:يمه انتي ويش تقولين انتي اكيد غلطانة انتي تضحكون علي...ابوي تحت اكيد يبي يشتري لي ورد وهو اصلا دايم يشتري لي ورد فاكرين يوم عملية اللوز تاخر علي يجيب ورد هو عارف انا احب الورد
صرخت فيهم بغضب:ليييييييييييييييييييييييييييه ساكتين ابوي ماصار له شيىء انته ليه تفاولون عليه..وهواصلا مايبعد عنا مايقدر انتي ويش فيكم ابوي يقول لو انا بعدت عنكم اموت انتي غذاء روحي
سكتت وهي افكر:بس هو بعد عنا يعني ايش يعني مات يعني مراح اشوفه مره ثانية يعني ماراح انام في حضنه مره ثانية ولا ابكي وهو يمسح دموعي وقت ماامي تصرخ علي يعني كيف كيف مستحيييييييل مستحييييييييييييييييييييييل ابوي يروووح مستحيييييييييل
حضنتها امها وهي تحاول تهديها ...(كيف تبيني اهدى وابوي مومجود ابوي الي اشوف في عيونه الحياة كيف مااشوفه مره ثانية )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ
اتنهد بتعب
خالد:ياغادة مافيني شيىء
غادة:لافيك وفيك بعد..خالد تحسبني مااعرفك متى تكون فرحان ومتى زعلان ومتى تفكر
خالد:خلاص بقولك
غادة:ويش فيك
خالد:أحبك اموت فيك وحشتيني
غادة:خالد لاضيع الموضوع الرئيسي
خالد:هذا اهم موضوع...غادة متى ترجعين البيت من دونك مايسوى انتي شمعته ونوره
غادة:ياحبيبي...والله حاسة فيك بس غصب عني الين لسى صغيرة وامي ابيها تكون معي خلها تكبر شوي وانا برجع للبيت
خالد:تصدقين من يوم جات هالمفعوصة وانا جايع وعطشان
غادة:خلاص حبيبي انا اقوم الحين اسوي لك اكل
قامت بس سحبها وطاحت في حضنه واتنثر شعرها على صدره
خالد:أنا جايع ابي حضنك يغيني وحبك يرويني وعيونك تدفيني
غادة مسكت يده وحطتها على خدها:خالد وربي أحبك واعشقك الله لايحرمني منك
خالد وهو يطبع على راسها بوسة حب:ولا يحرمني منك ياأغلى نعمة في حياتي
قطع عليهم جوهم صوت الين تبكي..قامت غادة تشوفها
خالد:هالبنت يبيلي اقوم اكفخها الحين....هذا وقتها
غادة:هههههههههه حرام عليك والله انها تزنن
خالد بزعل:القرد في عينه امه غزال
قربت منه غادة وهي شايلاها
غادة:شوف هالقمر حرااااام عليك قرد
شالها وهو يبوسها
خالد:اكيد قمر مو شبهك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
دخلت مكتبها...كانت هدى بس موجودة
غدي:صباح الخير
هدى:صباح النور
قعدت على مكتبها وشافت ورقة غريبة ...قرتها وهي مصدومة
غدي:هدى
هدى:نعم
غدي:مين جاب هالورقة هنا
هدى:أي ورقة
غدي:هاذي
هدى:مادري...انا من جيت مافي احد دخل المكتب..ليه ويش فيها الورقة
غدي:مافيها شيىء
واتجهت بتروح لمكتب المدير
هدى:وين رايحة
غدي:لمكتب المدير
هدى:آهاااااا
دقت الباب لما دخلت كان يتكلم بالتلفون...أشر لي بيده انه اقعد..انتظرت لحد ماخلص مكالمته
عبدالمحسن:نعم ياغدي
غدي:استاذ خذ هالورقة وشوف بنفسك.....

انتظروني في الجزء الثاني

قراءة ممتعة


موضوع مقدم من منتديات ديزاد
منتديات ديزاد باتنة (http://www.dzbatna.com/vb)



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com/vb)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com/vb)©