قصة من تاليف انجال المسمى لكــــم ... اتمنى التفااعل ...

[romaissa]

موضوع مقدم من منتديات ديزاد
منتديات ديزاد باتنة (http://www.dzbatna.com/vb)
بسم الله الرحمن الرحيم ....
تاليف انجـــال
اختلاف الاسماء في هي القصه ما بين اسم ...لعيونها بس...وما بين ....نهاية روح ...وشوف النهايه ...
ابااكم انتوا تقررون وش الاسم المناسب لها ... بعد نهاية القصه ..
لكن القصه في البداايه حزيننه ... ولكن اشدد عليكم ان تشاهدو النهايه
اخليكم تقرونها .... وعطوني ردودكم وتعليقكم ....
الجـــــزء الاول
********************************
عائلة ابو رتاج..
ابو رتاج ...(خالد ) ... 39 سنه يشتغل في القطاع الحكومي ..
ام رتاج ...( هند ) ..36 سنه .. وهي مريضه بالمرض الخبيث ((السرطان)) ابعده الله عنا وعنكم ..
((رتـــاج )) 17 سنه وحيدة خالد و هند ... وهي بطولة قصتي ....وهي ((رابعه ثانوي)) يعني الثاني عشر
وهي ايه من الجمااااال .. شعرها طوويل وعيونها اوساع وبيضه مثل اللبنه
**************
في بيت ابو ((رتاج )) .....
ابو رتاج ..خالد .... يدخل البيت الساعه 12 ونص الظهر ..... توه جاي من دوامه تعبان ... رتاج في المدرس مفصله
وام رتاج هند قاعده في المطبخ ولا تسمع نصائح الدكتور .....
ابو رتاج توه جاي ينادي ام رتاج .... هند .... هند ... الا تجي كرستينا
الخدامه ((كرستينا )) .... باابا مدام في مطبخ انا قولي روحي نامي هو قولي لا...
ابو رتاج يروح للمطبخ ...يلقى هنــد قاعده فيه وهي قاعده تحضر الغدا
ابو رتاج .... يا بنت الحلال ما قلت لج مية مره لا تجين المطبخ خطرلحياتج
ام رتاج هند .... خالد تكفى لا تحرمني وبيتي ومنك خلني اقووم فيكم قبل لا اموت
ابو رتاج خالد .. يا بنت الحلال بعد عمر طويل بس الحين انتي ارتاحي ولا يهمج الغدا وانا مو جوعان
واذا جوعان راح اقول حق كرستينا تسوي لي ... وانا ليه جايب الخداامه اجل ..؟؟

ام رتاج .... يابعد عمري ياخالد ادري اني تعبتك معي في حياتي ومرضي ...
ابو رتاج ببتسامه ... وش تقولين يابنت الحلال انتي زوجتي وحبيبتي وام بنتي الغاليه ومالي احد غيركم لو قمت
منو رااح اقوم له غيركم ....
ام رتاج ..هند وهي قاعده في الصاله ومعطيه المرايا وجها وظهرها لزوجها ... وصيتي يا خالد تكفى
خل رتاج في عيونك الثنتين وطلبتك ابيك تدور عن بنت الحلال اللي تقدر تسعدك ... تكفى ما ابيك تعيش معي
لحظاات موتي ....
ابو رتاج خالد .. وش تقولين ياهند ... انا معج وما راح اتزوج عليج ...وبعد عمر طووويل ياقلبي ((وهو يقرب يضع
يده على كتفها ..)))
ام رتاج ... لا ياخالد .. انت تعرف انه موتي قريب وانا الحمدالله مؤمنه بالله ان الموت حق وان هذا القدرو مكتوب
.... وابيك تتزوج عشان ما تضيع انت ورتاج وانا ايام وارحل ابي اتطمن عليكم ....

فجاء توصل رتاج من المدرس مفصله من غير ما يحسون في الوقت وهم يتكلمون
رتااج ..بيييب يببببب درب درب ياهل البيت رتااااااااج الحلوه وصلت وووين التحيه واعنف القبولات
ابو رتاج ..خالد .... ياهلا بدلوعتي الغاليه وحبيبتي انا
رتاج ... هلا والله بابوي الغالي ... وامي الغاليه
رتاج انتبهت لدمووع ابوها وامها .... وقالت .... يبه يمه وش فيكم تبكون
ابو رتاج خالد ... لا يارتااج انا ذبحني النوم وابي ارقد وامج ما خلتني اناام وكذا طالعه كانها دموع ..
رتااج ... وانتي يايمه ليه تبكين ؟؟؟
ام رتاج هند ... وش ابكي لا ما ابكي ولا حااجه كنت في المطبخ واقص البصل ...
رتاج ... لا تكذبون علي انا اعرف امي ما تدخل المطبخ وانا اعرف لمى تبكين تطلع عيونك حمرا كذا!!...

ابو رتاج .. خالد ... يا بنتي انتي كبيره وتعرفين انه امج مريضه ... وكذا قررت اخذها للعلاج برى الكويت
واليوم يابنتي جاءت الموافقه من وزارة الصحه ان نسافر للامريكيا للعلاج ..وانا رااح اروح معها وهي تبكي
وما تبي تتعالج ,,, وتقوم هند ام رتاج تبكي وتحضن بنتها الوحيده ...

رتاج ... وانا وين ارووح من بعدكم لازم اروح معكم ... مالي قعده في البيت برووحي من دونكم ...

خالد ابو رتاج ... يابنتي هذا علاج وما ابيج تشوفين امج تتعذب في العلاج وانتي وراج درااسه ولا تنسين انج
اخر سنه في الثانويه ...وحنا مو رايحين نلعب.... راح اخليج عند عمج ابو محمد وخالتج فاطمه ...

رتااج ... وشلوون يخليكم قلبكم ترووحون وتخلووني برووحي .... وانا ما لي غيركـــــــــــــم احـــــــد

ام رتاج هند ... تاخذ بنتها وتظمها حيييييييييل ....
ورتاج............ يمه تكفين لا ترووحين وتخليني برووحي انا مالي احد غيرج اذا بكيت وماعندي احد يسمعني غيييرج
ام رتاج .... الله معج يابنتي الله معج ما يخليكي ياقلبي انا ... وانا بعد ابيكِ تشدين حيلكِ وترفعي رااسي فووق
وابي نسبه ترفع الرااس .... وانشااءالله كلها اياام وارجع لج ..

رتاج ... يمه يمــــــــــــه انا احبــــــــــــــــــــــــــكِ ...
ام رتااج ... انا اكثر ياارووح امكِ <<< وفي قلبها اهااات من الدمووع كتماانه وتسال رووحها كيف تعيش رتاج
من غيرها بهذي الدنيا

ابو رتاج خالد يحاول يغير الجو ..... وانا يارتااجوووا ما راح تشتاقين لي يادلووعت ابوكي ...

رتااج وهي تمسح دموعها وهي بحظن امها .... انت الله يخليك لي واكيد راح اشتااق لكم حييييييل ..
ابو رتاج ... يالله عاد لا تقلبووون اليوم كله حزن انشااءالله امج راح ترد مثل قبل واحسن ...
واذا تحسنت رااح اسفركِ يارتااج حق اي دوله تبينها .....

رتاج .. يبه ما ابي اي دووله.....الكويت فيها اشيااء حلوه ... نرووح ناجر شاليه في الصيف ونقعد سووى
ام رتااج .. ونرووح نشوي ذاا الخرووف الصغير .. مع الذره مع الشاي بالفحم

رتااج بحزن وهي تشووف امها ...... يبــــه متى راح تسافروون ؟؟
ابو رتاج .... يوم الاثنين باذن الله .... يعني باقي اسبووع ....
********************************

عائلة ابو محمد ... اخو ابو رتاج
ابو محمد ...(( جاسم )) 42 سنه يشتغل في القطاع الخاص
ام محمد ...(( فاطمه )) 40 سنه .. اميه وربيت بيت <<<< اخت هند ام رتاج
((محــمد )) 24 سنه يشتغل في وزارة الماء والكهرباء
((نـــور)) 22 سنه تدرس مفصل في الجامعه
((مشاري )) ... 20 سنه ... ما يشتغل
((نــوره )) .. 18 سنه ....رابعه ثانوي
****************
الساعه 5 المغرب ..... في البيت
جاسم ابو محمد ..........فااطمه .... فااطمه
فاطمه .. ام محمد ... هلا والله باابو محمد ....
ابو محمد .... فاطمه وينكِ لي ساعه وانا اناديكِ ؟؟
ام محمد فاطمه ... كانت عند البناات تعرف نور ونورا ارتب غرفتهم الانه رتاج رااح تقعد معهم وغرفتهم صغيره
قلت اعدلها قبل لا تجي رتاج وحطيت لها سرير جديد تعرف بنت اختي وهي امانه عندي .....
ابو محمد ... وليه هي مو بنت اخوي بعد ... ولا نسيتي ان غيابهم راح يطول كثير والله يعينا على بنتهم الامانه كبيره
يافااطمه .....
فاطمه ام محمد .... الله يعين يا جاسم (ابو محمد )) ... الله يعين اختي ودواء اللي راح تاخذه مو هين كيماوي
يعني سنه وست اشهر ما يجوون وهذا غير التحاليل .... الله يقومها بسلام ... ولا انا ماراح افقدها كثر
بنتها المسكينه ... اللي راح تضيع في غيابها هي رتااج اما خالد يتزوج وينسا او يحاول يبعد الذكرى....

ابو محمد ... لا يا فاطمه عمر الرجال لو طلق او ماتت زوجته صدقيني يحزن بس عمر الرجال ما يبين لحد هذا
الشي ... وانتي تعرفين اخووي خالد يمووت في اختج هند ...

فاطمه ام محمد بضحكه ... يعني تحبني يا جاسم
جاسم ابو محمد ..... اكيــــــــــد احبج تبيني بعد العمر هذا كله ما احبج انتي ام اعيالي وزوجتي الله يخليج لي ..
قوولي اميـــــــــن
ام محمد فاطمه ...... اميـــــــن ياابو محمد
**************************************************
في ليلة الاثنين نامت هند عند بنتها اللي كانت تحس انها اخر ليله عند بنتها
رتاج في ليلة الاثنين ما جاها النوم طوول اللليل امها عندها تظمها وطوول الوقت سكووت بين الطرفين
كان في نظراات كلها دمووع ... كانت نظراات الم ونكساار ...
... ((جوجو )) دلع لاسم رتاج <<<
هند ام ررتاج .... جوجو ياحيااتي ناامي يكفي دمووع .... ترى تذبحيني في دمووعك ...
رتاج ... يمه انا ابيج لا تروحين انا ما اقدر اعيش من دوونج دقيقه اشلـــــــــون سنه قوليلي اشلوون
يمه انا محتـــــــــاجه لــــــــكِ محتااجه لـــــــــكِ بكل ثانيه بكـــل دقيقه محتااجه لصدرج لهمســج

هند ام رتاج وكلها دمووع ...... ياقلب امج انتي بس بكى قطعتي قلبي ... وربي ودي اخذك معي بس ما ابي احطم
مستقبلكِ ولا ابيكي تتعذبي لمى تشوفيني مكسووره جداام المرض ... انا معك تاكدي يا جوجو انا معك في قلبك
في كل ثانيه ... كل هذا اسوي لك ... بس ما اوصيج ياجوجو ..احرصي على نفسك ...

رتاج .... بس يمه تكفين لا تتكلمين عن المووت... انا منو لي غيــــــــــــرج بهذي الدنيا قوليلي منو عندي
انتي امي وانتي اختي وانتي صديقتي ... انا من غيرج اموووت وربي امووت ...

ام رتاج هند ... جوجو الموت حق يا بنتي وهذا المرض ماله علاج وبالاخير رااح نمووت كلنا يا جوجو

رتاج تظم امها بقوووه وتبكي بصرااخ ... انا احبـــــــــــــك احبــــــــــــــك تكفين لا تخليني بهذي الدنيا برووحي
انا مالي احد غيركِ وما اعرف شي من دوونج
هند ..... اشششش نامي خلاص نامي يابنتي نامي يا جوجو نامي فديتج انا وتقوم تغني غنية جوجو وهي صغيره
<<<< ياخواتي بحبها دي حبيبت امها بكره جوجو تكبر وتروح المدرس مفصله وتكبر حبه حبه واخبرها كويسه
ياخواااتي بحبها ....<<<<
**************************************
يوم الاثنين اليوم الموعوود اليوم اللي راح يسافر فيه خالد وهند ابو رتاج وامها ....الساعه 5 الصبح
تعرفون طيران لامريكيا يبيلها 18 ساعه في الجو .... وطياره راح تطير الساعه 6 ونص

تقوم هند لااخر مره تشووف البيت تشووف مملكتها اللي بنتها بيدها ... وتسال نفسها هل رااح اعيش ..
<<< تعرفون البيت مملكة كل مراه <<<
رتاج قامت وقاعده في فراشها ... وشافة الساعه 5 الفجر وقاامت وركضت على دار امها وابوها لقتها فاضيه
خاافة وقالت في قلبها مستحيل يروحوون وما يعلموني لا لا ما يصير ما اشووف امي قبل لا ترووح
الا تسمع صوت امها تحت تقول حق ابوها رااح اشووف رتاج قبل لا اركب السياره ... ورتاج تقول في قلبها
امي ما نستني امي ما نستني ........
خالد ابو رتاج ... مو بس انتي تشوفينها حتى انا ...
ام رتاج ...ههه تكفي يا خالد ما اوصيك على رتاج خلها بعيونك ولا تهاوشها جدام احد ...
وهم يركبون الدرج انصدموا ان رتاج قاعده على الدرج ورجولها عند بطنها وراسها منزلته
كانت رتاج تبكي حييل <<< اتحدى احد في هذا الموقف وما يبكي ...ههه حتى انا اكتب وابكي ههه<<<<
تركض هند لبنتها ... يمه جوجو فيكي شي ..
رتاج ما صدقت رااحت حظنت امها لاخر مره ... وعيونها حمراااء حييل من كثر البكى ..
خالد ابو رتاج ... يالله يا هند تاخرنا ياالله ياجوجو ياحبيبتي يالله يابابا خلنا نرووح تاخرنا
رتاج ومن كثر البكى بلعومها تحس كانه عظم واقف فيه من كثر ماهي حاابسه دموعها وصرخاتها ..
هند وخالد ...... يالله يا رتاج مع السلامه
رتاج مع السلامه

رتاج تركض لغرفتها وترمي حالها للسرير وتبكي حوالي لمدة ساعتين ..وغافله حجرتها عليها طبعا ما راحت
المدرس مفصله ....... وتاخذ تلفوونها وترسل لامها هذا المسج
في غيابك
لف دنيايالسكون..وفي وجودك
تضحك احزاني وتهون

وتقوم امها ترسل هذي الرساله لها.........

بودعكم انا اليوم وداع بشوق نلقاكم
ولاتجوني بعتب أو لوم انا مااخترت فرقاكم





انا برضى بهالمقسوم ولكن والله منساكم
بودعكم وانا ملزوم فمان الله يرعاكم


موضوع مقدم من منتديات ديزاد
منتديات ديزاد باتنة (http://www.dzbatna.com/vb)



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com/vb)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com/vb)©