انا وشايب حارتنا

[admin]

موضوع مقدم من منتديات ديزاد
منتديات ديزاد باتنة (http://www.dzbatna.com/vb)


http://1-ps.googleusercontent.com/h/vb.tgareed.com/mwaextraedit2/frames/tr1.gif.pagespeed.ce.ydfxJrROhF.gif (http://www.dzbatna.com/vb/t23134/)

http://1-ps.googleusercontent.com/h/vb.tgareed.com/mwaextraedit2/frames/tl1.gif.pagespeed.ce.lamUjz3FXX.gif (http://www.dzbatna.com/vb/t23134/)



هلا اخباركم جميعا بموضوعن جديدن من تأليفي انا شخصانيا

طبعا انا مثل ماقلتلكم انا اذا فضيت رزيت لكم نصبه ولا سوالف تصير

وانا امس جاي تعبان ونمت 12 بالليل وصحيت الساعه 3





وانواع الفضاوه على هالحزه
علشان تسذا قلت اقص لكم سوالف من سواليف شايب الحاره
وطبعا مثل ماتعرفون السواليف ماتزين الا اذا تبهرت شوي

عاد من عنده تبهير ومن عندي زياده
وانا تعودت اني ارز لكم الموضوع على مقاطع وقصص قصيره
عاد تحملونا لما نلقا لكم قصه طويله ونحطه لكم هنا

ويالله نبدا بسواليف الشايب << مابغيت تبدأ

المهم طول الله اعماركم هذا شايبن بحارتنا ماشالله عليه مافيه شغله الا اشتغله ولا شي الا سواه
وكل مانطلع معه البر انواع الوناسه ويقصص علينا من هالقصص اللى تحبه قلوبكم ,, وانتم اعرف بسواليفهم .

المهم جلسنا معه اكثر من مرات << وين تصرف هذي
وعطانا من هالقصص .,, واترك له المايك


يقولكم مره من المراريت كانوا يلعبون لعبه اللي يركع الواحد وينط من فوقه الثاني << والله من زين الوصف
المهم يقول تحداه واحد انهم يشبون نار كبيره وهو يركع له قبله وينط من فوقه ثمن ينقز من فوق النار , المهم شبوا النار واستعدوا وجاك هذا طاااير ويوم حط يدينه على ظهر الشايب حقنا, جلس الشايب وطاح خوينا بوسط النار
عاد هو جاه حروق بمنطقة الساق والى الحين الاثار موجوده
وعاد تعرفون منول الانفس طيبه , ورجعوا اخويا علطول ولا احد زعل من الثاني .



ويقولكم منول وهو كان يدرس مفصل بالابتدائي, وانتم تعرفون منول المدرس مفصل له هيبته القويه
وياويل اللي يتأخر , عن الحصه << يااي مبطين عن هالكلمه
ويقول لكم مره تأخرت لاني كنت العب ويقول عرفت اني متأخر , وجيت اركض للفصل وانا كنت اردد ايه حفظنا اياه المدرس مفصل وهي ( وانا ربكم فاعبدون) يقول وانا داخل الا والمدرس مفصل يضربن بالعصى اللي معه وتنكسر ايدي
ويقول جت امي تهاوش << منول حتى الامهات يهاوشن
ومشوه لهم وبرضوه رجعت الانفس طيبه.



ويقول مره من المرات كنت انا وواحد من اخوياي , سوينا غلط ببس ما اذكر وش كان بالضبط , بس لزم الامر اننا نجلد بحوش المدرس مفصله
يقول اكان علينا الا ثياب بس ولا عندي غيره
وسحبونا مع رجلينا على الحصى بالحوش
وجابوا عسيب نخل
وجلدونا جلد لا صار ولا استوى يعني ضربوهم ضرب منول ويوم خلصوا
جدعونا ( رمونا) برى عند حوش المدرس مفصله
وانطقينا هناك ماقدرنا نمشي ابد , لما اذان العشى , وجت امي وضفتن للبيت .



ويقول لكم جوا رجال عندنا وكنا نموت بالشاهي, وسوت لنا اميمتي شاهي بابريق كبيييير , يعني لو يشرب كل واحط بطاسه كان ماخلص
المهم ويشربون الرجال من الشاهي وكل يدردب له تقل ماعمره شاف الشاهي
يقول يوم خلصوا وحنا قبل الفجر ب ساعتين او ثلاث << مدري وش مسهرهم
واطلع من غرفة الشتا واسكر الباب , وانتم تعرفون وشلون الشاهي وش يخللي الواحد يسوي اذا شرب منه واجد
المهم وهم كلهم صاروا يبون دورة المياه وانا مافتحت لهم وهم توهقوا , وجت اميمتيوفتحت الباب لانه سمعت الصراخ , وانا كنت برا البيت , ويلحقوني ويربطوني برا على شجره برا القريه ومافكن الاالمؤذن يوم سمعني اصوت له
ويوم رجعت للبيت شفت اللهم ياكافي المكان كله رابص
وبرضوه رجعت الانفس طيبه



http://1-ps.googleusercontent.com/h/vb.tgareed.com/mwaextraedit2/frames/br1.gif.pagespeed.ce.KOMLAASoIn.gif (http://www.dzbatna.com/vb/t23134/)

http://1-ps.googleusercontent.com/h/vb.tgareed.com/mwaextraedit2/frames/bl1.gif.pagespeed.ce.GCQUzPwVhw.gif (http://www.dzbatna.com/vb/t23134/)





موضوع مقدم من منتديات ديزاد
منتديات ديزاد باتنة (http://www.dzbatna.com/vb)



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com/vb)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com/vb)©