~[ يامساء النَص الأخـيـر ..~

[Chakira]

موضوع مقدم من منتديات ديزاد
منتديات ديزاد باتنة (http://www.dzbatna.com/vb)




http://img.tgareed.com/imgcache/205931.png (http://arabsh.com)
مدري من فينا اللى ناسي .؟
روّح الجمهور يالله
اقرا شعري
عالكراسي
الشعر ماهو يقين
ولا هو بعد ريبة
الشعر نذرٍ علي
وما علي إلا اني أوفي به
يا مسا النص الاخير
يا مسا التكفير عن ذنبٍ تقول اني ارتكبته
يا مسا شعرٍ كتبته ومافهموه
يامسا منفي أثبته
يا مسا مثبت نفوه
مدري هي الناس ما تقرأ .؟!
أو هي تقرا بس ما تفهم .؟!
أو هي تفهم بس تتغابى .؟!
يا مسا هم الكتابة
يبكى الشاعر
يدخل غرفته
ويصك بابه .!
وش بلى هالليل
باردٍ قاسي طويل
وش بلى الدنيا تميل
كل ما أعدلها تميل
والله إنه لا بكى الشاعر يميل
كل مافي الارض من عشب ونخيل
ياخي أحس اني انطفيت
بين ودٍ .. أشتعل
وبين ودٍ .. بس ياليت
وانطفيت
قمت أتمتم بك وادور
قمت أدور
إذا انطفى الشاعر
من يشعل الجمهور؟
من يدق الباب
من يصحّي هالقلق ، ويوتّر الاعصاب .؟
من يطيّر من هواجسنا حمام
من يسهّرنا وينام
ولا ينام .؟
من يذكّرنا بلحظات الغروب
من يورّطنا ويتوب
ولا يتوب .؟
إكتشفت
إني متحمس وخفت
مدري عفت .؟
واكتشفت
إني لا غمضت .. شفت
الغيم ، صندوق المطر
والريح مفتاحه ..
ليه انا بس اللى أتعب
وانتى مرتااااااحة .؟
ليه انا بس اللى أحزن في السنة
كل السنة .؟
/
كنت امتدادٍ أبيضٍ للصدق
أخضرٍ للعشق
وانت امتدادٍ أبيض للنور
أخضرٍ يلغي الاراضي البور
كنا امتدادٍ في الشعر
(( لعاصى ومنصور 2014 ))
مونامور
لو يدري الشاعر
كم يجهل الجمهور؟
ما عصاك الا عصاك
والهوى فك شباك
ورماك
لما وراك..
الماء وراك
كومة اوراقك
رفاقك
حيرتك
مجاملتك
نفاقك
اختلافاتك
وفاقك
يااا.؟.؟.؟.؟ تعبت
والحكي مثل السكات
مقفولة من كل الجهات ..!
مقفولة من كل الجهات ..!
مقفولة من كل الجهات ..!







جورية لكل من مرّ من هنا .









موضوع مقدم من منتديات ديزاد
منتديات ديزاد باتنة (http://www.dzbatna.com/vb)



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com/vb)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com/vb)©