..~ آخر دروبي ~..

[walid]

موضوع مقدم من منتديات ديزاد
منتديات ديزاد باتنة (http://www.dzbatna.com/vb)
..~ آخر دروبي ~..



يا بشر تكفون حلّو عن سمايه
ما يصيب الهرج لو الهرج صوبي


كم سكت لكم بما فيه الكفاية
اشتموني لو زعلتوا واشمتوا بي

عيبوني واتركوني في عمايه
واتركوا لي واحد يرضى عيوبي

اتركوا لي واحد يمسح شقايه
كل ما حط الزمن دوبه و دوبي

ذاك والله لو ذكرت انه ورايه
اشعر إن الكون كله وسط ثوبي

يكفي انه لو يسولف للمرايه
كن صوته يهمس ل صور 2014ته.. ذوبي

كيف أنا ما أذوب ما دامه معايه
اسمعه و أسهر معه لآخر دروبي






كل ما قال السهر درب الغواية
قلت كله من عيونك هبّلوا بي

وكل ما قال الخطا ماهو خطايه
قلت له قل للعيون السود توبي

ضيعتني واسأل الله الهداية
وين أجيب العقل.. أجيبه من جيوبي

من يعرفك ما يدل العقل راية
يا شروق العمر.. مدري يا غروبي

أذكر انك كنت لي مثل الهواية
لو تروح ولو تجي يبقى شحوبي

بس مدري كيف صرت اليوم غاية
وصرت أجي و أروح مدري عن دروبي

يا بعد عمر الكتابة و القراية
يا الشمالي يابو الملح الجنوبي

لا قريت اللي كتبته يا رجايه
رح وبلغ ربعي اللي جننوا بي

قلهم يمكن يخلون الوشاية
و إن تمادوا خلهم مهما حكوا بي

أنت خلك بس في الدنيا عزايه
لا تفكر في العواذل وأنت صوبي

ادري إن كل درب وله نهاية
بس أنا باقي معك لآخر دروبي



المصدر : أشعار فهد المساعد - قصائد فهد المساعد - ابيات شعر و قصائد (http://www.3br.cc/forum/t13414 #ixzz1ZAXX24vQ)


موضوع مقدم من منتديات ديزاد
منتديات ديزاد باتنة (http://www.dzbatna.com/vb)



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com/vb)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com/vb)©