**ياااامدلعه**

[walid]

موضوع مقدم من منتديات ديزاد
منتديات ديزاد باتنة (http://www.dzbatna.com/vb)
يامدلعه لاتدعين الضيق وأنتي في سعه...
الضيق للي ما إتسع له صدر محبوبه لا ضاق...
القلب نـفسه عند متبهــذل وعند مدلعه...
الفرق في صدق المشاعر والأحاسيس الرقاق...
الله .. ياكم لي وأنا منك الوفاق أستطلعه...
والحين لا أنتي ولا قلبك ولا حتى الوفاق...
آخر حكاية حب .. وأول جرح كنت أتوقعه...
إلي برواق تحبني .. تقدر تفارقني برواق ...
إحساسك أصلا ما يناسبني وأنا ما أنـفعه...
مادام لي مبدأ .. ولك نيه تبيعين الرفاق...
الناس قالت من يبيعك وإشترى غيرك بعه...
لا تلحق اللي منك ما يستاهل أسباب اللحاق...
إخترت أموت ولا يقولون الخلايـق إمعه...
وإخترت أفارق والصدق .. ياكره كرهي للفراق...
أصبحت مثل اللي يدور للجهات الاربعه...
راح الجهات الاربعه ولا زال في نفس النطاق...
المشكله وده يفضفض .. بس كلن يصفعه...
من وين ما وجه بوجهه للأسف يلقى طراق...
الحزن يجتاحه وشكل في حياته زوبعه...
وإحساسه بإهمال الجميع يضاهي إحساس المعاق...
الظاهر إن الناس في قلب المواجع مبدعه...
والظاهر إني صرت ممن لايطيق ولا يطاق...
الحب .. من ذا اللي يقول : الحب دنيا ممتعه...
في ذمتي مايقولها لو كان مما ذقت .. ذاق...
إن شاف نفس اللي أشوف وماسمعته يسمعه...
يختار له نار الفراق .. ولا يجي جنة عناق...
العاشق اللي مامعه غير إنتفاضة مدمعه...
الله يكون بعون قلبه .. واحتراقه .. إحتراق...





إن جيت تلقى حالته حاله .. وشبه مضيعه...
أحيان يتنفس ولكن أغلب الحال .. إختناق...
إنهد حيله .. وإنجرح .. وإحتاس في هالمعمعه...
محتار مايدري على ويش الزعل والإنشقاق...
إنصب تفكيره على (ماذا وراء الأقنعه)؟؟؟...
مسكين كان آخر ضحيه للخيانه والنفاق...
ألحين .. ياضده تكون الناس .. وإلا .. يامعه...
مايعترف بالأوسطيه .. والثقه .. والإتفاق...
أرثي لحاله عندما يكتب على الرمل إصبعه...
(هذي نهاية مايسمونه.. محبه وإشتياق)...
مجنون ليلى .. يتبع أهواءه وحنا نـتـبعه...
يعني أنا وألآف غيري .. نندرج ضمن السياق...
الصدق .. لو هم الرجال .. في كلمتين .. تقلعه...
ماتمنعه أحيان كلمة (يبغض الله الطلاق)...
السالفه أكبر من إنه يمتنع .. أو تمنعه ...
مادامت الدعوه مصير إنسان مربوط بوثاق...
إن حب .. حب الله يعينه .. والحشا متولعه...
من وين ما قلبه يسوقه من ورى خشمه يساق...
الود ودك لا وصل للوضع هاذا .. تقنعه...
(مهما إستمر الحب .. يبقى آخر الحب .. إفتراق)...
أكبر غلط لو شخص متبهذل يحب مدلعه...
والأخت .. ماتقدر توسع خاطره لو يوم .. ضااااق.
للشاااعر محمد


موضوع مقدم من منتديات ديزاد
منتديات ديزاد باتنة (http://www.dzbatna.com/vb)



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com/vb)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com/vb)©