قصــــة حملــــي

[ام بهاء]

قصــــة حملــــي




بسم الله الرحمن الرحيم

السلام عليكم ورحمة الله وبركاته

عضوة جديدة بينكم أتمنـى اني اكون عضوة خفيفة على قلوبكم حبيباتي

بكتب لكم اليوم قصة حملي ...

متزوجة من سبع سنواااات ولله الحمد في بداية حياتي اتفقنا انا وزوجي العزيز

ان احنا مانجيب عيال يعني مثل ماتعرفون نبي نستمتع بحياتنا ...

قدر الله بعد ماتزوجنــا اتفأجأ يقول لي ابي عيال ..

يابن الناس تونا بدري على العيال قال والله نفسي في طفل ...

وصار كل تفكيري في الحمل عدت الشهور الاولى من زواجي ولا قدر الله لنا

بالخلفة

ماخليت وعدت السنة الاولى من زواجي قلت لازم اكشف يمكن في شي

سويت جميع التحاليل المطلوبة مني وكل شي ولله الحمد سليم

طلبت الدكتورة ان زوجي يسوي تحاليل طلع والحمد لله برضه سليم

قلنا مشيئة الله فوق كل شي الصبر وتمر السنة الثانية ولا صار حمل

ودخلنا بالسنة الثالثة كنت لاهية مع زوجي لان ابوه رحمة الله عليه كان

مريض حسيت بالتهابات اكرمكم الله قلت لازم احلل اول يمكن سبحان الله

اكون حامل قبل ابدأ علاجي وبالفعل طلعت حاااامل الكل سواء من اهلي او

اهل زوجي كان فرحان بحملي طبعا عزيزاتي نسيت اقول لكم انا زوجة ثانية

بالنسبة له عنده اطفال بس حب طفل مني

كان في خلافات بينه وبين ام عياله وقال هالانسانة اللي تقولين عليها ضحكوا

اهلها عليك لانها ماتجيب عيال تراها حااااااااااااامل كانت مصيببة بالنسبة لها

طبعا ماكنت مؤيدة انها تعرف هي بالذات ولا احد اساسا راح يقول لها لان

علاقتها باهل زوجي مقطوووووعة ...

طبعا دام حملي اسبوع تقريبا فجأة حبيباتي احس بألم اسفل البطن من الجنب

شي احسه يتقطع كأنه قماااااش ينشق من النصف واذا مشيت ودعست

على الارض احس الالم يطلع طبعا يومها ماكان يومي كان عند عياله

ارسلت له رسالة اني تعباااااانة واحس المووووت والوالدة ماخلته دقت عليه

لكن للأسف كان جواله بعيد على كلامه اول ماشاف رسالتي واتصال الوالدة

جاني ركض طبعا حصل موقف من ام عياله غير لائق بطريقتها عرفت انه

جاني وصارت سالفة انه يومها وليش تروح لها ومن هذا الكلام

لمن رحت للمستشفى قال الدكتور هذا كيس الحمل عندك ناااازل يمكن يكون

تسقطين طبعا في خاطري شوي زعلت لكن قلت برضه قدر الله وماشاء فعل

قادر اللي خلقه يجيب غيره وزوجي الله يحفظه لي يقول لي اهم شي صحتك

والطفل معوض ...

قرر لي الدكتور تنويم حتى يتأكد من التحاليل ومن سلامتي وسلامة حملي

والله يابنات انها صارت تلاحقني للمستشفى تبي تعرف وش صار لي وللجنين

ماقول غير حسبي الله ونعم الوكيل بس عرفت من الممرضة ربي سخرها لي

سبحان الله وعرفت انها هي ...

بعد التحاليل ماطلعت قال لي الدكتور هرمون الحمل بينزل عندك مايرتفع معناه

ان الجنين بيموت ولازم تسقيط الحمد لله على كل حال ...

يوم التسقيط والله يابنات من الساعة 10 صباحا الى 11 مساء وانا اطلق

اعطوني طلق صناعي عشان ينزل الجنين شفت المووووت بعيوني الحمد لله

الله يجعلها تكفير ذنوب وقلت في خاطري يعوض صبري خير ان شاء الله

قال لي الدكتور لاتفكري بالحمل الان اقل شي 6 شهور عشان صحتك لاني

نزفت كثير ونبي نعرف سبب الاسقاط ليش الهرمون ينزل ( مايدري ان العين

علينا حق )

ومرت السنة الرابعة والخامسة والسادسة ولاصار حمل طبعا نفسيتي كانت دمار

لكن اذا اراد شيئا ان يقول له كن فيكون سبحانه ...

ولمن تجي الدورة اكرمكم الله ابكي حالتي كانت حالة لاسيما اني اموووت في

الاطفال

دخلنا السنة السابعة جاني زوجي وقال في دكتور يمدحوووه ويقولون انه جدا

ممتاز وش رايك نروح له قلت ماني رايحة لا لدكتور ولا غيره تجي من ربي

وانا راضية بقسمتي ونصيبي اذا ربي اراد لي الذرية بشوفها واذا مااراد والله

ماني زعلانة لانه في خير لي ليش ازعل

وسبحان الله ماكمل كلامي شهر وتتأخر الدورة وانتو بكرامة واساسا عارفة انها

متأخرة بس ماحبيت اعشم نفسي بالحمل مارضيت احلل كنت خايفة

ويوم حللت تحليل منزلي قلت اكيد مثل الايام اللي حللت فيها بيكون سلبي

وطلعت نتيجة التحليل خط واحد وشوي اشوف الخط الثاني يظهر بوضوح

ماني مصدقة عيوني حااااامل طالعت في التحليل بدون مبالاة ماحسيت بفرحة

قد ماكانت مفاجأة قلت اروح العصر اتأكد تحليل دم وبالفعل حاااامل

الحمد لله كما ينبغي لجلال وجهك وعظيم سلطانك

والله مافرحت قد ماتفأجأت طبعا زوجي الله يديمه يارب كااااان طاير من الفرحة

كأنه سبحان الله ماعنده اطفال لا خلا ولا عدم منه يارب

عدت الشهور الاولى النفسية كاااانت بالحيل شينة طبعا بأتوحم وكارهة كل

شي حتى ريحة الاكل وطعمه وبعض الاماكن كرهتها والعطورات يالطيف للأن

والله وانا اكتب لكم تذكرتها لاعت كبدي ههههههههه

طبعا صرت اراجع في المستشفى ويوم سمعت دقات قلبه سبحان الله فرت

الدمعة من عيونه هذي الوقت حبيته ودخل قلبي وصرت اشوف بطني شهر

عن شهر يكبر وزادت فرحتي اكثر لما بدأ يتحرك شعور والله لايوصف الله

لايحرم كل بنت الامومة وانا الان في شهري الثامن ادعوا لي حبيباتي

بتسهيل حملي وولادتي لي ولكل حامل يارب تسهل لها ياحي ياقيوم

واقول لكل وحدة مثل حالتي لاتستعجلي شيلي الفكرة من راسك وبتحملي بإذن

الله لان كثر التفكير فيه تتوتر نفسك فتصير نتيجة عكسية انا بمجرد اني

شلت الفكرة من راسي سبحان الله اراد الله لي بالحمل

الله لايحرمكم الذرية يااااااارب ولكل ام الله يحفظ اولادكم من مكروه يارب



ودمتم بود




https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة