المساعد الشخصي الرقمي

مشاهدة النسخة كاملة : يارب اللي ترد علي ترزقها من حيث لاتحتسب/ضروري



ام بهاء
09-29-2013, بتوقيت غرينيتش 08:41 PM
يارب اللي ترد علي ترزقها من حيث لاتحتسب/ضروري



السلام عليكم
مساء الكادي
اخباركم كروشات
اخواتي أنا بكريه ومحتاره
أنا الان بالشهر الثامن بعد17يوم ادخل التاسع باذن الواحد الاحد اللهم اتمها على خير
واللي محيرني أنا ساكنه بمدينه بعيده شوي عن اهلي
المهم وابولد عندهم ان شاءالله لكن مشكلتي هي انه الوالده الله يحفظها ويخليها لي قالت أنا ابروح معك للمستشفى المهم هالمستشفى مو نفس محافظة اهلي يبعد عنها150كيلو فيه عندهم مستشفى بنفس المحافظه بس عنايتهم مو كل هاذا خايسه شوي واحتمال كبير يكون دكتور رجال مو مره وأنا ماابغى والمستشفى اللي مقرره اولد فيه ان شاءالله كله نساء قسم الولاده بس قلت صعبه ميمتي تروح معي بحكم ان لي اخت صغيره مره سنه وعشرشهور وترضع من صدر أمي وماتستغني عنها قالت ميمتي عاد اخليها عند اختي اختي هذي ثالث متوسط بس أحس صعبه حرام بتشيل همها وراح تزعجها وباليل كيف تنام من غير ميمتي واختي بعد عندها خواتي الثانيات يعني مسؤولية عندها ثلاث ثانيات اعمارهم 10و8و5من غير جدتي لأنها عايشه معنا مسؤوليه وفكرت وابغى رايكم اني اولد بالمدينه اللي ساكنه فيها حاليا وطبعا مستشفاها جديد وشغلهم حلو وبماان زوجي يعمل ممرض بنفس المستشفى قلت اكيد راح يهتمون فيني وش رايكم لاني حدي محتاره وخايفه وأنا عمري 20وزوجي يوم قلت له قال يكون خير ماهي مشكله بس يقول أحس صعبه لطلعتي نمشي لااهلك البيبي يمكن مايتحمل الطريق وحتى أنتي يمكن تتعبين من الطريق طبعا زوجي خواف ماالومه طبعا مسافة الطريق تبعد عن اهلي 350كيلو يعني نمشي3ساعات ونصف ان شاءالله هاه وش رايكم حبايبي وابسال من فيكم من سكان الدوادمي وولدت بمستشفاه الجديد والله اللي تساعدني ادعيله من قلب



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة

استعمل مربع البحث في الاسفل لمزيد من المواضيع


سريع للبحث عن مواضيع في المنتدى