منيره بنت خاله جدتي تقول ان شعري خفيف هو صدز يابو فلان ؟ ,

[ام بهاء]

منيره بنت خاله جدتي تقول ان شعري خفيف هو صدز يابو فلان ؟ ,

السلام عليـــكم




ودي اتكلم معاكم عن كم حاجه الكثير للاسف فاهمها غلط




وهي



تملك الزوج وتملك الزوجه..




الوحده اول ماتتزوج تنسى الكـل (أهلها ,أخواتها, صاحباتها ,قريباتها) والعذر خلاص انا متزوجه




هذا غلط كبيـر ماراح تحس فيه الوحده الا بعد كم سنه زواج



راح تصحى وماتحصل احد حولها وراح يكون كل اهتمامها على هالزوج المسكيـن



ايه مسكين لاتستغربين انتي وياها



الزوج يبي حريــة ..




المشكله في بعض الحـريم



اذا لاحظت ان زوجها يبعد عنها قالت اكيـد وراه بلا




ياحرمه ياحلوه انتي وياها الرجال تركيبته غير يحب اللي تتغلى عليه



يابنت الناس خليه يشتاق لك خليه يدور عليك خلي يحس بالغموض اللي انتي فيه خليه يحاول يكتشف اللي داخلك




بالعربـي عيشي حياتك وخليه يعيش حياته مع مراعات انكم متزوجين ولكم حقوق وعليكم واجبات



لا تتنازلين عن أي حق من حقوقك زوجك قادر عليه




حسسي زوجك برجولته في هالشي..



حسسيه انه المسؤال الاول والاخير عن البيت حتى لو كنتي موظفه ..




وكمـان لا تهملين أي واجب من واجباتك وقبل تقصدين فيه ارضاء الزواج احتسبـي في الاجر من رب العباد وذلك لتنالي الاجر الكامل ان شاءالله



ولانو راح تحسي بلذه اللي تسوينه حتى لو مالقيتي مقابل من الزوج (اقصد بالمقابل هنا : المقابل العاطفي والكلام الحلو)..




في اشياء كثيره تخطى الزوجه فيها بدايه زواجهم ويصعب تعديلها ولكن لااا يستحيل



ومن هالاشياء :



الكلام عن الاهل ( تصدق يافلان اليوم حسيت امي متضايقه منا ليتك جاي بدري ,
يووه يافلان فاتك اليوم اخوي صفقه ابوي ,
مسكينه اختي من يوم نجي لين نروح وهي تكرف متى تعرس وترتاح ,
هما مرت اخوي ماتحب اهلي تقول انهم بثرين وبرزانهم واصخين





وكمان من هالاشياء تذكرين له العيوب اللي فيك لو بطريقه غير مباشره مثل
( ياااربيه منك يافلان ودني اصلح سنوني محومتن سبدي , مااش جسمي خرب ماعاد القى شي في السوق يناسبني.,

خذ هالورقه يابعدي جب هالمقاضي من الصيدليه والعطار بحطهم على كرشتي كود هالتشققات تروح ,
ياحظكم يالرجال ماتجيكم الدوره وه مير انا دوتي غثيثه ومتقطعه وتطول ووو..الخ)





ومن هالاشياء كمان عدم الثقه بالنفس في كثـير حريم يستحون يقولون كلام حلو لرجالهم في بدايه الزواج وللاسف يستمر معهم الى ان يشاءالله



مثال (استحي اقوله حبيبي اخاف يقول وش بلاها اول مره تقولها ,
اخاف اقوله روحي تطلع الكلمه غلط ,
اخاف اقوله احبك همن يفشلني ,
ودي ارقص له بس اخاف يضحك علي ,
ودي ابادر واطلب منه (......) بس اخاف يقول وش هاللي ماتستحي )





وكمان من الاخطاء اظهار الضعف والحاجه له وان مالك في هالدنيا غيره وهذا اكبر غلط



الرجال يحب المراءه القويه يحب المراءه اللي عارفه وش تبـي يحب المراءه اللي لها علاقات..




الرجل عقله الباطني يخزن كل التفاصيل



ممكن تقولين كلمه بكل برائه وانا اعتبرها بكل دلاخها تنحسب ضدك



لما تجي بينكم مشكله راح يسترجع عقله الباطني التصور والتخيل اللي حاطه لك ولاهلك ولشكلك ولعلاقاتك ووو..الخ




فانتي ياحلوه استغلي هالنقطه لصالحك لانها جدا مهمه وتساعدك بشكل ماتتصورينه وهي اللي تكون شخصيتك عند زوجك




اذكري الاشياء الحلوة فقط عند زوجك لاتذكرين له ولا عيب من عيوبك غيري نظرتك اللي معتبره الزوج مثل الصديقه



بيني له بطرق غير مباشره انك مميزه ان الكل يحبك ان جلستك ماتنمل ان فلانه تمدحك ومعجبه فيك ان امك ماودها تروح لاحد الا وانتي معها ان الكل يحسد اولادك وزوجك على اهتمامك فيهم ان فيه حريم نكديات مع ازواجهم ان مو كل الحريم مهتمين في نظافتهم ونظافه بيوتهم خليه يحس انك غيـــر خليه يقول من داخله حتى لو ماصرح فيها الحمدلله ان فلانه صارت من نصيبـي


ودايم حطي في بالك انو اذا انتي ماقدرتي نفسك وحبيتيها بكل عيوبها ماراح احد يقدرها ويحبها






كمــان ابعدوا عن المقارنات وارضو بنصيبكم وحاولو تعدلونه ان تعدل زين ماتعدل الشكوى لله تعايشي معه بس اهم شي تاخذين حقوقك كامله ولا تهتز كرامتك





كوني واعيه لكل شي تسوينه وحاسبه حساب لكل حاجه



لاتعطين ثقتك كلها لزوجك عشان ماتنصدمين لو حصل شي





تعاملي مع زوجك بذكاء واشتغلي على الحاجه اللي يحبها وابدعي فيها بس لاتقولين له انا ابدع في هالشغله عشانك مثلا اذا يحب الطبخ اتقني الطبخ وتفنني فيه بس لاتبينين له انك ماتحبين الطبخ وماتطبخين الا عشانه ووو



لا بيني له ان نفسك حلو في الاكل وان الكل يعجبه طبخك ويتكلم عنه وووو (طبعا كل هذا بطرق غير مباشره)




تـــمت




اتمنى لكم الفائده مع خالص حبي
ودوكم مطخاتي



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة