انتبهوا من اللى يتسمون صديقات او حبايب

[ام بهاء]

انتبهوا من اللى يتسمون صديقات او حبايب

انتبهوا من الي يتسمون صديقات او حبايب
والله يااافراشاات لو مو حبي لكم مانصحتكم
ادخل بالقصه على طول
(((هذي القصه حدث لثنتين اعرفهم عز المعرفه
وحده للاسف تقربلي وارمز لها ب(عهد)والثانيه صديقتي من ايام الثانوي ارمز لها(عاليه)وكلهم بنات قبايل
عاليه الله يهديها من ايام الثانوي كانت تكلم شبااااب ياما نصحتها تقولي والله بس تسليه وتضييع وقت مو اكثر
وماعمري خرجت مع واحد من اللي اكلمهم وطفش بالذات بالاجازه عشان كذا اتسلى كنت اقولها
لو انتي تكلمين متزوج تدعي عليك حرمته اللي اخذتي زوجها منها وتصيبك دعوتها كانت ماتلقي لي بال
المهم دخلنا الجامعه جامعة ام القرى هذي عهد اعجبت بعاليه وصاروا حبايب الله المستعان صاروا طول ماحنا بالجامعه
جالسين مع بعض لين الانصراف على هذا الحال يوميا بعد سنه انخبطت عاليه وتم الزواج بعدين رجعنا الجامعه بعد
الاجازه كان زوج عاليه بين محاضره والثانيه يتصل يتطمن عليها بدت تغار عهد تقلها ماتكلمينه وعهد عجبها زوج
عاليه تقول حليوا ورومانسي ومن ذا الكلام
حملت عاليه ماشاء الله صارت عهد ماتجلس كثير قاعده عالجوال شكت فيها عاليه
عهد ماصارت تعطي عاليه جوالها زي داايم
صدفه عاليه فكت جوال زوجها لقت رقم عهد اتصالات ورسايل
للاسف اكتشفت هذا بعد خيانه من زوجها وحبيبتها لمده 3شهور وهيا ماكانت تدري تقول شفت معاملة زوجي تغيرت
بعدها بدت تفتش جواله تحاول تاخذ جوال عهد كانت تصرفها وماتخليها تاخذه لو ايش يصير
صدفه شافت رقم زوجها عند عهد اتاكدت زياده سبحان الله بعد ماكان يتصل على زوجته سار يتصل على الغداااره
عهد بعدين زوج عاليه قلها ماتشرفيني تكونين زوجتي ياللي ماخليتي احد بمكه ماكلمتيه وخرجتي معاه
هنا عرفت ان عهد هيا اللي علمته على ماضيها قالت والله ماسيبها في الجامعه قلها والله مانتي رايحه بعد اليوم جامعه
انسي ان عندك جامعه وانتي زيك زي الجدار فالبيت الحمدلله اني عرفت حقيقتك صاحت بكيت قالت والله ماعمري
خرجت مع احد قلها مطلقك مطلقك بس ردي لي مهري40 الف واطلقك سار يضربها مارحم اللي فبطنها والله
ان حالها مايسر لاصديق ولا عدو راحت بيت اهلها دفعله ابوها المهر وطلقها بعد كم شهر ولدت جابت ولد بس يرسل له
المصروف ولاعاد لها وجه تقابل ابوها اللي كان معروف عند قبيلته ونزلت راسه بالارض
حسبي الله على هدامات البيوت
صارت الان تروح الجامعه لما تقابلت مع عهد تضاربو مافكهم الا حارسات الامن
الزبده من هذا كله
1-صدق قول الله تعالى ((الاخلاء يومئذ بعضهم لبعض عدو الا المتقين))
2-لاتثقين باي احد حتى لو اختك
3-لو ماعندك رصيد لاتدقين من جوال زوجك على صديقاتك او حتى جاراتك
4-لاتعطين ماضيك واسرارك لأي احد
5-لاتكلمين رجال تصيبك دعوة زوجته المظلومه اللي مايفكر يكلمها وطول الوقت يكلمك انتي
اتقي دعوة المظلوم مابينها وبين الله حجااااااااااب
والله يحفظ لنا رجالنا من الفتن
والله هذي قصه حقيقيه ذكرتها لكم لاثنتين اعرفهم



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة