نصايح ذهبية للمتزوجات

[ام بهاء]

نصايح ذهبية للمتزوجات

نصايح ذهبية للمتزوجات

--------------------------------------------------------------------------------

مرحبا خواتي ..رجعنالكم بنصايح ذهبية للمتزوجات:


1. العروس تكون باحلى حلتها اول شهور الزواج وعقب الزوج يغريلها ويقولها .."حبيبتي انتي حلوة بدون مكياج!!" والعروس تصدق وتشيل المكياج..وعقب يقولها "حبيبتي عادي لا تترصصين في البيت..خذي راحتج!!" روحي لبيسي جلابيات هريس!!! لا تصدقين كلامه ..تراهم يجاملون وعقب بلبسونج!!! تلبسي وتدلعي حتى ولو ربيتي ومتنتي...صدقيني المهم النيه الطيبة وانج مهتمه فيه..وتتلبسيله وتعدليله!!!
2. قبل النوم ولو تعبانه لا تتعطرين بس حطي كريم معطر للجسم..وشوفي الحنان ايلي بتحصلينه نص الليل!!!
3. لا تقولين لزوجج عن عيوبج لانه الزوج ابدا ابدا مابيلاحظ بس لو قلتيله بعيوبج بيلاحظ وبيقولج كل يوم بعيوبج..

انا مثلا صاحبتي خبرت زوجها عن شعره تطلعلها على حبه الخال وقبل ماكان يلاحظها ابدا والحين يقولها اقعه ماطول الشعره شليها!!! فلاتخبرينه مووووووووووووول!!



نصائح بعض السيدات.....




عوديه انه هو اللي يصرف عليج و عالبيت حتى لو انتي عندج خير وقادره تصرفين على عمرج

- و ترا الثقل زين, مش دوم انتي اللي تعطين و هو بس ياخذ (أقصد في المعامله - الحركات - الاهتمام )

- مهما كان عمرج بينيله انج صغيره ومرغوبه و عارفه بكل السوالف اللي تصير هالأيام

- لا تضحين بدراستج و شهادتج عشان ريال, ترا بيي يوم و بيعايرج صدقيني *.^




دايما غيروا يا بنات ومش لازم تحطون مكياج في البيت مرات حطو شوي ومرات حطو شي خفيف جدا.؟.

بس أهم شي التغييير التغييير التغييير



ريلج حتى لو قالج سالفة سخيفة ما تستاهل اهتمام راويه انج مهتمة وناقشيه فيها بيستاااااانس وبتكسبين صداقته...

مثلا ريلي كله يرمسني عن الدوام وسوالف مووووول مايخصني فيها بالعكس اسولف وياه واتفاعل وياه وعقبها بكم يوم اسأله شو استوا في الشي الفلاني يستااانس ويحس بالاهتمام

يعني حتى لو السالفة مالها معنى انتي عطيها اهمية




اهم شي لاتخلينه هو الآمر الناهي مثلا لاتخلينه يقولج شي او يقولج لاتسوين الشي الفلاني الا اذا عرفتي ليش وخليه يقولج شو وجهة نظره وانتي عطيه وجهة نظرج عشان يتعود على النقاش،،
بس لو قالج لاتسوين وانتي بس عليج تقولين ان شاءالله ان شاءالله صدقيني بيتعود على هالشي ومابيشاورج على شي نهائيا،،،







ودوم امي تنصحني وتقولي الريااااااااااااااااال تقدرين تكسبينه بالطاعه والكلمه الحلوه لان اول فتره من الزواج يحب خخخخخخ يفرد عضلاته ويتأمر عدل خخخخخخخ وتقولي انتي تقدرين تكسبينه بالكلمه الحلوه هذي وصية امي لاني ع ويه عرس ومن الحين توصيني خخخخ





ومن الاشياء المهمة ..قوليله ((((نعيما)))) عقب ما يتحلق!!! عشان يعرف انج لاحظتي الحلاقه!!!



وحاولوا تلعبون معاه .. ضروري يا بنات الريال طفل عوووود خله يلعب معاج ضرابة خفيفة عض تكفيخ خفيف قرصات دلع وخليكم مرحين مع بعض

ولا تنسن دوم إلبسي الكعب والقصير ولفي شعرج فوق وانتي في المطبخ تطبخين وشوفي شو بيستوي به اول ما يشوفج

ومثل ما قاولوا الخوات الطاعة والاستماع له أشياء مهمة وأضيف عليها مشاركته في هواياته اللي يحبها تراهم يستانسون وشوية شوية تقل طلعاته مع ربعه ويتم لج بروحج




بالتفاهم وبالكلمه الطيبه،بتكسبينه وبيكسبج،وبيصير كل ما هو حلو ومرضي للطرفين باذن الله



ييلا خبروني بنصايح ثانيه انتو بعد؟؟؟؟؟؟؟

منقول
البرنسيسة ~~مها



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة