ام بهاء
09-30-2013, بتوقيت غرينيتش 12:28 AM
الغيرة والشك حتدمرني ارجو الرد
كبفكم خواتي
انا متزوجة من اربع اشهر بعد علاقة بحدود الادب والاخلاق دامت اربع سنين وخطبة وكاطعين مهر مدة 8 اشهر كانت كلهة حب بحب وكنت احس انو اني اهم انسانة بحياتة على الرغم من انو زوجي كانت عندة علاقات كثيرة واول متعرفنة قال كلمة انتي الانسانة اللي ارتبط بيهة كزوجة واذا مسمحتلة الضروف لازم كلشي ينتهي بينة وعلى فكرة سافر يشتغل بالامارات وانا كنت بالعراق قبل الخطوبة وحتى فترة الخطوبة كان يجي يزورنة فترات لما يحس مشتاقلي كثير بعد ما عقدنة القران وكان مسافر عادي اتصالنة يكون تلفون او انترنيت بس مرة اعترفلي بشي هزني بشدة اعترفلي انو جان يعرف وعندة علاقة ابنات 2 وعلاقتة جانت قديمة بيهم اثناء علاقتنة ومن سافر الامارات راجعة العلاقة بينهم وجان يلتقي بيهمويقدمولة مغريات وبصراحة يكلي ردت مرات اضعف بس مشفت بيهم الزوجة بس من صرت مرتة قانونا اقصد بعد عقد قرانة يقول انو هو حاول يكطع كل علاقاتة بالتدريج وانو هو ميكدر يقطعهة مباشرةاني انصدمت من كلامة لان مكنت اشك بلحظة انو ممكن عندة اتصال باي بنت اثناء علاقتنة او خطوبتنة حسيت بضيق بيومهة رغم حبي الة اللي يفوق الخيال حسيت تفكيري بلحظة بدة يشك بكل كلمة واللي اذاني انو هو صارحني بهالشي بعد ماعقدنة القارن يعني كدام الناس احنة متزوجين حسيت انو هو خلاني كدام الامر الواقع المهم اتصل بية وبدة يبكي بالتلفون وحسيتة منهار وحسيت بالندم وقالي انو هالشي متعبني انو محاجي الج لانو ميريد يخسرني وانو اني الشي الحلو بحياتة واللي عايش علمودة لانو يتيم الاب وامة مشغولة على طول وجدته هي اللي مربيتة واتوفت في اثناء دراستة الجامعية واثرت وفاتهة بي جدا وكان يحس انو اني القلب الحنون اللي رجعلة بعد مافقدة من بعد وفاة بيبيتة وقالي انو اني الشي النظيف بحياتة فكرت بلحظة كتلة خلص حبيبي اعتبرة شي راح وانتهى بس المهم انو ميرجع واحنة سة يلة بدت حياتنة اللي كنة نحلم بيهة مستحيل اجي اهدمهة بسبب شي راح وماضي انتهى وانت تحسة موصحيح واتزوجنة الحمد لله مااطولهة عليكم اثناء فترة شهر العسل بالصدفة دااقلب باللابتوب واشوف صور تخص زوجي وية بنات وصور بنات جان يعرفهم واضن اللي جان علاقة وياهم اتخبلت انجنيت بس مكدرت اعترفلة انو اني بحثت بفايلاتة وشفتهة لان كان يمنعني اتصفح بيهة ويمنعني انو امسك موبايلة اني جت اتوقع انو ميحب هالامور ويحب المرة الواثقة بي بس بسبب اللي صار قبل الزواج هو اللي خلاني افكر انو ادور هالامور وصار اربع شهور على هالشي ودااموت كل يوم مية مرة بسبب هالشي سالتة مرة اذا كان اي شي قديم بعدة موجود وانو يتصلون بيك كلي لا ولاتخافين كتلة اني مااخاف منك بس اخاف عليك
واتمنة انو تكلي اذا صار شي
قالي ليش مو شي مهم حتى اقولة المهم هسة انتي مرتي واختاريتج من بين كل البنات والحمد لله بس انا كنت احس انو هو مو على طول وياية يسرح مرات وباوقات احسة كلة الي يكقلي انتي حساسة كثير وعاطفية كثيرمرات احس حبة الية مو مثل قبل الزواج كان يحبني اكثر واحس باهتمامة اكثر هسة حتى مايقلي اليوم حلوة حلو لابسة مع العلم اني ممقصرة ويا باي شي من ناحية مظهري ونظافتي والاكل وحتى المعاشرة الزوجية انا اللي بسال عنة شاتصرف حايرة اواجهة بكلشي واسالة اذا كلشي انتهة بالنسبة الك بعلاقاتك ليش الصور لحد الان محتفظ بيهة افيدوني بالله عليكم واسفة على الاطالة
https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة
كبفكم خواتي
انا متزوجة من اربع اشهر بعد علاقة بحدود الادب والاخلاق دامت اربع سنين وخطبة وكاطعين مهر مدة 8 اشهر كانت كلهة حب بحب وكنت احس انو اني اهم انسانة بحياتة على الرغم من انو زوجي كانت عندة علاقات كثيرة واول متعرفنة قال كلمة انتي الانسانة اللي ارتبط بيهة كزوجة واذا مسمحتلة الضروف لازم كلشي ينتهي بينة وعلى فكرة سافر يشتغل بالامارات وانا كنت بالعراق قبل الخطوبة وحتى فترة الخطوبة كان يجي يزورنة فترات لما يحس مشتاقلي كثير بعد ما عقدنة القران وكان مسافر عادي اتصالنة يكون تلفون او انترنيت بس مرة اعترفلي بشي هزني بشدة اعترفلي انو جان يعرف وعندة علاقة ابنات 2 وعلاقتة جانت قديمة بيهم اثناء علاقتنة ومن سافر الامارات راجعة العلاقة بينهم وجان يلتقي بيهمويقدمولة مغريات وبصراحة يكلي ردت مرات اضعف بس مشفت بيهم الزوجة بس من صرت مرتة قانونا اقصد بعد عقد قرانة يقول انو هو حاول يكطع كل علاقاتة بالتدريج وانو هو ميكدر يقطعهة مباشرةاني انصدمت من كلامة لان مكنت اشك بلحظة انو ممكن عندة اتصال باي بنت اثناء علاقتنة او خطوبتنة حسيت بضيق بيومهة رغم حبي الة اللي يفوق الخيال حسيت تفكيري بلحظة بدة يشك بكل كلمة واللي اذاني انو هو صارحني بهالشي بعد ماعقدنة القارن يعني كدام الناس احنة متزوجين حسيت انو هو خلاني كدام الامر الواقع المهم اتصل بية وبدة يبكي بالتلفون وحسيتة منهار وحسيت بالندم وقالي انو هالشي متعبني انو محاجي الج لانو ميريد يخسرني وانو اني الشي الحلو بحياتة واللي عايش علمودة لانو يتيم الاب وامة مشغولة على طول وجدته هي اللي مربيتة واتوفت في اثناء دراستة الجامعية واثرت وفاتهة بي جدا وكان يحس انو اني القلب الحنون اللي رجعلة بعد مافقدة من بعد وفاة بيبيتة وقالي انو اني الشي النظيف بحياتة فكرت بلحظة كتلة خلص حبيبي اعتبرة شي راح وانتهى بس المهم انو ميرجع واحنة سة يلة بدت حياتنة اللي كنة نحلم بيهة مستحيل اجي اهدمهة بسبب شي راح وماضي انتهى وانت تحسة موصحيح واتزوجنة الحمد لله مااطولهة عليكم اثناء فترة شهر العسل بالصدفة دااقلب باللابتوب واشوف صور تخص زوجي وية بنات وصور بنات جان يعرفهم واضن اللي جان علاقة وياهم اتخبلت انجنيت بس مكدرت اعترفلة انو اني بحثت بفايلاتة وشفتهة لان كان يمنعني اتصفح بيهة ويمنعني انو امسك موبايلة اني جت اتوقع انو ميحب هالامور ويحب المرة الواثقة بي بس بسبب اللي صار قبل الزواج هو اللي خلاني افكر انو ادور هالامور وصار اربع شهور على هالشي ودااموت كل يوم مية مرة بسبب هالشي سالتة مرة اذا كان اي شي قديم بعدة موجود وانو يتصلون بيك كلي لا ولاتخافين كتلة اني مااخاف منك بس اخاف عليك
واتمنة انو تكلي اذا صار شي
قالي ليش مو شي مهم حتى اقولة المهم هسة انتي مرتي واختاريتج من بين كل البنات والحمد لله بس انا كنت احس انو هو مو على طول وياية يسرح مرات وباوقات احسة كلة الي يكقلي انتي حساسة كثير وعاطفية كثيرمرات احس حبة الية مو مثل قبل الزواج كان يحبني اكثر واحس باهتمامة اكثر هسة حتى مايقلي اليوم حلوة حلو لابسة مع العلم اني ممقصرة ويا باي شي من ناحية مظهري ونظافتي والاكل وحتى المعاشرة الزوجية انا اللي بسال عنة شاتصرف حايرة اواجهة بكلشي واسالة اذا كلشي انتهة بالنسبة الك بعلاقاتك ليش الصور لحد الان محتفظ بيهة افيدوني بالله عليكم واسفة على الاطالة
https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة
