الدورة الشهرية طبيعية او ملخبطة ؟؟ تعالوا نكتشف

[ام بهاء]

الدورة الشهرية طبيعية او ملخبطة ؟؟ تعالوا نكتشف



بسم الله الرحمن الرحيم

http://www.dzbatna.com/vb/images/smilies/rose.gif http://www.dzbatna.com/vb/images/smilies/rose.gif http://www.dzbatna.com/vb/images/smilies/rose.gif http://www.dzbatna.com/vb/images/smilies/rose.gif


نتوكل على الله

وندخل في صلب الموضوع


خلينا نسوي هالموضوع خاااااص للدورة الشهرية

يعني كل وحدة تجي وتقول لنا كيف هي دورتها الشهرية

هل تشعر انها طبيعية ؟؟

هل منتظمة؟؟

غزيرة او قليلة ام وسط؟؟

الالم متى ياتيك ِ قبل ام بعد او حين الدورة؟؟

ماهي الاشياء الغريبة التي حدثت لك ِ خلالها ولم تحدث في الاشهر السابقة ؟؟

ومدتها ؟؟

بعد كم يوم تزورج الحلوة؟؟

وما هو شعورك ِ حينها ؟؟ سواء بنية الحمل او لا

وهكذا دعونا نتكلم عنها ونفيد اخواتنا من تشعر ان دورتها طبيعية فتكتشف مثلا ً انها غير طبيعية والعكس ايضا ً صحيح وخصوصا ً احنا النساء واااااايد نشك في انفسنا


يلا انا ببدي بنفسي ..

http://www.dzbatna.com/vb/images/smilies/get-2-2008-yds6b3uo.gif

انا دورتي الشهرية كانت كل 28 يوم ولما تزوجت صارت ملخبطة وانتظمت هالــ 3 اشهر على 34 يوم ورجعت هالشهر تلخبطت وزارتي بعد 29 يوم والحمدلله على كل حال

الالم مبرح جدا ً جدا ً جدا ً مع انها كانت عادية قبل الزواج وبعد الزواج اصبحت مبرحة بشدة وبالام قوية جدا ً ولكن هذا الشهر ولله الحمد ما حسيت لها حتى انها نزلت غير اني شفت الدم .. بعيد الشر عنكم

تبقى لمدة 7 ايام ما عدا رمضان تصبح من 8-9 ايام مدري ليش يمكن عناد عشان نصوم اكثر ههههه

انا دورتي ما احسها طبيعية بعد الزواج مع اني ما عمري شكيت في نفسي الحين صرت اشك في كل شي حتى حبة الخال اللي بوجهي صرت اشك انها تغير مكانها <<< وسواس بعيد الشر عنكم (ولله الحمد)

الم الصدر حدث ولا حرج ممنوع اللمس قبل الدورة ب 4-5 ايام وخلال الدورة لمدة 3 ايام ع الاقل فيبدأ يخف الالم

انا اول يوم دورة ( اكرمكم الله ) يجيني اسهال خفيف ولكن هذي الدورة صايدني كل يوم الفجر اقعد على الم في بطني واحس بلوعة وارجع ( بعيد الشر عنكم ) مدري احسه شي مب طبيعي والا طبيعي المهم انا طنشته صار زوجي يتضحك عليّ من اقول له شي يرد عليّ ويقول (يمكن مب طبيعي ) مثل ما انا كل مرة اقول ويتضحك << زمن صرنا فيه مصخرة للرجال

دورتي اعتبرها وسط بس الشهر اللي اتوقع نفسي فيه حامل احس ينزل عليّ بغزرة في الايام الاولى ويبدأ يخف في اليوم ال4 او ال5 .. ولكن في الايام العادية ينزل بني لمدة يوم ونصف وبعدين يبدأ الدم ينزل (اكرمكم الله)

وشعوري ولله الحمد احيانا ً اكتم عشان ما يحسون اللي حواليني اني متضايقة واحيانا ً اكون عادي بس من اشوف ياهل جدامي ارجع البيت واصيح ويسكتني زوجي واحيانا ً من احس بالمها تبدأ دموعي تنزل.. والله صاروا الدموع اوتوماتيك تنزل حتى لو ما اصيح مجرد انها تنزل ههههههههه خبرج صناعة يابانية يمكن انا ههههههه
بس هالشهر ما صحت بس عبرت عن اللي فيني وقلت لزوجي اني توقعت افرحك في هاليوم لان هالشهر كانت فيه خطوبتي << انا احتفل بيوم خطوبتي ويوم زواجي ويوم تعارفي على زوجي ويوم اهداني اول هدية هههههههههههه يعني ايامي كلها احتفالات و افلاسات .. عسى الفرح ما يفارقكم ان شاء الله خواتي..

هذا موضوعي واتمنى الاقي منكم الردود الحلوة

والنصايح المفيدة

والكلام الجميل

كلنا خوات ونستفيد من بعض

وما وجد المنتدى الا للتسلية والترفيه والافادة والاستفادة والتثقيف


<<<< وايد اهذر ادري (( السموحة ع الاطالة ))

احب اختمها بالدعاء لكل خواتي بالذرية الصالحة والحمل في العاجل القريب



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة