ساعدوني في حل مشكلة حماتي

[ام بهاء]

ساعدوني في حل مشكلة حماتي

مرحباااااااااااااااااااااا

شخباركم؟
" اول شي بقول لكم نبذه عن بيت زوجي
ماشاء الله عليهم تربيتهم لايعلى عليها جدا وامهم الله يحفظها
علمتهم العيب و لحيا بشكل ماتتوقعونه ابدا انا بعد ما احتكيت فيهم بعد زواجي استغربت ان في ناس بعدهم بها الدرجه من الحياء من اولاد و بنات"

حماتي متزوجه من سبع سنوات وهي من النوع الخجوول جدا جدا جدا
لدرجة انها ماتعرف شنو يعني زواج تفاجئت با الواقع بعد زواجها " لاتها مادرست الا لحد الابتدائيه" وصار زوجها يعلمها شنو مفهوم الزواج و غيره

ومن يوم زواجها لحد ها اليوم مامره شغلت له شمعه او لبست فستان شفاف يبين مفاتنها دائما تردد استحي او اخجل

انا بعد زواجي لاحظت انها تخجل و ماتسوي شي لزوجها تحت مسمى الحيا خصوصا ان زوجها مدرس يعني منفتح حق ها الامور

كلمتها وفهتمها يافلانه زوجك مدرس و يجلس مع مدرسين ويتناقشون في امور كثيره ومنها ها الامور غير الانترنت الي من خلاله يعرفون كل شي فلازم تهتمي بزوجك و توفري له كل شي في البيت حتى لايلاحظ الفرق ويفقد ها الاشياء في بيتك

كان الرد:
انا ودي اسوي ها الاشياء بس ما اعرف و استحي
شنو تستحين انتي لك الان 7 سنوات المفروض تعاودتي عليه

كان الرد:
اهلي هم الي حطوني في ها الموقف زوجوني من غير مايعلموني شنو يعني ليلة الدخله و انصدمت با الواقع و زوجي ما صدق اني ما اعرف شي عن ها الامور وحلفت با الله اني ما اعرف و بدأ يعلمني ومن اذكر ها الموقف احس اني ولاشي با النسبه لزوجي " مع ان حماتي متزوجه في سن 18 او 20 تقريبا" بس بيتهم كان عندهم عيب الوحده تتطلع وتعرف ها الامور وهي بنت

رديت عليها و انا منصدمه:
كيف؟ وعلمتني با الي قلته لكم في الاعلى
قلت لها انتي عندك عزيمه و اراده تتغيري صح؟

كان الرد: نعم

قلت لها : خلنا نبدأ شوي شوي
اولا المسجات حاولي ترسلين لها مسجات كل يومين ثلاثه
وبدأي تقولين له حبيبي حتى لو في الاسبوعين مره بعدها راح تتعاودي

ردت علي:
عيد زواجنا الاسبوع القادم

قلت: له حلووو
بما ان بقى اسبوع على عيد زواجك ابدأي ارسلي له كل يوم مسج الى ان يجي يوم الذكرى فكتبت لها مسجات في ورقه
وطبعت لها شهادة تقدير بأفضل زوج في العالم
وعطيتها شمموع و ناموسيه وفواحه بعطرها و ورد مجفف و اكسسوارت
شمع و قلت لها تشتري كعك للحفل و طبعت لها عبارت حب وشووق حتى تعلقها في الشقه وشريت لها لانجري شفاف

جاء اليوم الموعود
وزينت البيت و تفاجىء زوجها شنو المناسبه؟
كان الرد ذكرى زواجنا " لان حماتي مامره احتفلت بها اليوم"

بعدها جت حماتي وقالت مركل شي عادي
بس سألني شنو المناسبه
قلت لها السؤال معناه انه لاحظ
انك متغيره و في اشياء بدأت تتغير في ها البيت
للأسف حماتي نسيت شهادة التقدير بيت اهلها


الي ابغاكم تساعدوني فيه
شنو الخطوه الثانيه الي المفروض نقدم عليها الان؟

بلييييييييييييييييز لاتطنشوني
ما ابغى بيت حماتي ينهدم



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة