تجربتي الحقيقيه للحصول على شعر مثل (( شعر زينب العسكري )) تفضلوااااااااا

[ام بهاء]

تجربتي الحقيقيه للحصول على شعر مثل (( شعر زينب العسكري )) تفضلوااااااااا



بسم الله الرحمن الرحيم




":":": ":":":"

http://www.m5zn.com/uploads/f96eebd6e7.gif (http://www.dzbatna.com/)

تجربتي الحقيقيه للحصول على شعر مثل (( شعر زينب العسكري ))











تفضلوااااااااا



- خواتي اشهد ربي العظيم- جل جلاله - ان كل كلمه كتبتها هي من واقع تجربتي.. انا كنت اول اروح الاعراس ويفكرون شعري وصله او باروكه وفي العرس يسحبون شعري علشان يتاكدون انه صدق من طوله وغلظه كان طويل وغليظ (قولوا ماشاء الله) لدرجه انهم كانو يسالوني من وين شاريه الباروكه...وانا بكل غباء اقول لهم لا هذا شعري .. لكن حاليا قصيته مع الاسف لانه كان يجيني صداع من طوله.. ولاني ذبحته بالصبغات والهاي لايت ( والله يازينه ايام الحنه.. والحين شيب وخفيف مع الاسف من الصبغات والهم طبعا ) المهم ...ليش المقدمه هذي .. لانه في قصه ورا طول شعري..وهي اني قصيته من دون علم امي ..وخفت تذبحني .. فقعدت شهرين ونص ذابحته عنايه وكل همي يطول قبل لاتكتشف امي اني قصيته وفعلا طول وكانت النتيجه فتاااااااااااااكه بشهرين تقريبا .. الكل لاحظ انه طووووول وصار ناااااعم ويلمع وصار كثيف فعلا.. يالله شدوا الهمه شهر وتبان النتايج الاوليه الحلوة .

واليكم جدول العنايه.....




- خلطــــــــــــه الحنــــــــــــــه:

- مكونه من حنه + صفار بيض + زيت سمسم + زيت مازولا + زيت خروع + شوي ليمون وماي ورد لزفر البيض + روب + عسل + ماي دافي
تعجن المقادير وتوضع دافيه على الشعر ويلف بنايلون ويترك من 2 الى 3 ساعات ويغسل بالشامبو والبلسم وينشف ونحط عليه زيت لوز ونتركه بالزيت ومانغسله واذا مستعجله خليه كم ساعه واغسليه ( هذي الخلطه للتطويل والتنعيم و تلميس والتكثيف ).


- خلطــــــــــة الزيـــــــــوت:

- خلطه مكونه من : زيت زيتون + زيت مازولا او عافيه + زيت لوز+ زيت خروع كثري منه + زيت سمسم + اي نوع زيوت عندك حطيه ..مسج شعرك ( لاااااااازم مساج ) مسجيه لو كم دقيقه وانتي قدام التلفزيون اوخلي حد يمسجه ولفيه بنايلون وخليه ساعتين .. واغسلي بشامبو وبلسم ... وحطي زيت او كريم شعر وخليه يوم راحه..ممكن بدون غسل الكريم والزيت لحد الخلطه الجايه..او اغسليه ان ماقدرتي تخلينه..( هذي الخلطه من اجل تطويله وتنعيم و تلميسه )


- خلطـــــــــــه الروب :

- روب + زيت اي نوع + عسل + صفار بيضه( ممكن الاستغناء عنها) حطيه ولفيه بنايلون ساعه واغسلي يالشامبو وحطي كريم او زيت.. ويوم راحه..بدون اي خلطه ماعدا من الزيت او الكريم بدون غسل اوممكن غسله لموعد الخلطه الجايه..( هذي الخلطه من اجل تغذيه الشعر وترطيبه والنعومه واللمعان )


- خلطــــــــــــــة السدر:

- كوب ماي دافي + 2 ملعقه سدر من نوع جيد ( انا استخدم اليمني) خليه نصف ساعه بالكوب يخمر وحطيه ساعتين على شعرك ..واغسليه بشامبو بعدين حطي كريم اوزيت.. ويوم راحه..ماعدا من الزيت او الكريم بدون غسل او ممكن نغسله لموعد الخلطه الجايه..( هذي من اجل وقف التساقط وحث الشعر على النمو )



- بنات لاتجهدون شعركم بالخلطات يعني كل يومين خلطه ويوم راحه للشعر.. ولحد يقول لي تعب .. مافي شي يجي يالساهل ( واسالوا نفسكم النبات لو مارعيناه هل ينبت ويطول ؟؟؟ اكيد لا..كذلك شعوركم..) وصدقوني لما تشوفون النتيجه بتدعون لي .. ومابي غير دعواتكم بالستر والتوفيق....




- ملاحظه هامه:



1- فيه بنات مافهموا تنسيق الايام ..مش ضروري تلتزموا بنفس الخطوات المهم ماتجهدون شعركم..مثلا اختاري السبت او الاحد وحطي خلطه الحناء واغسلي وحطي بعد الغسل زيت اوكريم واتركيه ليوم الاثنين ..يوم الاثنين اعتبريه يوم راحه لاتحطين عليه شي وممكن تغسلينه من الزيت او الكريم..المهم بين كل خلط والثانيه يوم راحه للشعر ..فهمتوا بنات .. يعني يومين نحط وحده من الخلطات ويوم راحه يومين خلطه اللي بعدها ويم راحه ...وهكذاااا ..

2- فيه بنات سالوني على المساج ..نسيت اوضح الافضل يكون براحه اليد او اطراف اصابعك بشرط تحريك الفروة نفسها مش تشدين الشعر باطراف الاصابع.

3- بالنسبه للمقادير غير محدده..ماقدر احدد بس زيدوا زيت الخروع دايما لانه يغلظ ويطول.

منقول

دمتي بود




":":"::":":":
موضوع مقدم من منتديات ديزاد (منتدى الحصريات)


https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com/vb)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com/vb)©