سر جمال شعر الهنديات؟؟؟

[ام بهاء]

سر جمال شعر الهنديات؟؟؟



السلام عليكم ورحمه الله وبركاته

كيفكم اليوم يا بنات يا جميلات انشاء الله بخير،،

جبتلكم اليوم موضوع انشاء الله يعجبكم وتقدرون تستفيدون منه



المهم بدخل بالموضوع ..داع الصيت مؤخرا عن زيت هندي اسمه هيمتاج..يستخدمونه الهنود لتبريد فروه الرأس ويمنع التساقط ومجدد،،

ها اللي مكتوب عليه..بعد عناء طويل مت البحث سألت واحد هندي ببقاله ..وأول ما سمع اسمه قال زين ها الزيت حق تساقط الشعر..المهم بعد كم يوم قال بجيبه و أحطه بالمحل ...
وعاد أنا مااالي صبركل يوم أروح أسأل عنه لين جابه من 3 أيام
و على طول حطيته على راسي ..أول ما فتحت القارورة أشم ريحه غريبه عجيبه مثل الفيكس..لما حطيته حسيت أنه يتغلل داخل صدق و الله و ياكل شعري أكل وحطيت كيس نايلون و فوطه عشان ما يبرد راسي زياده وخليته أربع ساعات,, وأنا أغسله حسيت بحراره على ظهري لما ينزل بالماء لأنه وااايد حار..وحسيت ان شعري مع الغسيل سايب وناعم ....وله تأثيرأكثرمن أي خلطه حطيتها على شعري لان شعري وايد متقصف و يتشابك خصوصا مع الغسيل وما أمشطه لين ينشف ها المره فعلا حسيت بتغير واااضح
النعومه و الطراوه من أول غسله.....


و بالنسبه للفوايد:
1- تطويل الشعر
2- منع تساقط الشعر
3- كثافة الشعر
4- القضاء على القشره
5- المحافظه على لمعان الشعر
6- التخفيف من الصداع
7- تغذية الفروه
8- تبريد الراس


اتلاقونه بالبقالات الهنديه ..... وحذاري من التقليد لازم تكون صناعته هنديه
واالقارورة لونها برتقالي و مكتوب عليها كلام كثير بالهندي ..
وفيها صورة واحد عنده شنب كبييييير ..
داخل العلبه فيه كرتون وبعديين تلاقين القارورة من الزجاج و بها سائل أحمر اللون..

انشاء الله ما أكون طولت عليكم


انابصراحة الفكرة مادخلت مزاجي عشان فيها هنود ومدري ايش انا اخاف من دي الاشياء مررررررررررررررة وكمان حااارلا
بس نقلته للفائدة
مع تحيات
عطري http://www.dzbatna.com/vb/images/smilies/ANSmile19.gifاستغفاري
موضوع مقدم من منتديات ديزاد (منتدى الحصريات)


https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com/vb)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com/vb)©