البقدونس والشعر

[ام بهاء]

البقدونس والشعر



السلام عليكم ورحمة الله وبركاته


البقدونس لصحة ولمعان شعرك

البقدونس ممكن نستخدمه بأشكال مختلفة؛ سواء هنغليه على النار أو هنعصره، وبعد كده ناخد الناتج ونبدأ نعمل منه ماسكات للشعر بأشكال مختلفة.
عصير البقدونس
هنقطع البقدونس قطع صغيرة، ونحطّه في الخلاط مع شوية ميه بسيطة، ونضربه في الخلاط أو نهرسه بالكبة لحد ما يبقى ناعم أوي.
لوسيون البقدونس المكونات
1/ 2 كوب ميه سخنة
حزمة بقدونس

الشرح طريقة:
هنقطع البقدونس قطع كبيرة، ونحطّه مع الميه السخنة في حلة على النار، ونسيبه يغلي لمدة من 15 : 20 دقيقة، وبعد ما البقدونس يغلي كويس أوي هنصفّيه، وبعدين ناخد اللوسيون نستخدمه في الماسكات.

اللوسيون ده نقدر نستخدمه على الشعر لوحده بدون أي إضافات، بعد ما نغسل شعرنا هنشطف الشعر باللوسيون ده، ونسيبه لمدة من 10 : 15 دقيقة فقط، وبعدين نشطفه بالميه، مع الاستمرار عليه هيدّي للشعر النضارة والصحة واللمعان.

البقدونس للشعر الدهني
المقادير:
1/ 2 كوب لوسيون البقدونس
ملعقة متوسطة عسل نحل
قطرات ليمون

الشرح طريقة:
هندوّب العسل مع مية البقدونس كويس، وهنستخدم الماسك ده لجذور الشعر، وكمان للشعر نفسه، ولكن بشرح طريقة مختلفة.

هنقسّم الكمية دي لجزأين؛ أول كمية هنضيف عليها قطرات عصير الليمون، ونحطّها على جذور الشعر، وده علشان الليمون بيساعد على لمعان الشعر، وكمان لو فيه قشرة بيشيلها، وبيخلي فروة الرأس نظيفة بدون قشرة، أما الكمية الباقية من الماسك هنحطّها على الشعر نفسه بدون إضافة الليمون؛ لأن الليمون بينشف الشعر شوية وعلشان كده هنكتفي باللوسيون مع العسل فقط.

هنسيب الماسكات على شعرنا لمدة من 20 : 30 دقيقة، وبعدين نشطفه كويس.
منقوووووووووووول
موضوع مقدم من منتديات ديزاد (منتدى الحصريات)


https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com/vb)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com/vb)©