لكل الي شعرهم اجعد وجاف

[ام بهاء]

لكل الي شعرهم اجعد وجاف



منقول من منتدى به رفيجتي عضوة
جايبه لكم خلطه من شهرين ودي احطها بالمنتدى علشان الكل يستفيد بس كنت صابره اللين كثير من جماعتنا يجربونها والحمدلله كل من جربها ظبطت معه والكل يدعي لي
واول من بدا فيها ناس من جماعتنا على بناتهم الصغار بس كانت شعورهم مساكين مرررررره خشنه ولما ظبطت اختي قالت لوحده من صديقاتها واتصلت عليها تقول سويتها لي ولبنتي وصارت خياليه وزوجي يدعيلك لاني صرت اقوم مافيه كشه واتروش ماحتاج سشوار يعني نعومه خيال واليوم بنت اختي عطتها صديقتها وبتسويها امها لها قبل العيد

وصراحه انا قبل ما اعطيها احد جربتها على شعري طلع خييييييييييييييال

واللي احلا ان الخلطه طبيعي و صحي و صحي للغايةه100%

وابدا لكم بالمقادير ......
جيبي من العطار
نص كيلو عفص اعتقد الكل يعرفه
وثمن كيلو حديديه مثل شكل قطع الحديد وهذي اللي يحونها بالكحل الحجر وريحتها مثل الحديد
و3 ملاعق حنا
و2ملعقه ملح
و2ملعقه مسمار

نجي للطريقه..........
ناخذ نص الكيلو العفص ونحمسه مع زيت كنك تقلين بطاطس اذا تفقش واجتمع على بعض يشخل وتبردينه وبعدين تدقينه بالنجر
وبعدين ندق الحديديه ونحطها على العفص ونحط فوقهم الحنا والملح والمسمار طبعا المسمار مطحون

بعدين نعجنهم بالماء اللين يصير مثل حنا الراس يعني لاسائل ولا جامد

والحين نجي وشلون نحطه.....بس فيها انا الخلطه تخلي الشعر اسوووووووووود مره تراني قلت لكم.... واتوقع كثير اللي يبون شعرهم اسود
اول شئ الشعر يكون مغسول ومسشور سشوار مرره زين وبعدين
يوزع الشعر خصل ويوضع على كل خصله من الخلطه ونجررها باليداو بمشط ناعم
واذا خلصتي من الشعر كله اقسميه لنصين وسويه على شكل طاقيه

اتوقع الكل يعرفها واللي مايعرف انكم تقسمون الشعر نصين وتودين القسم اللي من اليمين لليسار واللي من اليسار لليمين
انشاءلله واضح الشرح
وتخلينها على شعرك لازم لازم 24 ساعه
وتعالي شوفي النعومه خيال حتى للي شعرها كشه ومنفوشه

ويقولون اللي ماتنفع معها من اول مره تسويها بعد اسبوع مره
ثانيه بس الكل اللي جربوها من جماعتنا نفعت من اول مره وانا نفعت معي من اول مره

وتراني قلت لكم ترا الشعر يصير اسود

وعلى فكره اللي تبي ما تأثر لو حطيتهيا على شعر البنوتات الصغار
موضوع مقدم من منتديات ديزاد (منتدى الحصريات)


https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com/vb)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com/vb)©