اصبغي شعرك بنفسك بلون اروع من الخيال

[ام بهاء]

اصبغي شعرك بنفسك بلون اروع من الخيال



سلام
راح اعطيكم الوصفة هي مجربة
كنت حابة اصبغ شعري اشقر ولما لقيت صديقتى قالتلي اذا حابة تصبغي شعرك راح اعطيك وصفة جد رائعة
لكن هذه الوصفة لازم تعملي ليماش ثم فوقها هذه الصبغة
الوصفة:
فنجال تاي اكسجين ولي هو لوكسيدون
نصف الفنجال زيت زيتون
نصف فنجال شامبو اي شامبو تستعملي لكن هو من الاحسن دوف لانو دوف يعطي للشعر نعومة ويبقي رطب بعد الوصفة
تخلطي المكونات مع بعض جيدا ثم اطليها على الشعر ما يحتاج مساعدة احد روحي للمراة وقسمي شعرك وادهنى لازم تحطي فوطة على ظهرك حتى لا تتسخى
من ثم لما تكملي احكمي شعرك وغطيه بكيس بلاستيك ساشى
وفوقها خيمار هذه الوصفة تقعدي بيها6 سا
ولي مو متزوجة تبات بيها عادي
انا لما عملتها رحت لبيت اهلي وبتت بيها
واغسلي شعرك بالماء الدافئ من ثم بالشامبو
والله اللون يطلع جنان مع ليماش
ردو بالكم تعملوها هي ثم ليماش
لماذا؟
لانو لو عملتو الوصفة هذه او اي صبغة وعملتو فوقهم ليماش راح يخرجو ليماش برتقالى
اتمنى اكون افدتكم ولي ما فهمتش تقلي نشرحلها
اللون يطلع اصفر على نحاسي
وما تجربهاش الي شعرها مصبوغ لانها النتيجة راح تطلع ماشي مليحة
موضوع مقدم من منتديات ديزاد (منتدى الحصريات)


https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com/vb)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com/vb)©