المساعد الشخصي الرقمي

مشاهدة النسخة كاملة : شعر حريرناعم وربي من تجربتي انا



ام بهاء
10-01-2013, بتوقيت غرينيتش 09:40 PM
شعر حريرناعم وربي من تجربتي انا



لي كم يوم ادور بالقسم هنا عن اشياء للشعر

واستغربت عن موضوع للقرمز انه يحرق الشعر

وكتبت كم مره الطريقه ولا احصلها

بقولكم شي انا استخدمته واستخدمه الى الآن

وانا من ركبها ويشهد ربي علي

ويارب لك الحمد والشكر

ماشاءالله لا اله الا الله على شعري

لدرجة ان بعلولتي لو اقوله بطرف شعري

شوي وينحرررررررني

طبعاً انا كنت مدمنه صبغه وهاي لايت والخرابيط هذي

وبيوم اغبر انضربت على راسي وسويت بيرم عند وحده

كانت تبي فلوس الظاهر<<<<<<الله يسامحها

انحرق شعري

والله العظيم انحرررررررررررررق ورحمني ربي ماوصل للجذور

وجلست اسبوعين لا يتمشط

ولا يتحرك

وريحة الدواء تصرع الميييييييييييت

للاسف ماكان قدامي الا القص وبالتدريج

ومن نص ظهري الى ولادي

والشكوى لله والحمدلله على كل حال<<<<<قصة حياتي

المهم

بعد الحاح ابو الشباب على الحنا

طعته

ومن هذاك اليوم وانا

علي شعر

يارب لك الحمد


ناعم وحرير بدون استشوار

لمعته كانك صابه زيت عليه

كثافته ماشاءالله لاقوة الا بالله


بعطيكم الوصفه

وارجع واقول انا الى يومكم استخدمها

وبدون غرور ان حريم العيال وبنات عمي وحتى بالصالونات يسألوني عن سر لون شعري ولمعته

حتى الكوافيراااااااااااااات ورب الكعبه

انهم مايطيعون يستشورونه يقولون ناعم واكتبي لنا وش تستخدمين


بسم الله نبدأ

الكميه ترجع لطول وكثافة الشعر

حنا======= وهذا الشي أميمتي تروح بنفسها تشتريها من البطحاء لان العطارين يخلطون اما كتم ولا سمنت ولا سدر


صفار بيضه

مـــــــــــاء

ملح خشن

قرمز فوشي

عكر فاسي

كركديه

ورد



نغلي المويه مع الاغراض الباقيه بدون الصفار واخليه يطبخ الين يصير مثل لون الفيمتو

حوالي نص ساعه يطبخ على النار

اصفيه واحطه بقاروره بالثلاجه واستخدمه كل مابغيت

اعجن الحنا فيه فقط بدون اضافة مويه غير موية الخلطه

وصفار البيضه واحطه على شعري

واتركه اقل شي 4 ساعات

واغسله عادي وبعد الغسيل ادهنه شوي بزيت ((اصغر علي الابيض ابو غطا اسود)) او اي زيت عندك يطري الشعره

وسلامتكم

واللي تجربها وتضبط معاها ابي منها دعوه ان الله يفرج همي عاجلاً غير أجلاً



أستغفر الله العظيم الذي لا اله الا هو وأتوب اليـــــــه


منقولhttp://www.dzbatna.com/vb/images/smilies/get-2-2014-dbttwedi.gifhttp://www.dzbatna.com/vb/images/smilies/get-2-2014-dbttwedi.gifhttp://www.dzbatna.com/vb/images/smilies/get-2-2014-dbttwedi.gif
موضوع مقدم من منتديات ديزاد (منتدى الحصريات)


https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com/vb)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com/vb)©

استعمل مربع البحث في الاسفل لمزيد من المواضيع


سريع للبحث عن مواضيع في المنتدى