شوفوا وش يقول هالرجال

[ام بهاء]

شوفوا وش يقول هالرجال


السلام عليكم ورحمة الله وبركاته


اليوم دخلت احدى المنتديات ولقيت احد الاعضاء قاعد يتكلم عن لبس

الحريم في بيوتهم وطبعا العضو رجل اقروا وش قال وعطوني رايكن

.
موضوع اليوم بصراحه حساس ومهم للكثير من حريمنا
..
.

(( حريمنـــــــــــا والخـلاقـــــــــين ))

.
..
الخلاقين وماادراك مالخلاقين

حريمنا يدوجن بهالاسواق ويخمن انواع الملابس واخر الموضات سواء لبس

او اكسسورات

اومكاييج

او عطورات

وبالاخير الخلاقين تعلق بالدواليب وزي بعد اللي ماتنطل نطل

وكم شهر الا وهن مضفوفات ومحطوطات بااكياس ومودينها للجمعيات واكثرهن مالبس الا مره

وشي جديد بقراطيسه مالبس ولا مره

وبالاخير يرجعن للبس الخلاقين اما ..

قميص يجيب البلا

ولا روز حق العجز

ومابقى الا يلبسون سراويل خط البلده عشان تكمل بعدhttp://www.dzbatna.com/vb/images/smilies/get-2-2008-n0gfapyo.gif

.
.
انا مااقول كل الحريم

لا واللهhttp://www.dzbatna.com/vb/images/smilies/get-2-2008-ehrx1i9o.gif

لكن الاكثريه واللي اشوفهم بالعزايم وتجمعاتنا

بنات مطلقات اعمارهم صغيره واذا جيت قامت تتشكى

وراه محد يخطبني انا ناقصه ؟

شلون تنخطبين وهذا لبستس ؟

التجمعات هذي اغلبها خطابات وعجز يكتشفون ويدورون لعيالهم

اذا شافت شكلتس وشلون تخطبتس لولدها ولبسك يجيم الهم وشوشتس منفوشه

.
.
هذي تهون عند اللي متزوجات اللهم ياكافي

هذا اللي على قولتهم يبط التسبد

الرجل مرتز عند التلفزيون ويقز بهالبنات اللى بالقنوات يفتحون النفس

واذا التفت وشاف حريمته ياحوله خنقته العبره http://www.dzbatna.com/vb/images/smilies/get-2-2008-7gwplast.gif


طيب ليش مايصير العكس ؟

ليش اذا التفت وشافها والا لبسها وكشختها احسن من هاللي قاعدات يرقصن واضطر انه

يلاعبها ويدلعها ويمكن يغير القناة للمصارعه الحره

.
.
واللي يبط التسبد اكثر اذا كانت ماعندها اطفال ومهمله نفسها

عاد هذى اللى مالها حل ولا ربط http://www.dzbatna.com/vb/images/smilies/get-2-2008-n0gfapyo.gif

مشكلة بناتنا اذا اعرسن وضمنن الرجال طنشن خلاص

الرجل وحطته بجيبها خلاص وشو له نتلبس !!

تسدح وتجطل

اكل ونوم
وكروش يارب لك الحمد والشكر الوحده مابعد وصلت 27 سنه وبطنها كنها حامل بتوأم

وزين بعد تسان ماجاها سكر وكوريسترول من قلة الحركه

كل ماقامت لها وقت جابت هاك الصحن اللي كل انواع الحلا والبلا فيه ودلة قهوه

وهات تجرع وبلع بعدها تنسد النفس وزوجها المسيكين يلهث بشغله واذا جاء بيجي

اتصلت عليه تكفى يابو فلان مر جب لك غداء انا مااشتهيه اليوم وتوي قايمه ومصلحت

.
.
انا اعرف الرجال اكره مايشوفون اكل المطاعم وطبخ البيت مقدس عندهم

.
.
نرجع للخلاقين ..


ادري اني لزقه وفضيحه:02:

بس وش اسوي هذا اللي انا اشوفه بصراحه وودي يتغير

رساله الى كل زوجه طول الوقت وهي منجطله تسدح وبلع

الحين تشوفين البنات البيوت مليانه من كل صنف ولون

اشكال البنات العوانس

وراتس ماتهتمين برجلتس قبل تروح عينه منا ولا منا ؟

اكثر الرجال تلقينه يشوف وساكت

يشوف الاهمال من زوجته ولافقها على قولتهم

وماتدري الا وهو معرس

طيب من اول وراتس ماحافظتي عليه وكل وقت وانتى لابسه ومتزينه

وش اللي يشغلتس ؟

ترى كلها لبس مايبي تعب والدولاب مليان

حنا مانقصر ولانرد حريمنا عن السوق ونعطيهن فلوس

بس نبي لبس

نبي تكشخ

نبي دلع

نبي رومانسيه

نبي غنج ورقص

مانبي شحوم وكروش وتسدح وتسحب بهالاسواق على الفاضي

اكثر الحريم تلقونها تشتكي من زوجها مايهتم فيني ومطنشني

نعبو بليستس وشلون يهتم وهو اذا جاء البيت شافتس على حطة امس على قولتهم ؟http://www.dzbatna.com/vb/images/smilies/get-2-2008-7gwplast.gif

يعني راح ساعات ورجع وانتي انتي خن بط ماتغيريتي

بعض الحريم اشوف ان رجالهم اكشخ وانظف منهن بكثير

واقول ياحليلهم ياصبرهم

بس يمكن مايطول هالصبر



اتمنى كلامي مايزعلكم

لانه هذا الواقع واللى صاير

منقووووووووووووووول



https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png
موضوع حصري لمنتديات شباب باتنة