سر الاندنوسيات للشعر الجميل ...

[ام بهاء]

سر الاندنوسيات للشعر الجميل ...




اول شي يارب ان كلامي هذا يفيد كل وحده عندها مشاكل في شعرها

ووالله ان كل كلمه بكتبها حصلت لي...

طبعا قبل سنتين غلطت غلطه فادحه وهي اني لونت شعري بصبغه سودا

وبعد فتره بدا يعذبني جفاف وتساقط وتقصف غير طبيعي و صحي و صحي للغاية ووالله تعبت نفسيتي بشكل فظيع منه...

وجتنا شغاله جديده (الله يسعدها ويذكرها بالخير )

عملنا عزومه ومارضي شعري يزبط بصراحه نكد علي ((ادري غثيتكم بالهرج بس الحين بعطيكم المفيد))

اهم شي قالت لي انتي بس جيبي لي جوز هند

جبت لها 3 ثمرات جوز هند قامت طبعا فرغت المويه حقت جوز الهند في ابريق

وقشرتها واخذت جوز الهند الابيض من جوا وحطته بالمطحنه زودت عليه من المويه حقته اللي في الابريق وطحنته كل الثلاث حبات بنفس الطريقه

المهم جابت قدر كبير وجابت الصفايه وصارت تصب اللي طحنته في الصفايه...

على القدر الفاضي لحد ماخلص يعني بس السائل انتبهي لاتحطي نفس جوز الهند

وخلته على نار هاديه لمده طويله

جلس يغلي في القدر لحد مابقى في النهايه شوي زيت

ومعاه بقايا جوز هند محروقه

وقالت لي هذا الزيت بيفيدك ان شاء الله

ووالله ماتتخيلوا في مده معينه كيف صار شعري يهبل الحمد لله والكل لاحظ انه مره تغير...

امانه حاولو تنشرو الوصفه قد ماتقدرو يابنات

مـــــــــــــــــــلاحظه :

كمية الزيت من 3 جوز هند قد فنجان قهوه

يمكن تنفع مع شعر وشعر لا فرجاء مني لاتدعي علي اللي ماتنفع معها

لان مجهودها متعب...

واللي تنفع معاها تتهنى بشعرها وتفيد غيرها ...

((ادعولي بالذريه الصالحه المعافاه))

موضوع مقدم من منتديات ديزاد (منتدى الحصريات)


https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com/vb)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com/vb)©