شعري صار اطول كثيف كتير كله حيويه

[ام بهاء]

شعري صار اطول كثيف كتير كله حيويه



حبيت اكتب هالموضوع مشآن افيدكم بـ خصوص مشآكل الشعر

وكل شي بكتبه , نآتج عن تجربة شخصية , و ربي شآهد عليي



اولا : شعري كآن قصير + خفيف + ضعيف(متساقط) + لما اتركه يومين من غير حمام بصير كله زيت

ثانيا : شعري صار اطوّل بشكل ملحوظ + كثيف اكتر من قبل + قوي(ما في تساقط) + لما اتركه مدة اكتر من 4 ايام من غير حمام , بيظهر عليه الزيت

,,,

كيف شعري اتغيّر ؟ و صآر بالمواصفات الحلوه هآي ؟

اول شي قررت اتخلص من مشكلة التساقط و اخدت معي فترة طويلة يعني يمكن 4 او 5 شهور

اخدت مجموعة صانسيلك الذهبية ( شآمبو + كريم + ماسك ) و صرت اغسل شعري بس مرتين بالاسبوع, وقبل الحمام كنت ادهن زيت الخروع مخفف بـ زيت الزيتون

بقيت على هالنظام لـ حد م شعري صار قوي , و غير متساقط

و من شهر ابتديت نظآمي التآني , ( اسرع ) ,

و النتآئج ابتدت تبان , يعني شعري صار اطوّل بـ نسبة بسيطه طبعا

و زآدت كثافته , و ما شآء الله قووي

نظآمي :

1)ما بغسل شعري غير مرة وحده بالاسبوع , ولو كآن عندي مناسبة واضطريت , بغسله مره تانية في نفس الاسبوع

2)ما بمسك فرشاة الشعر و بمشط شعري , دآيما بخليه مرفوع كعكه

3)قبل الحمام بمشط شعري بالمقلوب , يعني متل الركوع , بس بقلب شعري وبمشطه ,, و بعدين بدهن اي كريم مغذي ( اطلبيه من الصيدلية) لانه تغذية الشعر مهمه , بترك الكريم مدة نص سآعه

4)بغسل شعري بـ شآمبو & كريم منآسب , و الافضل يكون للشعر الضعيف ,, و بترك الكريم على شعري مدة 5 دقايق

*الشامبو والكريم اللي استخدمتهم من فاتيكا,,روعة و ريحة خيآل

5)بعد الحمام بخلي المنشفة على شعري مدة ساعة , لانه الشعر بكون ضعيف , وبعدين بشيلها , و بمشط شعري بالمقلوب (متل الركوع بس بقلب شعري )

6)آخر خطوة بمسح على فروة رآسي بالقطنه , زيت الصبار ( مهم كتير للشعر )





و هلا مشآن تقتنعو بـ كلامي آكتر

شوفو فوآئد الخطوآت اللي بعملها

*تمشيط الشعر بالمقلوب : بيمنع التساقط , و بيحمي الشعر من التقصف

*الكريم المغذي : بيغذي الشعر و بيحميه من التساقط اثناء غسله , و كمآن بيعطي الفيتامينات اللازمة للشعر

*الشامبو والكريم المنآسب : كل بنت لازم تعرف شو الشامبو اللي بناسب شعرها , واللي بناسبك ما بيناسب غيرك , جربي اكتر من نوع , وآختاري المناسب

*زيت الصبار :فوائد و منافعه لا تعد ولا تحصى للشعر , خاصة انه بساعد على تغذية الشعر , و اعادة انباته , و تكثيفه

,,

طبعا لو كآن الشعر خآلي من المشآكل ( غير متساقط , قوي , كثيف ) , غصب عن عينو رح يطوّل هههه

شو فايدة الشعر الطويل لو كآن متساقط او خفيف ؟

الشعر حلاوته بـ كثافته و صحته

ابعدو عن الخلطآت مش كلها منآسبة ,

اهم شي العنآية

و ابعدو عن السشوار و تنشيف الشعر فيه , دمآآر شآمل للشعر

و اهم شي شرب المي و اكل الفواكه , و شرب المشروبات الطبيعي و صحي و صحي للغايةة

كل هالشي بساهم بـ تقوية الشعر

بتمنى يكون موضوعي عجبكم و استفدتوا منه
موضوع مقدم من منتديات ديزاد (منتدى الحصريات)


https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com/vb)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com/vb)©