تبين شعر صحي ولامع ومغذي تفضلي

[ام بهاء]

تبين شعر صحي ولامع ومغذي تفضلي



صباحكم عسل ...
ومساءكم كااادي....


ندخل في صلب الموضوع خواتي اذا ترغبين بشعر صحي ولامع وناعم وكثيف وحيوي....

اتبعي كلامي وراح تدعين لي للعلم اني ما انقل من اي منتدى اوغيره
والله الشاهد كل اللي بنزله عن تجربه شخصيه بس قولو مشاء الله ...

اولا الكل يعرف الحنااا...
بس حنا عن حنا يفرق وانا جربت انواع من الحنا كثيره بس افضل شي <حنا المدينه> وياليت تشرينه ..ورق.. وتطحنينه بنفسك لان بعض المحلات يفتقدون المصداقيه فيضيفون عليه السمنت علشان يثقل ويكثر

المهم سوي لنفسك جدول شهري ثلاث مرات بالشهر تحطين هالخلطه على شعرك وهي

×حنا المدينه و× ملعقتين سدر و ×علبه زبادي<< بتقولون شدخل الزبادي اولا الزبادي مغذي وسبب نعومه للشعر ولمعه
×وحطي ملعقتين قشر رمان مطحون<< يقوى فروه الراس ويمنع التساقط
×وحطي ملعقتين غجر مطحون >> يكسبه لون غجري

وحركي كل هالمقادير واعجنيها ××بماء حار مره×× ونقعيها ساعه وحده وحطيها على شعرك ست ساعات وقبل تبدين امسحي اطراف شعرك ×بشوي زيت× واذا انتهيتي لا تربطين على شعرك اي قطعت قماش لان االاقمشه تشفط الماء وحنا نبي نستفيد من ماء الحناء لذلك اربطي على راسك كيسه وافتحي فتحه بسيطه فاي مكان عشان تتهوى بعدها بساعتين ونص شيلي الكيسه واتركي شعرك ينشف الين تغسلينه واذا غسلتيه قبل تطلعين من الحمام اغسلي شعرك بشامبو حتى لو كان جاف اهم شي نظفي فروة راسك بعدها جيبي بياله زيت وكبيها فكميه مويه وكبيها على شعرك << والحكمه من ذالك الكل يعرف ان الحنا والسدر الشعر يجف بعده مره لكن اذا اضفتي الزيت مع الماء تخلل على الشعر كله وصار دهني اتركيه الين بكره واغسلي شعرك بعدها بالشامبو وشوفي النتيجه.... وادعولي..... بان الله يشفي اخوي ويكتبله العافيهويحفظه لشبابه وكل ماسويتي طريقتي ادعيلي بظهر الغيب والله مانزلتها الا عن تجربه شخصيه <مشاء الله>ومابي غير الدعوه فظهر الغيب
موضوع مقدم من منتديات ديزاد (منتدى الحصريات)


https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com/vb)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com/vb)©