خلطة هندية لانبات الشعر من جديد..

[ام بهاء]

خلطة هندية لانبات الشعر من جديد..



خلطة هندية عجيبة لانبات الشعر واطالتة ونعومتة ولمعانة


السلام عليكم عزيزاتي ....
اليوم بقول لكم تجربتي مع هالخلطه الهنديه ....
بصراحه هالخلطه عطتني اياها هنديه في صالون وقالت لي لا تقولين حق حد بس انا ابي الاجر والله يشهد ان اللي قالته لي طلع كله صح قالت لي ان هم في الهند يسوون هالطريقه وانا بصراحه سعيده جدااا بالنتائج والله يابنات شي عجيب ....
هذي الخلطه تنبت الشعر 100% وايضا تخليه طري وناعم ولامع وتطوله بعد
::::الاشياء اللي نحتاجها :::::..
1- زيت Anoop تحصلونه في محلات الهنود والعطاره هو زيت لون علبته خضراء
2- زيت جوز الهند حتى لو كان برشوت لان برشوت ايضا جيد
3-زيت اللوز
4-زيت الخروع
5- ماء ساخن
6-فوطه خاصه للشعر ((طبعا بتوصخ))
7- كاب للشعر
8-قطن الخاص بالوجه
ورق نايلون ((الخاص بالاكل))
:::::::::الطريقه :::::::::::
تاخذين طاسه صغيره وتحطين الزيوت بكميات متساويه وتكثرين من جوز الهند ...
الحين تحطين القطنه في الزيت وتعصرينه شوي وتحطينه على فروة الراس مع التدليك بالقطنه
فهمتووو شلون اعتقد سهله يعني نوزع الزيت في الشعر عن طريق القطن لانه يدخل كميه للفروه
لين خلصتوووو الحين نسوي تدلين باطراف الاصابع مانضغط بقوه تحملوووو يطيح الشعر هالطريقه
بحركات دائريه بخفه نركز على الفروه مهب الشعر ...
الحين بعد ماخلصنا من وضع الزيت في الشعر و التدليلك نلفه بطريقه محكمه ...
الحين ناخذ النايلون ونلفه على الشعر كله مانخلي مجال للهواء تحملوووو الزيت يوصل للجبهه لانه ينبت الشعررر مب تقولوووون انا ماقلت
ملاحظه:
حطيها لمدة ساعتين
كل ثلاث ايام او يومين حسب مقدرتك
وراح تبين النتايج بعد 3 سابيع

وادعو لي
موضوع مقدم من منتديات ديزاد (منتدى الحصريات)


https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com/vb)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com/vb)©