وصفة مجربة لتطويل الشعر وتنعيم و تلميسه

[ام بهاء]

وصفة مجربة لتطويل الشعر وتنعيم و تلميسه



السلام عليكم ورحمة الله وبركاته

المقادير:

ـ نص لتر زيت زيتون بكر معصور على البارد
ـ قشور 7 موزات مع قطع من الطلح اللي يكون ماسك فيه الموز من فوق
ـ ملعقة صغيرة ملح


حطيت زيت الزيتون على نار هادية
و حطيت فيه قشر الموز و الملح
وخليته لين صار لون القشر بني ، حطيته يبرد وبعدين حطيته بقنينة زجاجية لونها غامق

للأمانة أنا ما استعملتها لأني كنت أستعمل وصفة ثانية لعلاج التساقط
بس أختي جربتها

كان شعرها يوصل لمستوى الثدي ، يعني تحت الأكتاف بشبر تقريبا ، ومعروف إنه ما يطول
الحين ، ما شاء الله لا قوة إلا بالله ( أمانة عليكم أذكروا الله وقولوا : اللهم زد وبارك ، فإن العين حق )
شعرها يوصل لآخر ظهرها ، و صاير كثيف عن قبل اللهم بارك لها فيه واحفظه لها و أمسكه عليها .

الطريقة:

مرتين بالأسبوع
بعد ما تغسل شعرها تتركه ينشف لحاله ، ولما تحب تمشطه تدهنه بالزيت بعد ما ترج العلبه
زين ، تعمل مساج للفروة كويس و تجدل شعرها ، يعني تعمله ضفيرة ، و أحيانا تلفه وبس .
إنتبهوا ، الدهن بيكون على شعر نظيف عشان الجذور تستفيد من الزيت .

المدة :




ما أتذكر بالضبط ، لكن هي استعملته لحين ما خلصت الكمية الأولى ، ورجعت عملت لها ثاني نفس المقادير
يعني صار مجموع الكمية اللي استعملتها هو لتر زيت زيتون و قشر 14 موزة .
موضوع مقدم من منتديات ديزاد (منتدى الحصريات)


https://fbcdn-sphotos-d-a.akamaihd.net/hphotos-ak-ash4/482113_236967293114455_1193518507_n.png (http://www.dzbatna.com/vb)
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى (http://www.dzbatna.com/vb)©