السلام عليكم وصح عيدكم جميعاا

انا تاني حبيت نشارك معاكم بحلويات جزائريةي البسيطة والمتنوعة نتمنى تعجبكم
les marons
المقادير:
500زبدة فلوريال +250غ سكر رطب +5صفار +كاس بندق مقلي ومرحي + كاس جلجلانية مقلية ومرحية +كاس نشاء
+1 خميرة + الفرينة

تحلي العجينة وتقطعيها دوائر وتلصقي 3 حبات فوق بعضاهم بالكريمة
مقادير الكريمة :
250غ زبدة +100غ سكر +فاني +2حبات ليمون عصير واضربوهم جيداا بالباتور
ويدهن القاطو من فوق وعلى الجوانب

على الجوانب انا استعملت كوكاو افلي ومن فوق شوكولا رابي



ballon

المقادير:

250 غ زبدة +1/2 كاس سكر رطب + بيضة + صفار بيضة + شوية فاني + نص كاس لوز او كوكاو بالقشور مرحي + 2 مغارف زيت وتنشفي بالفرينة
تعمليه في لي مول تاع البالون وكي يطيب تحشيه

الحشو:

كابريس و نيسلي ومكسرات المتوفرة عندك

ومن فوق شوكولا وجوزة وخطوط بيضااء



قاطو الـ pain depice

المقادير:

كيلة زبدة دايبة + كيلة زيت + كيلة حليب سائل + باكي خميرة غير شوية + فاني + قرصة ملح + الفرينة وتلميه مليح

الحشو :

كيلة لوز بالقشور مرحي +كيلة بيستاش مرحي + كيلة جوز مرحي + كاكابيشو + وتلميه بالمعجون

التزيين:
في الوسط pain depice مرحي وعلى الجوانب سكر رطب

واعمليلو خطوط رقاق بالشوكولا البيضاااء



قاطو اللوزة:
500غ زبدة +1/2كاس سكر رطب +2 بيض + فاني +1/2 مغرفة صغيرة خميرة وتنشفي بالفرينة

تعمليه في السينياات تاع اللوزة تاع لحديد وتطيبيه

الحشو :

نيسلي طايب وشوي جوز مرحي يمكنك الاستغناء عن الجوز

ومن فوق لوزة وخطوط شوكولا





صابلي:

500غ زبدة لابال +4صفار بيض +كاس سكر + كاس مخلط كوكاو مرحي ونواد كوكو +مغرفة صغيرة فاني + zest تاع حبة قارس وتنشفي بالفرينة

وتعمليه على شكل وردة او دائري

كي يطيب تعملي حبة فوق حبة بالمعجون ونص تعمليه في نواد كوكو والنص التاني فالـــain depice المرحي وفي الوسط الحلوى الملونة


وخلصت هه

©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©