00 صباح الخير عليكم جميعا ان شاء الله تكون بخير
اليوم نحطلكم وصفة (جزائرية) سهلة تعملي بيها زوج قاطوات وهي خفيفة ولذيذة
اولا المقادير
هذا وش نحتاج 4 كيلات فرينة + كيلة زبدة ذائبة + شوي ملح ونبل بماء زهر حتى تولي عندي عجينة مثل عجينة البقلاوة
نعجنها شوي من غير ما نقطع العجين



ثم نقرصها ونحطها في ساشي ونخليها ترتاح شوي ومبعد نبدى نخدم

1 - القراقش
ناخذ قرصة ونعمل شوي فرينة ونحل بالحلال رقيقة ثم نقص بالجرارة شرائط وناخذ بالشريط ونقلي في الزيت






2- المخاخ او الكورني
نحل العجينة خشينة شوي ونقص بكاس دوائر وناخذ الدائرة ونضربها شوي بيدي ونلفها على الكورني ونمسح الحاشية بشوي ماء ونغلق مليح ونقلي في الزيت













وهنا بعد ماطاب ورام يستقطر من الزيت نحضر لكريمة للكورني
الكريمة-- نص لتر حليب + 2 صفار بيض + 3 مغارف كبار نشاء + 3 او 4 مغارف سكر حسب الذوق + 3 كيس فاني
نخلط كلشي مع بعض ونصفي ثم نحط على النار ونخلط حتى تثقال ونفرغها في صحن ونخليها تبرد باه نعمر بيها الكورني
القراقش نعسلها ونذرذر عليها الجلجلانية والكورني نمرغد في السكر الارطب ونعمر بالكريمة ونزين بالبستاش

















©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©