السلام عليكم اخواتي الكرام
مرحبا بيكم في كوزينتي
ليوم جبتلكم صابلي شفتو في قناة سميرة و هي بزااااف بنينة

المقادير
نحتاج فرينة
250 غ مارغارين طرية
100 غ سكر رطب
حبة بيض
لفاني
نص مغرف صغيرة خمارة الحلوى
مغرف و نص كبيرة كاكاو
شوكولا ذايبة للتزيين


تجمعي كل من مارغارين + سكر + بيض+ لفاني و خلطي حتى يولي رطب كيما الكريمة
كيما الصورة



قسمي الخليط على 2
واحد ديري فيه الككاو + نص كمية الخمارة و لمي بالفرينة حتى تتحصلي على عجينة طرية
الثاني فيه نص كمية الخمارة لي بقات و الفرينة حتى تتحصلي على عجينة طرية



شكللي 2 حرابش واحد بيض و لخركحلا ثم لويهم على بعض زيدي دوريهم باش الألوان يتلاسقو



ثم قطعي إلى قطع باش تشكلي هليلات



وكي يطيبو زيني الأطراف بالشوكولا


و هاي درتها طويلة




امانة عليك يا اختي ادا دخلت موضوعي لا تخرجي بدون رد
والله بسيف حملت الصور




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©