أتمنى أن تكونوا جميعا بصحة و عافية ،،
معاكم " نور عماني " أختكم من تيبازة ،، ممبدئة في الحلويات جزائرية بصح شاطرة و تحب تتعلم (( وليت حوحو )) ،، المهم ....
أنا صح كنت مبتدئة بصح ظوكا كي ولاّ ينجحلي القاطو و الناس كاامل تشكرو خلوني نعلق زوج نجوم و نولي زعما زعما نفيدكم بخبراتي ههههههه
كاين في المنتدى بزاااف مبتدئات " كيما كنت انا احم احم ،، و اكدولي على كنت " و مازلت حابة نتعلم منكم و مستعدة نمشي حسب نصائحكم و توجيهاتكم ....
alr أختي المبتدئة ... حبيبتي الي ع العام و انتِ تتفرجي واش رايك تنضمي لينا و تبداي اتطبقي وصفات جزائرية مميزة و لذيذة ،، و الأهم أنها مضمونة النجاح
و أكيد أنتِ تعرفي وصفات جزائرية مميزة ،، مام تكون معروفة و كااامل حاطينها فالمنتدى ،، لكن لكل واحدة فينا سرها الخاص و لمستها المميزة ،، و ذوقها الي تختلف بيه عن الأخريات
هذااا الي ماذابينا نعرفوه ...
يعني ادخلي هنا ،، و حطيلنا وصفات جزائريةك المميزة ،، و قوليلنا أسرار نجاح الحلوى تاعك ... و حتى أسرار فشلك الذرييييع في بعض الوصفات جزائرية ،، باش كلنا نتعلمو و مانعاودوش نفس الأخطاء
عن نفسي عندي حلويات جزائرية نحبها بزاااف و نتميز فيها ،، يعني ماشي كيما المحترفات الي عندنا فالمنتدى الله يبارك عليهم ،، بصح نقدر نفيد شويا خصوصا أني بديت نتعلم الحلويات جزائرية في معهد تكوين و راني ندي نصائح صدقوني لا تقدر بمثمن رايحة نقولهالكم بالوحدة ان شاء الله
و ظوكا باش مانطولش عليكم ،، نظن الموضوع واضح ،، يتطلب وصفات جزائرية سهلة ،، لذيذة ،، مضمونة النجاح ،، مرفوقة بأسرار النجاح ، و أسرار الفشل ،، و الي عندها اي معلومة مفيدة تشاركنا بيها " مرحبا بالجميع "
تابعونا ~
مازال بجعبتنا الكثييييييير
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©