السلام عليكن احلى اخوات
ان شاء الله تكونو في احسن حال


الدرس رقم "30"من دورة تعليم الحلويات جزائرية


بعد الغياب وبعدحلوة الشاراك المطلي والمسكر اتيتكم بحلوة تقليدية لذيذة وبحشوة اممم وهي
حــلـــوة الــكـــــفــــة
بحشوة الجنواز وكريمة الزبدة

مقادير الشاربات
كاس ماء
نصف كاس سكر عادي
عصير ليمونة صغيرة
نحط المقلدير في كسرونة ونتركهم يغلو حتى تصبح شاربات شوية عاقدة ولونها رايح للاصفر

مقادير الجنواز
6بيضات كاس فرينةكاس سكر نصف كاس نشاء ملعقة قهوة فاني ملعقة قهوة خميرة كيميائية
نضرب البياض مع نصف كمية السكر والصفار مع النصف الاخر للسكر والفاني نمزج الخليطين ونضيف الخميرة والنشاء والفرينة منخولين ونحرك بملعقة من اسفل الى اعلى ونسكب الخليط في مول مدهون بالمرغرين ومرشوش بالفرينة والى الفرن
للامانة هذه جنواز ام رامي للطبخ جزائري انا اعتمدها
بعد ما اطيب الجنواز نتركها تبرد ثم نرحيها في الروبو

مقادير كريمة الزبدة
كيلة فوندون
كيلة زبدة
مثلا 125غ زبدة 125غ فوندون
فاني
عطر الكرامال

اختاري نوع المارغرين الي مافيهاش الريحة مثل بلاط الحرة ماشي رابحة او ماتينا
اذا كان الفوندون جامد حطيه في كسرونة ودريه شوية في حمام مريم غير شوية ونحيه ماتتركيهش يسخن لانه يذوبلك الزبدة
خلطي الفوندون والمارغرين بالباتور مليح اضيفي نكهة الكرامال والفاني
الكريمة واجدة

اضيفي للجنواز كمية من اللوز مطحون من التعليم المتوسط

نجمع الجنواز بكريمة الزبدة وهذه حشوتنا جاهزة

مقادير عجينة اللوز
كيلة لوز مطحون ناعم ومغربل
كيلة سكر رطب
انا كيلت بالصحن الشربة من التعليم المتوسط
ملون غذائي انا استعملت الوردي
ملعقة كبيرة زبدة

نجمع عجينة اللوز بالشاربات الليمون المحضرة مسبقا
وهذا شكلها اعجنها شوية بيدك

طريقة التحضير
نرش فوق طاولة العمل سكر قلاص
نحل عجينة اللوز السمك يكون من التعليم المتوسط
نعمل حربوش من الحشوة ونحطوه فوق عجينة اللوز

نسوي الحربوش مليح

نقطع معينات بالسكين وكل مرة نحطوه في السكر الرطب باش الشكل اجي مليح

ناتي الى عملية التزيين
نحضر عجينة اللوز ب3 الوان انا استعملت هنا المشرية

نصنع ورود واوراق

نزين الكفة نثبت الورود والاوراق ببياض البيض نمسحها بالناكري
وانا ننصحكم بالناكري قوس قوزح
arc en ciel
راه يباع في المحلات تع الحلويات جزائرية يعطي منظر هايل
هنا الكفتة جاهزة متقدميهاش في الحاويات حتى تنشف باش ماتزيتهمش

طريقة التقديم
ان شاء الاخوات الي حبين يتعلموها انكون توفقت في الشرح مفصل
وهي لذيذة جدا وتخرج كمية مليحةوتقعد طرية مدة طويلة والكريمة لفيها ماتفسدش بسرعة مافيهاش البيض
لاتنسوني بصالح الدعاء
مع تحيات اختكم أم إسلام وآية ويوسف






©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©