السلام عليكم و رحمة الله و بركاته*
سفنج السميد مشهور في المغرب العربي و كل واحد و طريقته
هذه وصفة (جزائرية) أمي و جا هايل و خفيف و ساهل جداً*

المقادير:
*نص رطل سميد
اربع ملاعق فرينة
ملعقة صغيرة الا ربع ملح
ملعقة كبيرة سكر
بيضة
ملعقة صغيرة خميرة الخباز
نص فنجان زبدة ذائبة
نخلط المكونات و نبلهم بالماء الدافئ و نحاول تكون العجينة طرية ماشي يابسة نعجن شوي و نخليها ترتاح في مكان دافئ

من بعد نعجنها باليد او العجانة و نسقيها لازم تكون تلتصق باليدين و نزيد الزبدة
نشكل كرات كيما تاع الشخشوخة و المسمن و نخليوهم يرتاحو نص ساعة


نسخن الزيت و نفرد كريات العجين بسمك 8 مم نحاول يكون الوسط خشين و المحيط رقيق
نقلي حبات السفنج و نلوح الزيت فوق كل حبة عندما نضعها في الزيت باه تنتفخ

كي نكمله نعسلوه او نديرولو السكر

ان شاء الله يعجبكم و صحة و عافية




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©