ا


حبيت اليوم نشاركم بالكروكي من المطبخ جزائري الجزائري بمقاديري لانه هذه الحلوى على قد ماهي معروفة الا انه كل واحد و طريقته و كل واحد و مقاديره الخاصة
و لانه نحب بزااف لكروكي مع حليب الصباح كل ما نجرب وصفة (جزائرية) ميجيج كيما نحبه مقرمش الى ان اكتشفت هذه لي حبيت نشارككم بيها اليوم

اولا : المقادير

4 بيضات
كاس و ربع سكر و لي متحبش لحلاوة بزااف دير كاس فقط
كاس و نص زيت
فرينة حوالي 500 غ هنا حسب النوعية قادرة تحتاجي اكثر او اقل
خميرة القاطو 3
فاني


الطريقة

في خلاط كهربائي
نحط البيض و السكر حتى يتضاعف الحجم
نزيدو الزيت

و نشيح بالفرينة معاها الخميرة و لافاني حتى تتلم عندك العجينة
نتركها ترتاح ربع ساعة



بعدها نشكل حرابيش نطليها بصفار بيضة و شووووووووووية حليب
نعمل زخرفة بالفرشيطة و نزينها بالجلجلانية

نحطها طيب من تحت ثم من فوق و كي نجبدها نخليها تبرد شويا بعدها نقصها و نزيد نحمر شويا الاطراف






نتمنى تجربوه و تستمتعو بيه مع افراد عائلاتكم

©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©