الى جميع الأخوات لي طلبو مني وصفة (جزائرية) مقرقشات الوردة بالتفصيل و الطابع نتاعها ( خاصة الاخت اميره 022) راني درتها البارح و صورتها وكي روحت من الخدمة حطيتها لكم
المقادير :
4 كيلات فرينة
1 كيلة سمن ذائب
1 ملعقة صغيرة ملح
1 ملعقة صغيرة فاني
1 ملعقة كبيرة خميرة مطلوع
1 خميرة كيميائية
بيضة
1 ملعقة اكل خل
عسل
زيت للقلي
كيفية التحضير :
نخلط المواد الناشفة كامل مع بعض ، تعجن بالسمن و الخل و البيض
نلم العجينة بماء الزهر
خليها ترتاح ، حليها بالحلال ، نقطع بمودال الورده من الكبيرة الى الصغيرة
نحطوهم فوق بعضاهم ونلصقو ببياض البيض و نرشقو حبة لوز
اقليهم في زيت ساخنة و من بعد عسليهم
ملاحظة:
انا ستعملت المرة الاولى كي جربتها طابع وردة البابونج وهدا المرة استعملت طابع الوردة العادي درت زوج وردات كبار قد بعضاهم و كي حطيتهم خالفت الوردات وزدت قطعت زوج صغار وحطيتهم بالعكس ثاني ولصقت ببياض البيض . ونقول لصديقتي سارة شكرًا على "العفسة"
[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]



[IMG][/IMG]








©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©