السلام عليكم
مساء الخير على وجوه الخير
اليوم لقيت عندي شوية عجين مورق قلت نديروا حاجة حلوة مافيهاش الوقت و سهلة أمالا خممت قلت ندير بيها لسيقار و كاين لي يقوللهم لمخاخ حشيتهم بكريمة الباتسيير مخلطة مع كريمة الشونتيي ممممممم جاو هايلين قرمشة العجين و بنة الكريمة يا سلاااااام هههههه وقيلا شهيتكم
نحتاجو
عجين مورق
كريمة باتسيير درت قيس ربع لتر حليب
كريمة شانتتي مخفوقة
قليل من المكسرات للتزيين و سكر رطب لرش الوجه
طبعا الصور تشرح مفصل نفسها








هنا كي طابوا في الفرن


هذه الكريمة ممبعد ما بردت كريمة باتسيير طلعت كريمة شانتيي و خلطتهم بالباتور



عمرتهم بالبوش آدوي و مرغدت الحواشي في المكسرات ثم زينت كيما راكم تشوفوا








يصلحوا مع المشروبات الباردة روعة في المناسبات السعيدة نجاحات ، خطوبة ، أعياد ميلاد أو لسهرات رمضان أو لضيوفنا و أحبابنا

نتمنى تجربوهم و تفرحوا عائلاتكم لأنها غير مكلفة
في الأخير دعوة خير لي و لعائلتي و لي والديا و لكم بالمثل إن شاء الله




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©