إخوتي دون اطالة انقدملكم حلوى الكفتة من المطبخ جزائري الجزائري و بالتفصيل و ان شاء الله
تستفادوا و المقادير كالتالي



3 باطات قاطو بيمو تاع حانوت
كيلة كوكاو مرحي
زبدة ذايبة حوالي كاس
عسل انلمو بيها الحشو
شوية حلوة الترك و يمكن الاستغناء عنها
عجينة سكر تباع في المحلات
مايزينة حوالي كاس
ملون غذائي

اول شيء نرحي القاطو و نرحي الكوكاو مليح و نفتت حلوة الترك و نذوب الزبدة و انخلط الكل جيدا ثم نلموه بالعسل حتى يولي حشوة متماسكة و الصور توضح









نفور المايزينة واحد 10 دقائق


ناخذ عجينة السكر نعجنها بيديا حتى تطرى شوية ثم نضع المايزينة في صفاية او غربال باش تخرجلنا رطبة لاننا كي فورناها ولات فيها كريات ثم نضعها على عجينة السكر و نعجنها مرة اخرى و إضافة المايزينة للعجينة يجعلها تتماسك و لا تذوب خاصة في الصيف





ثم نضع ملون غذائي اختياري انا اخترت الاخضر و الموف




ثم نصنع حربوش بلعجينة و داخله الحشو كما هو موضح في الصور و كي انحلو البات داموند انكثر المايزينة تحتا باش ما تلصقش ثم نقطع مقروطات و نصنع ورود صغيرة و نزين بها ثم نضع الملمع الغذائي من فوقه










ان شاء الله انكون اتوفقت في نقل الموضوع ان شاء الله
لا تنسوني بدعواتكم الطيبة




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©